Olphong 3:17 - Matu Chin New Testament 2006

¹⁷ Nang lawngah, “Kai tah ka bawi ka len tih ka voetna awm nawh; ka ngoe boeih te ka khueh’, na ti. Tede nang tah metihtlukla na khawdeng tih reen kap la na awm te na ming nawh! Nang tah na khawdeng, atliing ayaal la na awm tih na mik pum de lah koen.

Matu Bible

¹⁷ Kuirhang la ka om tih ka khuehtawn coeng dongah ka ngoe pawh tila na thui. Tedae ngaidaeng ngaikha neh lungmasingta la, khodaeng mikdael neh a tlingyal la na om te na ming moenih.

Olphong 3:17 Iomraidhean Croise

Mathai 5:3

“Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

Mathai 9:12

Jesuh lawng ahimi kah awldoetna te a yaak tih, “Sading thlaang lawng sibawi ngoe nawh, tede thlaangtlo bueng lawng ni angoe,” a tina.

Luka 1:53

Buh mueh buhpawng thli te caak awkk atuui tuui oen bung a hah sak tih kuirang thlaanglen thli te kut pingpuei oen atliingla a meel sak.

Luka 6:24

“Tede tahe ah nangmi kuirang thlaanglen thli ham tah khawmap tangkiik mai mah aw; nangmi tah hingkhui awmtheenna na boenn u poen!

Rom 11:20

Te ngoen tah soeng tangtang. Ahimi lawng a oeng u nawh dawngah a tloek tangtang, nangmi tah na oeng u dawngah na awmna huen ah te na awm u. Tede he kawngah oekthloen u boel lang rih lat u hawn.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

Rom 7:24

Ngaihang khawbing la ka awm mah aw! Duekna la aka ceh puei he kah ka pum dawng kalawng a-u lawng n'thlawn lah ai?

2Peter 1:9

Tede a-u khaw te thaihu aka khueh nawh tah a huhna aka toica tangkiik mikpum thlaang ni; ahih lawngah aruem kah thawlhna boeih kalawng n'ciim sak tite a hilh ni.

Olphong 16:15

“Hutung lah! Kai tah thlaanghuuen angla ka law ai! Thlaangtim paalak ah yah pawh nawh ham oen atliing ayaalla a yingyawina nawh ham ahuertuela awm tih a hinaak himbai te aka kuem tah yotheen aka dawng ni.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 3:16

Tede nang tah aling khaw na ling nge nawh, ading khaw na ding nge nawh tih pawl-oep la na awm dawngah nang tah ka kaa khui kalawng kan tha poen ai!