Olphong 2:25 - Matu Chin New Testament 2006

²⁵ Tede na khueh u tangte te kai ka law toe acakla phoeih uh.

Matu Bible

²⁵ Tedae na khueh uh te ka pawk hil atah ana tuu uh.

Olphong 2:25 Iomraidhean Croise

Johan 14:3

Kai lawng ka cet vetih nangmi hamla ahuen te ka roekbah coengah ka law koep vetih kai ka awmna ah nangmi awm van ham kan lawh ai.

Caeltueih 11:28

Akabas aka miingna ahimi timkah thlaang pakhat te pai tih dilai pum ah he khawthe khawkha awm ai tila Muithla kah huham tharana oen oepsoehla a thui. (Klaudias te sengpahrang sangluel la a awm vengah khawthe khawkhana te awm.)

Rom 12:9

Nangmi kah lungna te thinkaw tak oen na lung u ham awm. Athe te thina uh, atheen te phoeih mangkhak uh.

1Korin 11:26

He kah thuingaihna tah takawi te na caak u veng roekk ah, boengloeng dawngkah te na awkk u veng roekk ah amah a law thlantoe Bawipa kah duekna te na phawng u tila thuingaihna ni.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

1Thessalonika 5:21

Soeprep boeih te noekdak uh, atheen te lo uh,

Hebrew 10:23

Awlkam aka cak Pathen tah uep-awm la a awm dawngah mami lawng ngaiuepna n'khueh u te acakla phoeih mangkhak u sih.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Hebrew 4:14

Tedawngah mami lawng oengna te acakla phoeih rap u sih. Metihtiah, Pathen Capa Jesuh tah mami kah aka lenduet Khawsoeih Bawi la awm tih Pathen a awmna la te cet poen.

2Peter 3:10

Tecakhaw Bawipa Khawhin tah thlaanghuuen angla law ai. Te Khawhin atah vaan lawng vupaang awl oen auh ai, vaan khawhi kah aka awm boeih khaw ung vetih a phe boeih ai, dilai oen dilai dawng aka awm boeih te kawlkalh ah auh poen ai.

Olphong 1:7

Bueh lah! ahih tah muui dawng kalawng va rum thuk! thlaang boeih lawng a huh ai, amah te cai oen aka thun hue lawngkhaw a huh u ai, Dilai sawkah thlaang boeih lawng rungrap u ai. Te tila awm roe hawn seh.

Olphong 22:20

He thaihu boeih sausi dengkung lawng, “Oe, Ataktang! Kai tah ka law yue poen ai!” tila a thui. Tetih mai hawn seh. Bawipa Jesuh, law mai hawn loeih!

Olphong 22:7

Jesuh lawng, “Hutung lah! Kai ka law yue poen ai: He cabu khuikah tawngha awl aka vai thli tah yotheen a dawng u!” tila a thui.

Olphong 3:11

Kai tah ka law yue ai. Nang kah taana kutdo te a-u lawngkhaw avan rot nawh ham na khueh thaihu te atheenla kuemkawl uh.

Olphong 3:3

Tedawngah nang n'cang puei tangte thli oen na yaak tangte thli te hilh boel; te thli te vai langtah na thawlhna yut loeih. Nang lawng na hinghang nawh atah thlaanghuuen angla na teng ka law vetih ka lawna atue pateng na ming manawh.