Olphong 19:10 - Matu Chin New Testament 2006

¹⁰ Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Matu Bible

¹⁰ Te vaengah anih te bawk ham a kho kung ah ka bakop. Tedae ka taengah, “Nan hmu mahnim. Kai khaw nang neh Jesuh kah olphong aka khueh na manuca kah sal puei ni. Jesuh kah olphong tah tonghma ol kah mueihla la a om dongah Pathen mah bawk,” a ti.

Olphong 19:10 Iomraidhean Croise

Mathai 4:10

Tevengah Jesuh lawng, “Seitan, atloela cet! Caciim lawngah, ‘Na Bawipa Pathen bueng te bok lang, amah kah bii bueng te bi peh,’ ti” a tina.

Marku 5:22

Sinakok bok-im kah bawi pakhat Jairu te law tih Jesuh te a huh vengah a khow kungah khuklu oen cuengkueng tih,

Marku 7:25

A canu raaithe lawng a tuuk pe hutaa pakhat lawng Jesuh kawng te a yaak, a tengla law pahoei tih a khowkung ah a buekuep pe.

Luka 1:19

Vanthlaang lawngah, “Kai he Gabriel ni, he awlthang theen he nang tengah thui pe ham tuihkung Pathen haiah ka pai.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 5:39

Nangmi lawng Caciim khuiah dungyan hingna ka huh ai tila na poek u tih Caciim na thoel na laang u. Caciim lawngah he kai kah kawng alam ni a thui.

Caeltueih 10:43

A-u khaw ahih te aka tangna boeih tah a miing huham tharana oen ah a thawlhna te khawdawp a ngaai pe ai tila tawngha boeih lawng ahih kawng te a thui u.” a tina.

Caeltueih 13:27

Metihtiah Jerusalem ah aka awm thlaang thli oen ahimi mawtkung thli lawngah ahih te Thlawnkung ni tila ming u nawh tih Sabbath khawhin roekk ah a tae u tawngha thli kah awl te khaw ahimi lawng yaakming u nawh. Tede Jesuh te a ngawn u tih tawngha thli kah awl thui te a soep sak u.

2Korin 8:7

Nangmi tah oengna, awlthuina, cuihhoena, thlaangtloe bawm ngaihna thinkaw, kaimi nan lungna thinkaw oen ah te na bawi u tangkiik mai. Tedawngah ni he lungna bii dawngah khaw thinkaw aka tho thlaang la na awm u van ham ka ngaih u.

Ephesa 5:15

Tedawngah nangmi lawng khawsak ramsakna dawngah atheenla ngaithuen uh. Tu khaw aka ming nawh thlaang angla awm u boel, thlaangcuih angla awm uh.

Ephesa 5:33

Tede nangmi oen khaw tuhkai u: vaa-aca boeih lawng amah pum te a lungna angla a yu-aca te lungna selang tah yu-aca boeih lawngkhaw a vaa-aca te hinyah van seh.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

1Thessalonika 5:15

A-u lawngkhaw athe te athe van oen thung u boel, khat oen khat sawah khawseh, thlaang boeih sawah khaw seh theenna te sai hamla poek yoeyah uh.

Hebrew 1:14

Tetih atah, vanthlaang thli he a-u te ang kai? Ahimi tah Pathen kah bii aka bi muithla la awm tih thlawnna aka dang ham koei thli te bawm hamla Pathen kah a tuih thlaang thli ni.

Hebrew 12:25

Tedawngah nangmi tengah awl thuikung hue kah awl te oelhtaih nawh ham ngaithuen uh. Dilai dawngah awlthang thuikung hue kah awl te hutung ham aka ngaih nawh tah loeih u nawh. Vaan kah awl aka thui te mami lawng mangthawng taak atah metila mami n'loeih pai ai!

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.

1Johan 5:21

Ka ca ka nau thli aka soeng nawh pathen thli teng kalawng tloeng u lah.

Olphong 1:1

He cabu he tah Jesuh Khrih lawng a phawng thaihu kawng thutna ni. He awlphawng tah aka thoeng yue ham koei te a tuihyoeihthlaang thli tengah tueng sak ham Pathen lawng a peek. Khrih lawngah he thaihu thli he a tuihyoeihthlaang Johan te ming sak hamla vanthlaang te a tuih tih,

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 12:17

Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Olphong 14:7

Ahih lawngah angaih-hlangla, “Pathen te hinyah lang a alenna te koeh uh! metihtiah ahih lawng thlaangphun boeihboeih awlcekna atue tah a pha poen. Vaan oen dilai, tuitunlii oen ah sawkca tuiva saikung te bok uh! tila a thui.

Olphong 15:4

Bawipa, nang te rih ohla a-u nuem aka awm tang ai! Na lenna te phawng hamla a-u lawng nuem a thana tang ai? Nang bueng ni na ciim, Na sai boeih tah doeng tih thlaang boeih lawng a huh dawngah thlaangphun boeih na haiah law vetih nang te m'bok u ai.” tila Laa a sak u.

Olphong 19:9

Tecoengah vanthlaang lawng ka tengah, “He he thut lah; Tuuca yului poei kah a ceel thlaang hue tah yotheen aka dawng thlaang ni,” n'tina.

Olphong 4:10

Te tila a thangpawm u vengah ahaamca pakul palii lawng bawingawlhcoen dawngah aka ngawl haih te buekuep u tih dungyan dungyan toe aka hing te a bok u. A suilumuek thli te bawi-ngawlhcoen haiah a tloeng u tih,