Olphong 2:24 - Matu Chin New Testament 2006

²⁴ “Tede Tiatira khaaw kah thlaang-tloe hue lawngtah athe cangpueina te na vai u nawh tih thlaangtloe hue lawngah Seitan kah awlhuep dung a ti u te khaw na cang u nawh. Nangmi te atloe thalrih khatca khaw phueih sak ham ka ngaih nawh.

Matu Bible

²⁴ Tedae nangmih Thyatira kah aka hoei rhoek taengah ni ka thui. He kah thuituennah he hlang boeih loh a khueh moenih. Amih loh Satan kah oldung te a ming uh moenih. A ti uh bangla nangmih te hnorhih pakhat khaw kan naan thil moenih.

Olphong 2:24 Iomraidhean Croise

Caeltueih 15:28

He kah angoe phung alam coengah atloe thalrih khatca khaw nangmi sawah tloeng nawh hamla Ciim Muithla oen kaimi ka kaw vai u poen:

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 2:11

Te tila khawdawp n'ngaai u he tah Seitan lawng mami he n'taa boel seh tila n'ngaih dawngah ni; metihtiah Seitan kah kamthlahna boeih te mami lawng m'ming u.

James 3:15

Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

Olphong 1:11

Te awl lawng, “Na huh thli he ca oen thut lang na thut cabu te he kah khawpui pasarih Efesa, Samarna, Perkamum, Tiatira, Sardis, Filadelfia oen Laudisia ah aka awm Khrihcabu hue tengah pat peh,” tila a thui.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 2:18

Tiatira khaaw Khrihcabu kah van-thlaang tengah he tila thut lah! “Pathen Capa, a mik rawi hai angla alh tih a khow rawi tah ruhum thuut heet angla thlup aka pha kah awl uen tah he tila awm.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!