Olphong 14:10 - Matu Chin New Testament 2006

¹⁰ Pathen kah thinsana misuryuu, a thinsana boengloeng khuiah tharana abepirla a thloen misuryuu te a awkk ai! Aka aw boeih te tah aciim vanthlaang thli oen tuuca haiah kat haialh dawngah a heem atek ai.

Matu Bible

¹⁰ Anih long khaw Pathen kah thinsanah misurtui te a ok ni. A kosi boengloeng dongah hangcil la a thoek coeng. A cim puencawn rhoek hmai neh tuca hmaiah kat neh hmai dongah a phaep ni.

Olphong 14:10 Iomraidhean Croise

Mathai 20:22

Jesuh lawng, “Na van bih he na ming hih nawh! Kai lawng ka awkk ham koei patang khangna boengloeng he na awkk thai hih ai aw? tila te rawi boeinau te a doet. A hih rawi lawng, “ka awkk thai hih ai,” a tina.

Mathai 25:41

“Tecoengah Sengpahrang lawng a banvoei benkah aka awm hue tengah ‘Nangmi Pathen lawng a kawsina’ thlaang thli ka teng kalawng atloela cet uh. Seitan oen a hubang hue ham aroek abah pe sut dungyan haialh khuila cet uh.

Mathai 26:39

Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

Marku 8:38

Thlaang pakhat lawng tihin hang kah Pathen n'tu la aka sak nawh san the vengah he kai kah cangpueina oen kai aka yahna tah, Thlaanghing Capa lawngkhaw ana Pa kah ruep-awmna oen aciim vanthlaang thli oen a law thuk vengah a yah puei van ai.

Marku 9:44

Te huen atah ahimi aka ca ami te khaw duek tlaih nawh tih ahimi aka ung sak hai te khaw duek tlaih nawh.

Caeltueih 10:22

Ahimi lawng, “Raalbawi Kornilias lawng n'tuih u. Ahih tah Pathen aka bok thlaang theen pakhat la awm tih Judah thlaang boeih lawngah a hinyah tangkiik u. Nang lawng na thui thli te ahih lawng a yaakna hamla Pathen kah vanthlaang pakhat lawng nang te amah im ah ceh puei ham a thui pe.” a tina u.

2Thessalonika 1:7

nangmi patangraina aka khang thli oen kaimi he khaw hoeikhangna te m'peek ai. He patangraina tah Bawipa Jesuh lawng amah kah thara vanthlaang thli oen ah,

Jude 1:7

Sodom oen Gomorrah oen ah a tengvaai kah khawpui thli, te kah aka awm thlaang thli lawngkhaw vanthlaang thli angla thawlh u tih hutaa tawngpa thawlhna, asoeng nawh hutaa puei oen, tawngpa puei oen ah a thawlh u te poek uh: Ahimi kah dungyan hai dantat patang khang te thlaang boeih ham ngaithuenna la awm.

Olphong 15:7

Tecoengah ramsahing palii khuikah pakhat lawngah dungyan aka hing Pathen kah thinsana oen aka be suibeeldung pasarih te vanthlaang pasarih te a peek.

Olphong 16:19

Aka bo koek khawpui te thloep thum la rek tih ram boeihboeih kah khawpui thli tah rawk kang poen. Pathen lawng Babilon khawpui te a hilh dam tih amah boengloeng dawngkah misuryuu, a thinsana misuryuu te a awkk sak poen.

Olphong 18:3

Metihtiah thlaangphun boeih lawng ahih kah misuryuu te a awkk u poen, ahih kah cuk-halhna misuryuusang te a awkk u poen. Dilai dawngkah sengpahrang thli lawng ahih oen ah cuk-halh samphaihna a sai u tih a kuemsuem u thai nawh apueh ngaihna lawng dilai dawngkah thaihu yoeikung thli te a len sak poen,” tila a thui.

Olphong 18:6

Ahih lawng nangmi thekhana angla ahih te thekhana u van; A saina boeih dawngah arepla thung pe uh. Nangmi lawng na awkk ham te athiipla a sai van angla ahih lawng a awkk ham boengloeng te khuibok ah athiipla sai pe u van.

Olphong 19:15

A kaa dawng kalawng samsen aka hatt pakhat va thoeng, te oen ah ram boeihboeih te a taa ai. Ahih lawngah thii cungpoelh oen ahimi te a uk vetih Bawilen Pathen thinsana misur neetna khuiah misur te a neet ai.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.

Olphong 20:14

Tecoengah duekna oen celkhui khaw te haialh khuila a voeih. (He kah haituilii tah apabe duekna ni.)

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.