Olphong 14:13 - Matu Chin New Testament 2006

¹³ Tecoengah vaan kah awl pakhat ka yaak tih, “He he thut lah! tahe kalawng atong vetih Bawipa kah bii te a bi dawngah aka duek tah yotheen aka dawng thlaang ni” tila a thui. Muithla lawngkhaw, “Oeih, soeng tang tang! Bii rai bina kalawng duem u poen ai. Metihtiah a biibi phu tah ahimi oen awm haih poen ai,” tila a thui.

Matu Bible

¹³ Te phoeiah vaan lamkah ol ka yaak tih, “Tahae lamkah aka duek tih Boeipa ah aka duek rhoek tah a yoethen tila daek lah,” a ti. Thuem, Mueihla loh a thui. Te daengah ni amih kah thakthaenah lamloh a duem uh eh. Amih te a khoboe loh amih kah a vai.

Olphong 14:13 Iomraidhean Croise

Mathai 3:17

Tecoengah vaan kah awl lawng, “He tah ka lungvatna ka Capa ni, ahih sawah ka kaw hoe tangkiik.” tila a thui.

Luka 16:25

Tede Abraham lawngah, ‘Ka capa, na hing khui puet ah thaihu theen boeih te m'peek poen, Lazaruh lawngtah athe thaihu boeih adang te ming lah saw. Tede, tahe ah ahih tah he ah he awmtheen a boenn tih nang tah patang na khang poen.

Luka 16:9

Tecoengah Jesuh lawng, “Tedawngah kavan thui u: dilai bawilenna koeva oen paya laikoei sai uh, bawilenna koeva aboeih coeng dengah ni dungyan im ah nangmi te n'khueh ai.

Rom 14:8

Mami lawng hing atah Bawipa ham n'hing u tih, duek ah khaw Bawipa ham ni duek u. Tedawngah mami tah n'duek ah khaw seh, hing ah khaw seh Bawipa kah thlaang ni.

1Korin 15:18

Tecoengah Khrih ah aka duek oengca thli khaw ha-ata boeih ti ngaihna poen ni.

1Korin 15:20

Tede awltak tah duekna kalawng Khrih a thawh he tah duekna khuiah aka ip muelh thlaang thli ham khaw thawhkoepna aamahkhan la awm.

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

2Korin 5:8

Mami tah thincak oen n'awm u tih pumtaksa he ceh taak tih Bawipa oen im ah awm haih hamla te n'ngaih u.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

1Thessalonika 4:14

Jesuh tah duek tih tho koep tite mami lawng n'tangna u, tedawngah amah te oeng ruila a ka duek boeih tah Jesuh oen haih ah Pathen lawng avan khuen koep ai tite mami lawng n'tangna.

1Thessalonika 4:16

Metihtiah, awlpeekna paang awl, vanthlaang ukkung kah paang awl, Pathen kah pengsara awl oen Bawipa amah te vaan kalawng va rum thuk ai Khrih oeng ruila aka duek thli te lamhala tho u vetih,

1Thessalonika 5:10

amah a law vengah mami lawng duek ah khaw-seh, hing ah khaw seh amah oen hing haih ham ahih tah mami ham duek.

1Timothy 5:24

Thlaang khatsut kah thawlhna tah tueng pheng tih amami haiah a thawlhna lawng awlcekna ah cet doen poen; tede thlaangtloe khatsut kah thawlhna tah hu-aha dengah tueng.

1Timothy 5:25

Tetihvan angla thaihu theen sai he khaw tueng pheng tih huh thai koeila aka awm thlan te khaw thuh thai la awm manawh.

Olphong 1:11

Te awl lawng, “Na huh thli he ca oen thut lang na thut cabu te he kah khawpui pasarih Efesa, Samarna, Perkamum, Tiatira, Sardis, Filadelfia oen Laudisia ah aka awm Khrihcabu hue tengah pat peh,” tila a thui.

Olphong 10:4

Khawhumm pasarih kah awlthui te thut hamla ka kamthlah vengah vaan kah awl lawngah “khawhumm pasarih kah awl te awlhuep la khueh, thut boel de!” a ti te ka yaak.

Olphong 11:15

Tecoengah pasarihna vanthlaang lawng pengsara a tum tih angaihhlangla aka humm vaan kah awl lawng, “Dilai ukna huham tharana tah mami kah Bawipa oen amah kah Messiah tengah tahe ah awm poen tih dungyan toela a uk poen ai!” tila a thui.

Olphong 11:19

Tevengah vaan ah aka awm Pathen tempal bok-im te awng u tih Tempal bok-im khuikah Awlkam Kong te tueng. Tecoengah khaw thlappha tih rekk tla, khaw humm, likluei hinghuen tih reelnu thoei.

Olphong 16:17

Apasarihna vanthlaang lawng amah kah beeldung te yilh dawngah a hok. Tempal bok-im khui, bawingawlhcoen dawngkah angaihhlangla awl pakhat va thoeng tih, “Boeih poen!” tila a thui.

Olphong 19:9

Tecoengah vanthlaang lawng ka tengah, “He he thut lah; Tuuca yului poei kah a ceel thlaang hue tah yotheen aka dawng thlaang ni,” n'tina.

Olphong 2:1

“Efesa khaaw, Khrihcabu tengah he tila thut lah: A bantang kut ah aisi pasarih aka pawm tih sui haivangna pasarih tim ah aka yingyawi kah awl te tah he tila ni.

Olphong 2:7

“Tedawngah yaakna haa aka khueh lawngtah Muithla lawng Khrihcabu hue tengah a thui he ya hawn seh! “Taakung la aka awm thli tah Pathen dum khuikah hingna thingthaih te caak thaina nawl ka peek ai” ti.

Olphong 20:6

He kah thlaangduek thawhna lamhacuek ah aka thuum thli tah awmngaih u tih yotheen aka dawng tangkiik ni. A pabe duekna lawng ahimi sawah n'tu aana tehca khaw khueh tlaih nawh; Ahimi tah Pathen oen Khrih kah khawsoeih la awm u vetih Khrih oen kum thongkhat khuiah ukkung la awm haih poen ai.

Olphong 21:5

Tecoengah bawingawlhcoen dawng aka ngawl lawngah te, “Tahe tah thaihu cungkuem soeprep te athaaila ka sai pan boeih poen, he kah awl he thut lah, metihtiah he awl boeih he tah soeng tangtang tih uepna koei awl ni,” tila a thui.

Olphong 22:17

Muithla oen tuemnu hulaa lawng-ah, “Law lah!” tila a thui. A-u khaw he awl aka ya boeih lawngtah, “Law lah!” tila thui van seh. A-u khaw tui aka hall tah law uh; A-u khaw aka ngaih boeih tah hingna tui he ayoela lo uh.

Olphong 6:11

Ahimi te baidung bawk pakhat rip a peek tih, ahimi angla ngawn ham aka awm biibipuei thli oen maya manau thli asoep thlantoe kawlkalh ah duem hamla a thui pe u.