Olphong 17:6 - Matu Chin New Testament 2006

⁶ Te hutaa lawng Pathen thlaang thli kah thisen oen Jesuh ah thincakla a awm dawngah ngawn la aka awm hue kah thisen a ruui u te ka huh. Te hutaa te ka huh vengah kawpoek la rai tangkiik.

Matu Bible

⁶ Te phoeiah hlangcim rhoek kah thii neh Jesuh laipai rhoek kah thii te aka rhui huta te ka hmuh vaengah ka ngaihmang tih anih ka hmuh te bahoeng ka ngaihmang.

Olphong 17:6 Iomraidhean Croise

Johan 2:10

ahih nala te, “Thlaang boeih lawngtah kamyin thli te lamhala misurtui ahuemm te a tuul tih ahahla a awkk u coengah misurtui adu te a tuul. Tede nang lawngtah misurtui ahuemm te tahetoe na khueh hun nawh pai he!” a tina.

Caeltueih 22:20

Tecoengah nang kah sausi la aka awm Stefen te a ngawn u vengah te kamah khaw ka awm, ahih te ngawn ham ka ngaih puei van tih ahih aka ngawnkung thli kah hi-acuu te ka khoem pe.’ ka tina.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 13:15

Kutsaimuei lawng awl a thui thaina ham oen amah te aka bok nawh thli a duek sak thaina ham ah apahihna satluung lawng lamhacuek satluung kah kutsaimuei te hill sang thaina te a peek.

Olphong 13:7

Pathen kah thlaang thli te teek ham oen ahimi te taa hamla khaw, thlaangphun boeih, ram tawm boeih, awlcawm awlcee oen namtawm sawah ukna aana te khaw a peek.

Olphong 16:6

Ahimi lawngah Pathen thlaang thli oen tawngha thli kah thisen a laawng sak, tedawngah ahimi lawng a awkk hamla thisen te na peek poen. Ahimi lawng a dang ham koei te ni a dang u van!” tila a thui.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.