Olphong 4:1 - Matu Chin New Testament 2006

¹ He coengah atloe huhthlaam ka huh tih vaan ah thawhka aka awng u pakhat te ka huh. Acuek vengkah ka yaak tih awl akavan thui pengsara awl tuen angla aka riing awl lawngah, “He la he law hang lah, he coengah aka thoeng ham koei te kan huh sak ai.” tila a thui.

Matu Bible

¹ Te phoeiah he he ka hmuh. Vaan ah thohka a ong coeng ke. Te vaengah ol lamhma loh olueng bangla ka taengah a thui te ka yaak. “He la ha luei hang lamtah hekah phoeiah aka thoeng ham a kuek te nang kan tueng eh,” a ti.

Olphong 4:1 Iomraidhean Croise

Mathai 3:16

Jesuh tah Baptisma a huh coeng khoeng ah tui dawng kalawng tho hang. Tevengah ahih ham vaan te awng u tih, Pathen kah Muithla tah akhuu angla rum thuk tih ahih sawah a cuuk te a huh.

Marku 1:10

Jesuh te tui dawng kalawng a thawh hang khoeng vengah vaan te awng u tih ahih sawah Muithla akhuu angla a cuuk te a huh.

Luka 3:21

Thlaangping lawng baptisma a dang u coeng atah, Jesuh khaw baptisma a dang van. A thangthui vengah te ahih ham vaan te awng u tih,

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Caeltueih 10:11

Te kah huhthlaam dawngah te, vaan awng u tih thaihu pakhat aka law thuk, a kil palii a thlingthlui tih himbai bohlang oen aka lo u, dilai la avan thlaak thuk te a huh.

Caeltueih 7:56

Ahih lawngah, “Bueh lah! Vaan ke awng u tih Pathen kah bantang ben ah Thlaanghing Capa aka pai ke ka huh!” tila a thui.

Olphong 1:10

Bawipa Hin ah Muithla lawng ka sawah n'tlaak thil tih pengsara awl angla angaihhlangla aka riing awl te ka hu ben ah ka yaak.

Olphong 1:12

Te tila awl aka thui te huh hamla ket ka maang tih ka bueh vengah sui haivangna pasarih ka huh.

Olphong 1:19

Tedawngah nang lawng na huh thaihu boeih tahe ah aka awmlii thaihu thli oen hai ben ah aka thoeng ham koei thaihu thli pahih bok la thut lah.

Olphong 11:12

Tecoengah tawngha rawi lawng, “He la va luui hang!” tila angaihhlangla a tina awl te a yaak hih. A raal thli kah mik huh roe maiah muui dawngah te vaan la luui hang.

Olphong 11:19

Tevengah vaan ah aka awm Pathen tempal bok-im te awng u tih Tempal bok-im khuikah Awlkam Kong te tueng. Tecoengah khaw thlappha tih rekk tla, khaw humm, likluei hinghuen tih reelnu thoei.

Olphong 16:17

Apasarihna vanthlaang lawng amah kah beeldung te yilh dawngah a hok. Tempal bok-im khui, bawingawlhcoen dawngkah angaihhlangla awl pakhat va thoeng tih, “Boeih poen!” tila a thui.

Olphong 19:11

Tecoengah vaan aka awng u te ka huh tih, te ah te marang bawk pakhat awm. Te marang bawk aka cit te tah Uep-awm oen Awltak a miingna; doengna oen awl a cek tih ceemraal khaw a tloek.

Olphong 22:6

Tecoengah vanthlaang lawng ka tengah, “He awl tah awltak tih ueppangna koei awl ni. Tawngha thli te amah Muithla oen aka be sak Bawipa Pathen lawng adiw thlan ah aka thoeng koei thaihu te amah kah tuihyoeih-thlaang thli tengah aka thui hamla vanthlaang thli avan tuih poen,” tila a thui.