Olphong 14:6 - Matu Chin New Testament 2006

⁶ Vaan alaklung ah atloe vanthlaang pakhat aka sawng te ka huh. Ahih lawngah dilai thlaang boeih nam tawm boeih oen thlaangphun boeih, awlcawm awlcee oen ram tawm boeihboeih ah phawng hamla dungyan awlthang theen a phueih tih,

Matu Bible

⁶ Te phoeiah vaan bangli ah aka ding puencawn pakhat ka hmuh. Dungyan olthangthen te diklai hman aka hung rhoek namtom boeih taengah khaw, pilnam koca taengah khaw, ol com ol cae taengah thui ham hang khuen.

Olphong 14:6 Iomraidhean Croise

Mathai 10:27

Yiin samangting ah kavan thui he hingthun khawse ah thui koep uh; ahuepla na yaak te imphu kalawng phawng uh.

Marku 16:15

Jesuh lawng ahimi nala te, “Dilai peng tawm ah cet u lang thlaangphun boeih tengah, awlthang theen he thui pe uh.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

1Peter 1:25

tede Bawipa kah awl tah yoeyahla cak” tila a thui. Nangmi tengah avan phawng u awlthang theen tah he poen ni.

Olphong 10:11

Tecoengah van-thlaang lawng “Pathen lawng peng tawm ram tawm thlaangphun boeihboeih awlcawm awlcee oen ah sengpahrang thli kawng a thui awl te nang lawngah na thui pe koep ham awm,” tila avan thui.

Olphong 10:7

Pathen lawng amah kah tuihyoeih tawngha hue tengah a thuisut angla Vanthlaang pasarih lawng pengsara a tum vengah a kamthlahna awlhuep te soep badai” tila a thui.

Olphong 13:7

Pathen kah thlaang thli te teek ham oen ahimi te taa hamla khaw, thlaangphun boeih, ram tawm boeih, awlcawm awlcee oen namtawm sawah ukna aana te khaw a peek.

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.

Olphong 8:13

Tecoeng ka bueh vengah vaan asanghlang khawhi ah aka sawng tuhuum pakhat lawng angaihhlangla, “khawmap! khawmap! vanthlaang atloe pathum hue lawng pengsara a tum veng atah dilai thlaang boeih hamla metihtlukla khaw amap ai” tila a paang awl te ka yaak.