Olphong 20:12 - Matu Chin New Testament 2006

¹² Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.

Matu Bible

¹² Tanoe kangham aka duek rhoek te ngolkhoel hmaiah a pai uh te khaw ka hmuh. Cayol rhoek khaw a ong tih a tloe cayol hingnah la aka om te a ong. Te vaengah cabu ah a daek khuikah aka duek rhoek te amamih kah khoboe tarhing la lai a tloek.

Olphong 20:12 Iomraidhean Croise

Mathai 11:22

Atak tang kavan thui u; Awlcekna Hin ah Pathen lawng nangmi lak ah Taiar oen Sidon khaaw kah thlaang hue te a reen bet ai.

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Luka 10:20

Tede raaithe thli lawng nangmi awl te a ngaai u dawngah awmngaih u boel; vaan ah nangmi kah miing a thut u dawngah te awmngaih uh.” a tina.

Caeltueih 24:15

Ahimi lawngah thlaang boeih he thlaangdoeng oen thlaangthawlh khaw duekna kalawng tho ai tila Pathen ah ngaiuepna a khueh u te ang van ni kai lawngkhaw ka khueh van.

Rom 2:6

Pathen lawng thlaang boeih te amami kah a sai taring ah kutdo a peek ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

Philipi 4:3

Tecoengah, uep-awm biibipuei, thli nangmi lawngkhaw, he hutaa rawi he na bawm u hamla ka ngaih; metihtiah Klimen oen atloe biibipuei haih, Pathen kah hingna cabu khuiah a miing aka thuum thli boeih oen awlthang theen a puungna ham kai oen haih tha a huer hih tih bii aka bi rawi ni.

Olphong 11:18

Tahe kah atue he tah na thinsa a lawna atue tih thlaangduek thli awlcekna atue la a awm dawngah, Pathen a ka bok nawh thli tah a thinsa tangkiik. Tahe kah atue he tah na tuihyoeih tawngha thli oen na thlaang thli boeih, nang aka hinyah ayiit abo boeih kutdo peekna atue ni. Dilai aka phekung thli phena ham atue tah avan pha poen!” tila a thui.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.

Olphong 19:5

Tecoengah te kah bawingawlhcoen dawng kalawng awl pakhat va law tih, “Amah kah tuihyoeihthlaang thli oen a thlaang boeih ayiit abo, amah aka hinyah thlaang boeih, mami kah Pathen te koeh u lah!” ti.

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.

Olphong 20:11

Tecoengah bawingawlhcoen abawk bohlang oen te kah bawi-ngawlhcoen dawngah aka ngawl thlaang te ka huh. Dilai oen vaan tah ahih teng kalawng aloela thoeih nawng tih khum boeih poen.

Olphong 20:13

Tecoengah tuitunlii lawng amah khuiah aka duek te a peek. Duekna oen celkhui khaw lawngkhaw thlaangduek a tuuk te a peek. Thlaangduek boeih te amami kah a saina angla awl a cek.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 21:27

Tede, te khawpui khuiah aka ciim nawh tah khatca khaw kuun thai manawh, yarau thaihu aka sai thli oen hoem awl aka thui boeih khaw kuun thai manawh. Tuuca kah hingna cabu khuiah miing aka thuum thli bueng khawpui khuiah kuun thai ai.

Olphong 22:12

Jesuh lawng, “Hutung lah! Kai tah ka law yue poen ai! Thlaang boeih te a saina taring ah peek rip hamla Kai lawng kutdo kavan khuen ai.

Olphong 3:5

Taakung la aka awm hue lawngtah he ang himbai bawk a bai u vetih ka thlaang ni ka tina ai.