Olphong 12:9 - Matu Chin New Testament 2006

⁹ Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Matu Bible

⁹ Te dongah tuihnam puei, khosuen kah rhul tah a voeih coeng. Te tah rhaithae neh Satan la a khue. Te long te lunglai boeih a rhaithi dongah diklai la a voeih. Te vaengah a puencawn rhoek tah amah neh a voeih.

Olphong 12:9 Iomraidhean Croise

Mathai 13:39

Varaamcaang aka heh raal tah Seitan ni; caang ah tue tah dilai a boetna; caangaatkung tah vanthlaang hue ni.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 25:41

“Tecoengah Sengpahrang lawng a banvoei benkah aka awm hue tengah ‘Nangmi Pathen lawng a kawsina’ thlaang thli ka teng kalawng atloela cet uh. Seitan oen a hubang hue ham aroek abah pe sut dungyan haialh khuila cet uh.

Mathai 4:1

Tecoengah Muithla lawng Jesuh te Seitan kah suek-halhna tawng ham ramhum huhang la a ceh puei.

Mathai 4:10

Tevengah Jesuh lawng, “Seitan, atloela cet! Caciim lawngah, ‘Na Bawipa Pathen bueng te bok lang, amah kah bii bueng te bi peh,’ ti” a tina.

Mathai 4:5

Tecoengah Seitan lawng Jesuh te aciim Jerusalem khawpui kah Tempal bok-im imphu ah a ceh puei tih.

Mathai 4:8

Tecoengah Seitan lawng Jesuh te a sanghlang tlaangsawm pakhat la a luui puei tih, dilai dawngkah ram boeih oen te ram kah a bawilenna boeih te a huh sak.

Luka 10:18

Jesuh lawng ahimi nala te, “Khaw thlap apha angla vaan kalawng Seitan a tlaak thuk te ka huh.

Luka 13:16

Tahe ah Seitan lawng kum ha thlaireet khui a piin tih a khawh mangkhak Abraham cadil he ah awm he ta; Sabbath khawhin ah ahih he piin ayeenna kalawng n'loeih sak nawh ai aw? a tina.

Luka 22:3

Tevengah hubang paha thlaihih khuiah aka thuum Iskariot a ti u Judas kaw khuila Seitan te kuun.

Luka 22:31

Jesuh lawng, ‘Simon, Simon! Hutung lah! Lotoenkung lawng caangtak oen caanghii a pekthlee angla athe khui kalawng atheen te thloeng ham, nangmi boeih te noekdak hamla Seitan lawng saithaina nawl a dang poen.

Luka 8:12

Lawngpui ah aka tla caangti tah Pathen awl aka ya thlaang thli te thuingaihna ni; ahimi lawng oengna oen thlawnna te a dangna nawh ham Seitan lawngah law tih ahimi thinkaw khuikah awlthang te a lawh pe.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 14:30

He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Johan 16:11

He dilai ukkung thli he awl a cek poen dawngah awlcekna kawng te a thui ai.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Caeltueih 5:3

Piter lawng ahih nala, “Ananias, n'tu ah na thinkaw te Seitan na uk sak, na khueh toen na yoeih thaihu phu te namah ham na paih thoem tih Ciim Muithla te na thai na lat na?

Rom 16:18

Metihtiah te ang thaihu aka sai hue te tah mami Bawipa Khrih kah bii aka bi nawh ni, amami kawngaih ni a sai u. Ahimi lawngah awlding awltheen oen koehna awl oen ah tu khaw aka ming nawh thlaang-thli te athai alatna u.

Rom 16:20

Mami kah ngaimawngna kungpui Pathen lawngah Seitan te nangmi kah khowtang ah a neet yue poen ai. Mami Bawipa Jesuh kah lungvatna tah nangmi tengah awm hawn seh.

2Korin 11:14

Te tah kawpoek rai ham awm nawh! Seitan lawng pateng vanthlaang aka ang rawngtheng angla sa u thai van!

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 12:7

Tede kawpoekrai thaihu yahawh hlang ka huh dawngah oekthloenna oen pawmsangna kanghalhna ham aka tlo tangkiik nganbawh te ka pumsa dawngah m'peek, te tlawhna lawngah Seitan kah laipai angla bii a bi tih oekthloenna dawng kalawng kai he bawhna ham oen kanghalhna hamla a hawna.

2Korin 2:11

Te tila khawdawp n'ngaai u he tah Seitan lawng mami he n'taa boel seh tila n'ngaih dawngah ni; metihtiah Seitan kah kamthlahna boeih te mami lawng m'ming u.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

2Thessalonika 2:3

Nangmi te a-u lawngkhaw n'thaina u boel seh. Metihtiah aboetna koek Raal kahna apha thlantoe, hell ah aka tla ham Thlaang The Pui te avan pha thlan khui tah te Khawhin te van pha manawh.

