Olphong 20:2 - Matu Chin New Testament 2006

² Ahih lawng-ah suenyan kah ruultluung Raaibawi tihnawhtah Seitan te a tuuk tih kum thong khat khui khawh hamla thiirui oen a piin.

Matu Bible

² Te phoeiah rhaithae neh Satan la aka om rhul rhuem tuihnam te a tuuk tih kum thawngkhat a khoh.

Olphong 20:2 Iomraidhean Croise

Mathai 19:29

Tecoengah a-u khaw kai kawng dawngah a im oen a lo, a maya manau, ngannu nganca, a manu ana pa oen a ca te aka ceh taak thlaang tah te yueng te a pueh yakhat la a dang u vetih dungyan hingna te a dang baal ai.

Mathai 8:29

Ahih rawi lawng, “Nang Pathen Capa, kaihih sawah n'tu sai ham na ngaih? Atue akhoek thlan ah kaihih he dantat hamla na law aw?” tila paang hih.

Marku 4:15

Thlaang khatsut tah lawngpui ah aka tla caangti oen lo u; Ahimi lawng awl a yaak pek vengah te Seitan lawng law tih a kaw khuiah a tuh awl te a rot pe.

Marku 5:7

angaihhlangla paang tih, “Sawsang Koek Pathen Capa Jesuh, kai he metila sai ham na ngaih? Pathen rang oen reenna kavan bih, dan n'tat mai boel!” a tina.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 16:11

He dilai ukkung thli he awl a cek poen dawngah awlcekna kawng te a thui ai.

Rom 16:20

Mami kah ngaimawngna kungpui Pathen lawngah Seitan te nangmi kah khowtang ah a neet yue poen ai. Mami Bawipa Jesuh kah lungvatna tah nangmi tengah awm hawn seh.

Hebrew 2:14

Te tila ca-anau a tina thlaang thli te tah thi-asa oen aka awm thlaang thli ni. Jesuh amah khaw ahimi angla thi-asa oen awm tih ahimi kah thlaanghing pumsa coenggna angla awm van. Te tila a awm te tah amah kah duekna rang oen duekna sawah huham tharana khuehkung Raaibawi te phe ham tih,

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

2Peter 2:4

Pathen lawngtah thawlhna aka sai vanthlaang thli te thlung nawh tih ahimi te hell khuila a voeih, yiinna khuiah ahimi te thiirui oen a khih tih awlcekna khawhin te a ring u.

Jude 1:6

Amami kah awmna huen a hoett tih, amami kah khuehtoen saithaina ari amawng khuiah aka awm nawh vanthlaang thli te poek u lah: Pathen lawng awlcekna Khawhin pui ah ahimi te dantatna peek ham dungyan thiirui oen a piin tih yiinna khuiah a khueh.

Olphong 12:13

Ruultluung lawng, kai he dilai la dawng thuk la ka awm poen tila a ming vengah, a ca tawngpa aka cuun hutaa te a hu ah khek a vai.

Olphong 12:15

Tecoengah ruultluung lawngah hutaa te tui yawh sak ham a kaa khui kalawng tuiliw te nawl a tha.

Olphong 12:17

Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Olphong 12:3

Vaan ah atloe kawpoekrai noekna pakhat va tueng. Ruultluung bohlang alingduuk pakhat, luu pasarih oen ki paha thlaihih a khueh tih a luu dawngah bawilumuek pakhat rip a muek.

Olphong 12:4

Ahih lawngah vaan kah aisi thloep thum ah thloep at te a mai oen ah a khawl tih dilai la a voeih. Ruultluung lawngah camoe te a awm atah doelh pahoei hamla a ca awm tawm-alel hutaa haiah te pai.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:2

Te satluung tah kaithleng oen lo u, a khow thli tah vawm khow oen lo u tih a kaa tah sathueng kaa oen lo u. Ruultluung lawngah kaithleng te amah kah tharana, a bawingawlhcoen oen aka bo koek ukna aana te a peek.

Olphong 13:4

Ruultluung tah amah kah aana te satluung tengah pekung la a awm dawngah thlaang boeih lawng ruultluung te a bok u. Ahimi lawngah, “Satluung oen a-u nuem aka lo u? A-u lawng nuem ahih te a teek thai ai?” ti u tih satluung te khaw a bok u.

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.

Olphong 20:7

Kum thongkhat te a boeih coengah, Seitan te thong khui kalawng a thlah u ai,

Olphong 9:11

Ahimi lawng ukkung sengpahrang a khueh u tih te ukkung tah boet nawh ungrawmdung ukkung vanthlaang te ni. A miing tah Hebru awl la Abaddon a miingna tih Krik awl la tah Apollion a miingna. (thui ngaihna tah “phekung” tina ni.)