Olphong 2:14 - Matu Chin New Testament 2006

¹⁴ Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Matu Bible

¹⁴ Tedae nangmih taengah bet ka khueh. Balaam kah thuituennah te aka pom rhoek te na om. Anih loh Israel ca rhoek hmaiah thangkui tung ham, mueirhol buh caak ham neh cukhalh ham te Balaak a caemtuh.

Olphong 2:14 Iomraidhean Croise

Mathai 18:7

Dilai dawngah thlaanghing kah oengna aka phelh sak thaihu yahawh hlang a awm dawngah rih ham awm tangkiik. Te ang thaihu te awm ngaikhoek ai, tede te tila thlaang kah oengna aka phelh sak thlaang ham tah caalla khawmap tangkiik!

Caeltueih 15:29

kutsaimuei tengah a nawn caak awkk te ca u boel; sathi ca u boel; rawn khak ramsa te ca u boel; hutaa oen tawngpa thawlh u boel. He ang thaihu boeih he nangmi lawng sai nawh ham na kuemsuem u atah theen mai poen. Na sa ding u seh.” tila a thut pe u.

Caeltueih 21:25

Tede oengca la aka awm Gental thlaang thli ham tah ahimi lawng kutsaimuei bokna ah a nawn u khatsut caak awkk te caak nawh ham, sathi caak nawh ham, ramsa rawn khak sa te caak nawh ham, ahimi lawngah hutaa tawngpa thawlhna te kuemsuem hamla mami kah awl tloekna ca te ahimi tengah m'pat pe u poen.” a tina u.

Rom 11:9

Tecoengah Devid lawng, “Amami kah poei khuiah tu selang dong dawngah man u seh; Ahimi te ploeng u selang dan tat u seh!.

Rom 14:13

Tedawngah pakhat oen pakhat coelna he toeng u poen sih. Te lak atah, na maya manau a tlimna ham oen thawlhna khuiah a tlaakna koei te metuek khaw sai nawh ham tha huer uh.

Rom 14:21

Asoeng thaihu sai ham tah, na maya manau aka tlim sak thaihu saina, meh caakna, misuryuu awkkna te na kuemsuem u ham awm.

Rom 9:32

N'tu ah a dang u nawh? Ahimi lawng oengna dawngah pangtung nawh tih amami kah saina te a uep apaangna dawngah ni. Te tila “Ploengna lungto dawngah ploeng u tih,

1Korin 1:23

Kaimi lawngah thinglam dawngkah a ngawn u Khrih te ka phawng u tih te awlthang te Judah thlaang thli ham tah tlimna lungto la awm tih Gental thlaang thli ham tah awlpoei la awm;

1Korin 7:2

Tede cuk-halh thawlhsaina ayahawh aih dawngah tawngpa boeih lawng yu a khueh ham theen tih hutaa boeih lawngkhaw vaa a khueh ham theen.

Hebrew 13:4

Yu lawh vaa sakna he thlaang boeih lawng hinyah ham awm. Yuvaa lawngah khat oen khat uep-awm la awm ham awm. Pathen lawngah hutaa tawngpa thawlhna aka sai oen samphaih thlaang boeih te awl a cek ai.

1Peter 2:8

Caciim atloe pakhat lawngah, “He lunghiim tah thlaang a ploengna lunghiim la awm ai, he lunghiim lawng ahimi te a tlim sak ai.” tila a thui. Ahimi lawngah awl te a tangna u nawh dawngah ploeng u; he tah ahimi hamla Pathen kah kawngaih roe ni.

2Peter 2:15

Ahimi lawng lawngdoeng te a ceh taak u tih lawngpui a hang u poen; ahimi lawngah Beor Capa Balaam lawngpui te a vai u, Ahih tah athe saina oen tangka huh ham a ngaih tih,

Jude 1:11

Ahimi ham khawmap tangkiik! Kain kah lawngpui te ahimi lawng a vai u poen. Tangka ngaih dawngah Balaam kah thawlh saina te ang van ah te amami oen amami phuum u. Korah kah ceem raal thawh angla tho u tih ahih angla phe u boeih poen.

Olphong 2:20

Tede na sawah ka kaw a lawna nawh tah he ni: amah oen amah Pathen kah celtuih la ka awm aka ti hutaa Jezebel te nang lawng na thlahphaam sut te ni. Ahih lawng a cangpueina rang oen ka thlaang thli te hutaa tawngpa thawlhna oen kutsaimuei thli thawthuengna caak awkk te caak hamla a mawt thawlh.

Olphong 2:4

Tede ka kaw a lawna nawh pakhat awm: nang lawngah acuekca kah nan lungna angla tahe ah nan lungna tlaih nawh poen.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.