Olphong 4:8 - Matu Chin New Testament 2006

⁸ Ramsa hing palii boeih lawngah phe paruk rip a khueh u tih akhui oen adau ah mik hooeng la betoet. Ahimi lawngah yiin oen daai toeng tlaih ohla: “Aciim, aciim, aciim tah Bawilen koek Bawipa Pathen ni, Ahih tah aka awm poen, aka awm lii oen aka awm poe ham koei ni,” tila laa a sak u.

Matu Bible

⁸ Mulhing pali loh a phae parhuk te rhip rhip a khueh. A pum boeih neh a khuiah mik hoeng la bae. Te vaengah duemnah a khueh uh kolla khoyin khothaih, “A cim, a cim, a cim Boeipa Pathen tah tloengkhoelh tah, om coeng tih om li tih ha pawk pueng ni,” a ti uh.

Olphong 4:8 Iomraidhean Croise

Caeltueih 20:31

Tedawngah ngaithuen uh, kum thum khui puet ah khawyiin khawdaai mikphi oen kan cang puei u te hilh u boel.

2Korin 6:18

Kai tah nangmi kah na pa la ka awm vetih, nangmi tah ka canu oen capa la na awm u ai, tila Thara koek Bawipa lawng a thui,” ti.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Hebrew 13:8

Jesuh Khrih tah n'thlem, tihin, dungyan toe amah moepoe la awm.

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 1:8

“Kai tah lamhacuek, oen hukhuengkoek ni tila aka awm lii, aka awm coeng poen tih aka awm poe ham koei Thara koek Bawipa Pathen lawng a thui.

Olphong 11:17

“Thara koek Bawipa Pathen, Nang tah tahe ah aka awm lii oen aka awm coeng la na awm! Na bawilenna huham thara te na hawna tih uk hamla na tong poen dawngah kan uem tangkiik!

Olphong 14:11

Te heemtekna haikhu tah boet ohla asaw la luui hang. Satluung oen ahih kah kutsaimuei aka bok tih satluung kah noekna miing aka khueh boeih ham tah khawyiin khawdaai aphoengna roe awm manawh.” tila angaihhlangla a thui.

Olphong 14:3

Te kah thlaang ting yakhat coeng thong sawmlii palii hue lawngah bawingawlhcoen haiah khaw, ramsa hing palii oen ahaamca thli haiah te pai u tih ahimi lawng laa thaai te a sak u. Thlaang boeih timkah tlang tangte la aka awm thlaang bueng nawh atah te kah laa thaai te thlaang tloe a-u lawngkhaw sa thai nawh.

Olphong 15:3

Ahimi lawngah Tuuca kah laa oen Pathen kah tuihyoeihthlaang Mosi kah laa te a sak u: “Bawipa Pathen Thara koek, metihtlukla na Lenduet tih na thaihu sai he kawpoek rai la a awm, Thlaangphun boeih kah sengpahrang, nang kah lawngpui tah metihtlukla asoeng tih adoeng!

Olphong 15:7

Tecoengah ramsahing palii khuikah pakhat lawngah dungyan aka hing Pathen kah thinsana oen aka be suibeeldung pasarih te vanthlaang pasarih te a peek.

Olphong 16:14

Te thli tah raaithe kah muithla la awm u tih kawpoekraina te a sai u. He kah muithla pathum hue tah Thara koek Pathen Khawhin pui ah thik at la raal tuk ham, dilai pum kah sengpahrang boeih tengla ceemphawh hamla cet.

Olphong 16:7

Tecoengah bokna-thaang dawngkah awl lawngah, “Bawipa Pathen Tharakoek! Nang kah awlcekna boeih he tah soeng tih doeng!” tila a thui te ka yaak.

Olphong 19:15

A kaa dawng kalawng samsen aka hatt pakhat va thoeng, te oen ah ram boeihboeih te a taa ai. Ahih lawngah thii cungpoelh oen ahimi te a uk vetih Bawilen Pathen thinsana misur neetna khuiah misur te a neet ai.

Olphong 19:4

Ahaamca kulpalii hue oen ramsa hing palii hue lawng buekuep u tih bawingawlhcoen dawng aka ngawl Pathen te a bok u. Ahimi lawng, “Amen! Pathen tah koeh u lah!” ti u.

Olphong 21:22

Te khawpui khuiah tempal bok-im ka hu nawh, metihtiah Thara koek Bawipa Pathen oen Tuuca tah te kah tempal bok-im la awm poen.

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.

Olphong 4:4

Te kah bawingawlhcoen te atloe bawi ngawlhcoen pakul palii lawng a veel, te kah bawingawlhcoen dawngah himbai bawk a bai tih suilumuek aka muek ahaamca pakul palii ngawl u.

Olphong 4:6

Bawingawlhcoen haiah tuikhal angla ciil tih thlalang tuilii oen aka lo u te awm. Te kah bawingawlhcoen a teng avai ah ramsa hing palii lawng a veel khoep tih te ramsa hing tah a hu a haiah a mik hooeng la awm.

Olphong 4:9

Ramsa hing palii lawng bawingawlhcoen dawngah aka ngawl tih dungyan dungyan toe aka hing te ruep-awmna, hinyahna oen awmngaihna oen ah a thangpawm u.

Olphong 5:6

Tecoengah tuuca pakhat bawingawlhcoen alungkir ah pai tih ramsa hing palii oen ahaamca thli lawng a veel khoep te ka huh. Te tuuca tah ngawn tangte angla awm. Te tuuca lawng ki pasarih oen mik pasarih a khueh tih; te mik pasarih tah dilai pum ah tuih la aka awm Pathen Muithla pasarih te ni.

Olphong 6:1

Tecoengah tuuca lawng tacik deng pasarih khuikah lamhacuek tacik deng a awng te ka huh tih ramsa hing palii khuikah pakhat lawng khawhumm awl angla aka humm awl oen “Law lah” a ti awl te ka yaak.

Olphong 6:6

Ramsahing palii tim kalawng awl aka thoeng pakhat ka yaak tih, “Hin at kah thapang phu ah sangvut tah suum at, balii tah suum thum peek la awm. Tede olif thingkung oen misur dum thli tah phe boel ti.

Olphong 7:11

Vanthlaang boeih lawng bawingawlhcoen oen ahaamca hue oen ah ramsahing palii te a veel khoep tih pai u. Tecoengah bawingawlhcoen haiah buekuep u tih Pathen te a bok u tih,

Olphong 7:15

Tedawngah ahimi lawng Pathen kah bawingawlhcoen haiah pai u tih yiin oen daai tempal bok-im ah bii te a bi pe u. Bawingawlhcoen dawng aka ngawl lawngah ahimi te a awm puei vetih a thlip adah poen ai.