Olphong 12:17 - Matu Chin New Testament 2006

¹⁷ Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Matu Bible

¹⁷ Tuihnam te khaw huta soah kosi a hong tih a tiingan a hoei rhoek, Pathen kah olpaek aka khoem tih Jesuh kah olphong aka khueh rhoek te caem la saii ham cet.

Olphong 12:17 Iomraidhean Croise

Mathai 28:20

Kai lawng awl kan peek boeih te a vaina u ham cang puei uh. Dilai tue aboettoe nangmi oen haih ka awm poe ai,” a tina.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

1Korin 2:1

Maya manau thli, nangmi tengah Pathen kah awlhuep awltak te phawng hamla ka law vengah te yaakming ham aka rai awllung thli oen cuihna awl te ka hawna nawh.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

1Johan 2:3

Mami lawng Pathen kah awlpeek te n'vai atah amah te m'ming u tite aciimla m'ming.

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.

1Johan 5:2

Mami lawng Pathen kah ca-anau thli n'lungna tite mingna tah he tila ni; mami lawng Pathen amah te n'lungna tih a awlpeek n'vai he ni.

Olphong 1:2

Johan lawng a huh thaihu boeih te a thui. Pathen tengkah awlthang oen Jesuh Khrih lawng a phawng awltak tah he ni.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 11:7

Te rawi lawng Pathen kah awlthang te a phawng hih coeng atah aka boet nawh ungrawmdung khui kalawng satluung te thoeng hang vetih te rawi te a teek ai. Te rawi te a taa vetih a ngawn ai.

Olphong 12:16

Tede dilai lawngah a kaa angg tih ruultluung kaa khuikah aka law tuiliw te a doelh boeih tih hutaa te a bawm.

Olphong 13:7

Pathen kah thlaang thli te teek ham oen ahimi te taa hamla khaw, thlaangphun boeih, ram tawm boeih, awlcawm awlcee oen namtawm sawah ukna aana te khaw a peek.

Olphong 14:12

Pathen kah awlpeek aka vai thli oen Jesuh tengah uep-awm la aka awm Pathen thlaang thli lawngah tahe vengah ueh thaina khueh angoe.

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 17:6

Te hutaa lawng Pathen thlaang thli kah thisen oen Jesuh ah thincakla a awm dawngah ngawn la aka awm hue kah thisen a ruui u te ka huh. Te hutaa te ka huh vengah kawpoek la rai tangkiik.

Olphong 18:20

Vaan nang, te khawpui rawk dawngah awmngaih lah! Pathen kah thlaang thli oen celtuih thli oen ah tawngha thli awmngaih u lah! Nangmi sawah a saina boeih dawngah Pathen lawng ahih te awl a cek poen!

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Olphong 19:19

Tecoengah marang aka cit thlaang oen ah a raalkap thli te teek hamla satluung oen dilai dawngkah sengpahrang thli oen ah a raalkap thli a tun kueng te ka huh.

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.

Olphong 22:14

Amami kah himbai te aciimla aka suk tah yotheen a dawng u, ahimi tah hingna thingthaih te a caak thai vetih khawpui thawhka khuiah kuun thai u ai.

Olphong 6:9

Tecoengah Tuuca lawng apa-ngaana tacik deng te a awng. Pathen awl a phawng u tih uep-awm sausi la a awm dawngah a ngawn u thlaang thli kah Muithla thli te bokna-thaang huiah ka huh.