Olphong 2:10 - Matu Chin New Testament 2006

¹⁰ Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Matu Bible

¹⁰ Patang ham te rhih boeh. Nangmih noemcai ham nangmih khuikah te rhaithae loh thongim ah a hlak pawn ni ke. Khohnin hnin rha phacip phabaem na yook uh ni. Duek due uepom la om lah, hingnah rhuisam te nang kan paek ni.

Olphong 2:10 Iomraidhean Croise

Mathai 10:22

Kai kawng dawngah thlaang boeih lawng nangmi te n'thina ai; tede a-u khaw aboettoe ueh atah Pathen lawng a thlawn ai.

Mathai 10:28

Pum bueng a ngawn thai tih muithla aka ngawn thai nawh thlaang te rih u boel. Pum oen muithla pahih bokla hell khuiah aka ngawn thai Pathen te rih uh.

Mathai 24:13

Tede a-u khaw aboettoe acakla aka pai tah thlawn la awm ai.

Marku 13:13

Kai kah kawng dawng maiah nangmi te thlaang boeih lawng n'thina ai. Tede a-u khaw aboet toe aka cak tah thlawn la awm ai.

Marku 8:35

A-u khaw a hingna thlawn ham aka ngaih tah a hingna te sung ai, tede a-u khaw awlthang theen oen kai kawng dawngah a hingna te a sung atah a hingna a thlawn ai.

Luka 21:12

He kah thaihu boeih he a thoeng thlan ah nangmi te n'tuuk u vetih n'heemtek u ai; nangmi te sinakok ah awlcek ham n'ceh puei u vetih thongim ah n'thlaak ai; kai kawngah sengpahrang thli oen ukkung bawi thli haiah n'khuen ai.

Johan 12:25

A-u lawngkhaw amah kah hingna te a lungna atah sung ai; a-u khaw he dilai ah amah kah hingna te a thina atah dungyan hingna te a dang ai.

Johan 13:2

Jesuh oen a hubang hue thlembuh a veel u vengah Seitan lawngah Simon Iskariot capa Judas thinkaw khuiah te Jesuh sawah paipi thleep hamla kawpoek te a khueh pe poen.

Johan 13:27

Judah lawng takawi te a lawh khoeng vengah Seitan tah a kaw khuiah kuun. Jesuh lawng ahih nala, “Na sai koei te aloela sai loeih!” a tina.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

1Korin 9:25

Loehlangna hengna poei ah thuum ham aka ngaih boeih lawngah atlawh hlangla amah oen amah phep u, aka cak poe nawh raipai lumuek te dang hamla te tila a sai u; tede mami lawngtah tlumtloei thai nawh dungyan aka cak poe te dang hamla ni n'sai u.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

1Peter 5:4

Tedawngah Tuudoen Ahaam koek te a tueng vengah a aangna aka duek yum thai tlaih nawh ruep-awmna bawilumuek te nangmi lawng na dang u ai.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 13:2

Te satluung tah kaithleng oen lo u, a khow thli tah vawm khow oen lo u tih a kaa tah sathueng kaa oen lo u. Ruultluung lawngah kaithleng te amah kah tharana, a bawingawlhcoen oen aka bo koek ukna aana te a peek.

Olphong 13:7

Pathen kah thlaang thli te teek ham oen ahimi te taa hamla khaw, thlaangphun boeih, ram tawm boeih, awlcawm awlcee oen namtawm sawah ukna aana te khaw a peek.

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!