Olphong 2:5 - Matu Chin New Testament 2006

⁵ Metihtlukla adangla na tlaak thuk te poek lah! Na thawlhna te yut u lang acuekca kah na sai angla te sai lah. Nangmi lawng na thawlhna te na yut u nawh atah Nangmi tengla ka law vetih nangmi kah haivangna te huen tloe la kavan pawng poen ai.

Matu Bible

⁵ Te dongah me lamkah na tlak uh khaw poek uh. Yut uh lamtah lamhma kah khoboe te saii laeh. Te pawt koinih nang kam paan vetih na hmaitung te a hmuen lamkah ka khoe ni. Na yut pawt koinih ne.

Olphong 2:5 Iomraidhean Croise

Mathai 5:14

“Nangmi tah dilai pum boeih ham aangna la na awm u. Tlaangsawm ah a phueng u khawpui tah n'tu lawngkhaw thlipdah thai nawh.

Mathai 5:15

A-u lawngkhaw hai a vaang vengah beelphai oen muek khoep vai nawh, haivangna dawngah a vaang tih im khuiah aka awm boeih te a thue.

Marku 12:9

“Tetih atah dum khuehkung lawng ahimi te metila a tina ai?” tila Jesuh lawng a doet. “Ahih lawng law vetih dum aka vat hue te a ngawn ai, misur dum te thlaangtloe a vat ai.

Luka 1:17

Ahih tah Bawipa kah puencawn la awm vetih tawngha Elijah angla a tha awm vetih a tha ra ai. Ahih lawng ana pa oen ca-anau thli te koep a roep u sak ai; Ahih lawngah awl aka ngaai nawh thlaang thli te thlaangdoeng thli kah poekna lawngpui la te a mawt koep ai; Ahih lawngtah Bawipa kah thlaang thli te Bawipa amah ham oepsoeh la arueng aphong sak ai,” tila a thui pe.

Luka 20:16

Ahih te law vetih te kah thlaang thli te a ngawn coeng atah misurdum te thlaangtloe a vat ai.” tila a thui pe. Thlaangping lawng he awl he a yaak u vengah, “Te tila te awm roe mai boel seh!” ti u.

Galati 5:4

Phungawl vaina oen ah Pathen oen roeproei hamla aka yawm thli tah namah oen namah Khrih oen na pek u poen. Nangmi tah Pathen kah lungvatna adau benla ni na awm poen.

Philipi 2:15

te tila te he dilai dawngah aka awm thlaangthe thli oen thlaangthawlh thli lakli ah Pathen kah thlaangsoep ca anau angla thawlhna aka awm nawh, aciim acaih thlaang la nangmi tah na awm u ai, hingna awl te ahimi na peek vengah te ahimi tim ah vaan ah aka vaang aisi angla aang u lah.

Hebrew 10:32

N'hu vengah thaihu metila a awm tite poek u lah. Pathen kah aangna nangmi teng avan pha pek vengah te raina phun soeprep na tawng u de, te raina lawng nangmi te n'taa nawh.

2Peter 3:17

Tede ka paya thli, nangmi lawngtah he kawng he na ming u poen. Tedawngah phung awl tula aka sak nawh thli kah thawlhpalhna lawng nangmi te m'mawt thawlh nawh ham oen ah namami kah aka cak paihuen dawng kalawng na thoeih na nawng u nawh ham ngaithuen uh.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;

Olphong 1:20

Ka bantang kut dawngah na huh aisi pasarih oen sui haivangna pasarih kah thuingaihna awlhuep tah he tila awm: aisi pasarih hue he tah Khrihcabu thli pasarih kah vanthlaang tih haivangna pasarih tah Khrihcabu pasarih ni.

Olphong 16:9

Khawmik lawng alingsona oen ahimi te a ung sak tih ahimi lawng he ang tlawhtahaw sawah aana khuehkung Pathen miing te a tap avoep u. Tede ahimi lawng thawlhna te yut u nawh tih Pathen bawilenna te koeh u nawh.

Olphong 2:16

Tedawngah tahe ah thawlhna yut u loeih! Thawlhna na yut u nawh atah nang tengah ka law yue vetih te thlaang hue te ka kaa khui kalawng aka thoeng samsen oen ka tloek ai.

Olphong 2:19

Kai lawng na sai boeih te ka ming. Lungna na khueh te ka ming. Acuek vengkah lak ah atlawh ngaaila tahe ah na bi te khaw ka ming.

Olphong 2:2

Kai lawng na sai boeih te ka ming; Metila thatlawh boep la bii na bi tih kawdaw oen na awm te khaw ka ming. Nangmi lawng thlaangthe sawah Khawdawp na ngaai thai nawh te ka ming tih celtuih la awm nawh de celtuih la ka awm aka ti te na noek na dak u tih, thlaangthaipalat ni tila na huh u te ka ming.

Olphong 3:19

Kai lawngtah ka lungna thlaang boeih te ka toel ka thaam tih dan ka tat. Tedawngah na tha thlue sak lang na thawlhna yut lah.