Olphong 2:26 - Matu Chin New Testament 2006

^26-28 Taakung la aka awm thlaang oen ka kaw ngaihna aboet toe aka sai thlaang tah a Pa teng kah ka dang saithaina aana te ka peek van ai, thlaangphun tloe sawah thiicungpoelh oen uk ham oen ah ahimi te dilai am angla adiik anuui la de ham ah ukna aana te khaw ka peek ai. Aisi tumpa khaw ahimi te ka peek ai.

Matu Bible

²⁶ Aka noeng neh kai kah khoboe hmakhah duela aka ngaithuen tah namtom rhoek soah saithainah ka paek ni.

Olphong 2:26 Iomraidhean Croise

Mathai 10:22

Kai kawng dawngah thlaang boeih lawng nangmi te n'thina ai; tede a-u khaw aboettoe ueh atah Pathen lawng a thlawn ai.

Mathai 19:28

Jesuh lawng ahimi tengah, “Atak tang kavan thui u; San thai a pha tih Thlaanghing Capa lawng Bawi ngawlhcoen dawngah Ruep-awmna oen a ngawlh vengah nangmi ka hubang thlaihih hue nang khaw Israel thlaangphun thlaihih te uk ham bawi-ngawlhcoen dawngah na ngawl u van ai.

Mathai 24:13

Tede a-u khaw aboettoe acakla aka pai tah thlawn la awm ai.

Johan 6:29

Jesuh lawng ahimi nala te, “Pathen lawng nangmi sai sak ham a ngaih te tah amah lawng avan tuih thlaang te tangna ham lawngah ni” a tina.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 8:37

N'tu lawngkhaw, pek thai manawh, he ang raina thaihu thli boeih he mami aka lungnakung rang oen mami lawng n'taa boeih ai.

1Thessalonika 3:5

Tedawngah ni Timote kavan tuih. Ka kaw tamte tlaih nawh tih nangmi kah oengna kawng te ming ham ka ngaih dawngah ahih te kavan tuih. Nangmi te Seitan lawng n'suek u vetih kaimi kah bii boeih te apoeila coengg hau ai tite ka lakueng.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

James 2:20

Nangmi thlaangngau hue! Saina aka awm nawh oengna he apoei ni tite kavan tueng sak ham aw na ngaih u?

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 5:5

A-u lawng dilai a taa thai? Jesuh tah Pathen Capa ni tila aka tangna thlaang bueng lawngah a taa thai.

Olphong 2:11

“Yaakna haa aka khueh lawng atah Muithla lawngah Khrihcabu thli tengah a thui awl he ya hawn seh! “Taakung la aka awm thli tah voeihih duekna kalawng loeih poen ai,” ti.

Olphong 2:17

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh! “Taakung la aka awm thli tah thuh elh la aka awm manna takawi te ka peek ai. Ahimi boeih te lungto abawk pakhat ah rip ka peek ai, te dawngkah a thut miing athaai te a-u lawngkhaw thuingaihna ming nawh vetih te lungto aka dang hue bueng lawng ni a ming ai.

Olphong 2:7

“Tedawngah yaakna haa aka khueh lawngtah Muithla lawng Khrihcabu hue tengah a thui he ya hawn seh! “Taakung la aka awm thli tah Pathen dum khuikah hingna thingthaih te caak thaina nawl ka peek ai” ti.

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.

Olphong 21:7

Taakung la aka awm boeih lawngtah ka tengkah thaihu he a dang ai: Kai tah ahimi kah Pathen la ka awm vetih ahimi tah kai kah ca anau la awm ai.

Olphong 22:5

Khawyiin awm tlaih nawh tih ahimi lawngah hai-im khaw, khawse khaw ngoe tlaih nawh, metihtiah Bawipa Pathen te ahimi kah aangna la awm vetih ahimi tah sengpahrang angla dungyan dungyan toe ukkung la awm poen ai.

Olphong 3:12

Taakung la aka awm tah ka Pathen kah tempal bok-im tuung la ka liing vetih ahih lawng tempal bok-im te metuek vengah khaw thoeih taak manawh. Vaan kah ka Pathen teng kalawng aka law, Jerusalem thaai ka Pathen kah khawpui miing thaai oen ah ka Pathen kah a miing te ahih pum dawngah ka thut ai. Ahih pum dawngah ka miing a thai te khaw ka thut baal ai.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.

Olphong 3:5

Taakung la aka awm hue lawngtah he ang himbai bawk a bai u vetih ka thlaang ni ka tina ai.