1Timothy 2:14

Tedawngah thailatna la aka awm te Adam nawh ni; hutaa ni thailatna la awm tih Pathen Phungawl te a phe.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

Hebrew 2:14

Te tila ca-anau a tina thlaang thli te tah thi-asa oen aka awm thlaang thli ni. Jesuh amah khaw ahimi angla thi-asa oen awm tih ahimi kah thlaanghing pumsa coenggna angla awm van. Te tila a awm te tah amah kah duekna rang oen duekna sawah huham tharana khuehkung Raaibawi te phe ham tih,

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

Jude 1:9

Vanthlaang ukkung Maikal lawng pateng he tila sai nawh. Mosi rawkk te a-u lawng a lawh ai tila Seitan oen oelhtaih u tih a tawh athaam u vengah awlthe awlkha oen Seitan te Maikal lawng tapvoep ngam nawh, tede “Bawipa lawng nang ng'ho” a tina.

Olphong 12:12

Tedawngah nangmi vaan oen vaan ah aka awm boeih lawng awmngaih u lah! tecakhaw dilai oen tuitunlii hamla tah khawmap tangkiik mah aw! Metihtiah Raaibawi tah nang hih tengla va law thuk tih atue soetca bueng ni a awm tite a ming vengah a thin so sut poen.” tila a thui.

Olphong 12:3

Vaan ah atloe kawpoekrai noekna pakhat va tueng. Ruultluung bohlang alingduuk pakhat, luu pasarih oen ki paha thlaihih a khueh tih a luu dawngah bawilumuek pakhat rip a muek.

Olphong 12:7

Tecoengah vaan ah raalpui tho. Maikal oen a vanthlaang thli lawng Ruultluung te a teek u tih ruultluung lawngah khaw, ahimi te a vanthlaang thli oen a teek u van;

Olphong 12:8

Tede ruultluung tah sung tih amah oen a vanthlaang thli lawng vaan ah awm ham dang u tlaih nawh.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 16:14

Te thli tah raaithe kah muithla la awm u tih kawpoekraina te a sai u. He kah muithla pathum hue tah Thara koek Pathen Khawhin pui ah thik at la raal tuk ham, dilai pum kah sengpahrang boeih tengla ceemphawh hamla cet.

Olphong 18:2

Ahih lawng angaihhlangla paang tih: “Hutaa te tlim poen! Babilon khawpui tah tlim poen! Te khawpui tah raaithe thli oen muithla ciimcaih nawh thli awmna ahuen la tahe tah coeng poen; tuiilehkap oen thina koei va phun soeprep a khuiah awm u.

Olphong 18:23

Hai-im dawngkah haivang te metuek khaw na khuiah hu u koep tlaih manawh; Cadawng yulokung oen tuemnu hulaa vaa sak awmtheen awl meveng khaw na khuiah ya tlaih roe manawh. Nang kah tangthung tangleng thli tah dilai pum ah huham thara aka awm koek ni, aka soeng nawh miklet thoemna oen dilai pum ah huham tharana aka awm koek ni, aka soeng nawh miklet thoemna oen dilai thlaang boeih na thai na latna poen.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 2:24

“Tede Tiatira khaaw kah thlaang-tloe hue lawngtah athe cangpueina te na vai u nawh tih thlaangtloe hue lawngah Seitan kah awlhuep dung a ti u te khaw na cang u nawh. Nangmi te atloe thalrih khatca khaw phueih sak ham ka ngaih nawh.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.

Olphong 20:8

dilai pum khawboet ram boet ah aka darh u thlaangphun boeih te thailatna ham cet ai, te tah Gog oen Magog te ni. Seitan lawngah ahimi te apum boeih la ceem thawh sak ham a cawi vetih te thli tah tuitunlii keeng kah divin lai yoeh la yahawh.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.

Olphong 9:1

Tecoengah vanthlaang pa-ngaana lawng pengsara a tum vengah vaan kalawng dilai la aisi pakhat a tlaak thuk te ka huh, te kah aisi tengah aka boet nawh ungrawmdung awngna caabi te a peek.

Olphong 9:20

He kah tlawhtahaw ah aka duek nawh tih aka deem thlaang hue lawngah amami kah sai cawplap thaihu te hoett u nawh. Ahimi lawng raaithe a bok te khaw toeng nawh tih mik aka tueng nawh, haa aka pang, aka tatvuet thai nawh sui, ngun, ruhum, lungto, thing oen a sai kutsaimuei a bok te khaw toeng u nawh.