Olphong 3:8 - Matu Chin New Testament 2006

⁸ Nang lawng na sai te ka ming; nang lawng tha-awm tharana yoehca ni na khueh de kai lawng kan cang puei te na vai tih uep-awm la kai ham na awm te kan ming. Na haiah thawhka pakhat kavan awng poen, te tah a-u lawngkhaw khai khoep thai manawh.

Matu Bible

⁸ Na khoboe te ka ming, na hmaiah ka khueh thohka te ong uh coeng he. Thaomnah a yol na khueh dongah te te khaih ham a coeng moenih te. Tedae ka ol te kuem lamtah ka ming te basa tak boeh.

Olphong 3:8 Iomraidhean Croise

Luka 12:9

Tede a-u khaw seh langya ah kai he aka hoett tah Thlaanghing Capa lawngah ahih te Pathen kah vanthlaang thli haiah a hoett van ai.

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Johan 17:6

Dilai dawngkah nan peek thlaang thli tengah na miing te ka tueng sak poen. Ahimi te nang kah thlaang la awm tih ahimi te kai nan peek. Ahimi lawng na awl te a ngaai u tih,

Caeltueih 14:27

Antiok khaaw te a pha hih veng atah khrihcabu kah thlaang thli te thik at la a tun sak hih tih ahih rawi rang oen Pathen lawng a sai thli oen Gental thlaang thli lawng a tangna thai ham lawngpui a awng pe kawng te ahimi tengah a thui pe hih.

1Korin 16:9

Kai he aka oelhtaih thlaang yahawh awm de, he ah he bii bi thaina atue theen awm.

2Korin 2:12

Khrih kawng Awlthang Theen te thui hamla Troas khaaw ka pha vengah, bawipa lawng te ah te bii bi ham lawngpui avan roek te ka huh.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

1Timothy 5:8

Tede thlaang pakhat khat lawng amah kah a cakaw te awlpuila amah imkhuikaw te a cawm acah nawh atah oengna te aka hoett thlaang la awm tih aka oeng nawh thlaang lak ah pateng khaw the-eep ngaai.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 2:2

Kai lawng na sai boeih te ka ming; Metila thatlawh boep la bii na bi tih kawdaw oen na awm te khaw ka ming. Nangmi lawng thlaangthe sawah Khawdawp na ngaai thai nawh te ka ming tih celtuih la awm nawh de celtuih la ka awm aka ti te na noek na dak u tih, thlaangthaipalat ni tila na huh u te ka ming.

Olphong 22:7

Jesuh lawng, “Hutung lah! Kai ka law yue poen ai: He cabu khuikah tawngha awl aka vai thli tah yotheen a dawng u!” tila a thui.

Olphong 3:1

Sardis khaaw Khrihcabu kah van-thlaang tengah he tila thut lah: “Pathen kah Muithla pasarih oen aisi pasarih khuehkung kah awl tah he tila awm. Nang lawng na sai te ka ming; nang tah aka hing angla na thaang theen, tede nang tah na duek tite ka ming!

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.

Olphong 3:15

Nang lawng na sai boeih te ka ming; Nang tah ading khaw na ding nge nawh tih aling khaw na ling nge nawh te kan ming. Nang he ading tihnawhtah aling pakhat khat la na awm ham ka ngaih!

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.