Olphong 12:4 - Matu Chin New Testament 2006

⁴ Ahih lawngah vaan kah aisi thloep thum ah thloep at te a mai oen ah a khawl tih dilai la a voeih. Ruultluung lawngah camoe te a awm atah doelh pahoei hamla a ca awm tawm-alel hutaa haiah te pai.

Matu Bible

⁴ A mai loh vaan kah aisi hlop thum te a hlan tih lai la a hlak. Te vaengah tuihnam tah thang tom nu hmaiah pai. A thang vaengah a ca dolh pah ham te.

Olphong 12:4 Iomraidhean Croise

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

Olphong 12:7

Tecoengah vaan ah raalpui tho. Maikal oen a vanthlaang thli lawng Ruultluung te a teek u tih ruultluung lawngah khaw, ahimi te a vanthlaang thli oen a teek u van;

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:2

Te satluung tah kaithleng oen lo u, a khow thli tah vawm khow oen lo u tih a kaa tah sathueng kaa oen lo u. Ruultluung lawngah kaithleng te amah kah tharana, a bawingawlhcoen oen aka bo koek ukna aana te a peek.

Olphong 13:4

Ruultluung tah amah kah aana te satluung tengah pekung la a awm dawngah thlaang boeih lawng ruultluung te a bok u. Ahimi lawngah, “Satluung oen a-u nuem aka lo u? A-u lawng nuem ahih te a teek thai ai?” ti u tih satluung te khaw a bok u.

Olphong 16:13

Tecoengah aciim nawh muithla ukong oen aka lo u pathum te ka huh. Te thli tah ruultluung kaa khui kalawng, satluung kaa khui kalawng, tawngha rawlrap kaa khui kalawng ah va thoeng.

Olphong 17:18

Nang lawngah hutaa na huh te tah dilai sengpahrang boeih ukkung alentloe khawpui ni,” tila a thui.

Olphong 20:2

Ahih lawng-ah suenyan kah ruultluung Raaibawi tihnawhtah Seitan te a tuuk tih kum thong khat khui khawh hamla thiirui oen a piin.

Olphong 8:10

Tecoengah vanthlaang pathumna lawng pengsara a tum vengah haithoei hairawng angla aka alh aisi pakhat vaan kalawng tuiva oen sawkca thloep thum thloep at dawngah tla.

Olphong 8:11

(Te aisi tah “Khahiik” a miingna) Tui thloep thum ah thloep at tah tuikha la coeng boeih tih, te tila khahiik aih dawngah tui aka aw thlaang boehoengla duek.

Olphong 8:12

Tecoengah vanthlaang apaliina lawng pengsara a tum vengah khawmik thloep thum ah thloep at tah see tlaih nawh tih thla khaw thloep thum ah thloep at, aisi thloep thum ah thloep at vaang tlaih nawh. A aangna thloep thum ah thloep at auh boeih. Yiin thloep thum ah thloep at, daai thloep thum ah thloep at ah aangna te awm tlaih nawh.

Olphong 8:7

Lamhacuek vanthlaang lawng pengsara te a tum vengah thisen oen aka thoekk u hai oen reel te dilai la tla. Dilai thloep thum ah thloep at, thingkung thloep thum ah thloep at oen ramtliim khaw ung boeih.

Olphong 8:8

Vanthlaang pahihna lawng pengsara te a tum vengah tlaang angla aka bo thaihu pakhat te tih hai angla aka alh te tuitunlii khuila tla. Tuitunlii thloep thum ah thloep at te thisen la coengg boeih tih,

Olphong 8:9

tuitunlii khuiah aka hing boeih thloep thum ah thloep at te duek boeih tih tuisangphaw thloep thum ah thloep at te rawk boeih.

Olphong 9:10

Te kah khaurang thli lawng celkhui ta-ai kah a mai angla aka sum pikyik te a khueh tih thla ngaa khuiah thlaang nganbawh yaak sak thaina a sue awm.

Olphong 9:19

Marang thli kah huham tharana tah a kaa oen a mai dawngah awm. A mai thli tah ruul angla a luu awm tih te a mai te thlaang nganbawh peekna ham a hawna.