Olphong 13:3 - Matu Chin New Testament 2006

³ Satluung kah a luu pakhat tah duek puei koei boengha a caak angla awm de a boengha te hoeih koep poen. Dilai thlaang boeih tah a kawpoek rai u tih satluung hu ah bang u.

Matu Bible

³ Te vaengah a lu pakhat te dueknah duela a ngawn bangla om. Tedae a dueknah lucik tah a hoeih pah. Te dongah diklai tah a pum la a ngaihmang uh tih satlung hnukah bang uh.

Olphong 13:3 Iomraidhean Croise

Luka 2:1

Tevengah te Sengpahrang sangluel Awkastas lawng Rom ram pum ah thlaangmi soep hamla awl a peek.

Johan 12:19

Tedawngah Farasi thlaang thli lawng amami khat oen khat te, “Mami lawng n'taa thai nawh poen ti he na ming u aw! Bueh lah, dilai pum lawng ahih hu ah bang u poen!” ti u.

Caeltueih 8:13

Simon lawngkhaw a tangna van tih baptisma a dang coeng atah Filip tengah te awm roep poen, ahih lawngah alentloe miknoekna oen kawpoekraina te a huh vengah a ngaai hang sut.

Olphong 13:12

Ahih lawng lamhacuek satluung kah ukna aana boeih te amah hai roe ah te a hawna. Duek puei koei boengha a caak tih aka hoeih koep lamhacuek kah satluung te amangkhakla dilai thlaang thli te a bok sak.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 17:10

Ahimi khuikah pa-ngaa tah tlim poen, tahe ah pakhat lawng a uk tih atloe pakhat te tah va law thlan; ahih te law cakhaw kawlkalh ni a uk ai.

Olphong 17:11

N'hu vengah hing tih tahe aka hing tlaih nawh satluung tah apareetna sengpahrang la awm. Sengpahrang pasarih khuiah thuum van tih ahih tah duek hamla te va thoeng.

Olphong 17:13

He kah sengpahrang paha boeih lawng mengtengna khat bueng kang a khueh u tih ahimi lawng satluung tengah amami kah tharana huham oen aana te a peek u.

Olphong 17:17

Metihtiah Pathen kah awl asoep thlantoe tah, ahimi lawng amami kah thara huham ukna te satluung tengah kaw at la a peekna u thai ham Pathen lawng ahimi kah thinkaw khuiah amah kah kawngaihna te a khueh pe.

Olphong 17:6

Te hutaa lawng Pathen thlaang thli kah thisen oen Jesuh ah thincakla a awm dawngah ngawn la aka awm hue kah thisen a ruui u te ka huh. Te hutaa te ka huh vengah kawpoek la rai tangkiik.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.