Olphong 12:1 - Matu Chin New Testament 2006

¹ Tecoengah vaan dawngah kawpoekrai noekna bohlang pakhat va tueng. Hutaa pakhat lawng khawmik te himbai la a bai, thla te a khow oen a caawt tih aisi paha thlaihih aka awm bawilumuek te a muek.

Matu Bible

¹ Te phoeiah miknoek a len vaan ah tueng. Huta loh khomik te a bai tih a kho te hla a tloeng thil. A lu ah aisi hlainit aka om rhuisam te a khuem.

Olphong 12:1 Iomraidhean Croise

Mathai 12:38

Tecoengah Phungawl cangpueikung khatsut oen Farasi khatsut hue lawng,” Saya! kawpoekraina na sai te huh ham ka ngaih u” a tina.

Mathai 24:30

Tevengah Thlaanghing Capa kah miknoekna vaan ah tueng ai; Thlaanghing Capa lawng tharana huham “oen ruep-awmna oen ah” muui dawng a rum thuk te a huh u vengah dilai thlaang boeih lawng rap ai.

Marku 13:25

Vaan kalawng aisi tla vetih khawhi ah aka awm aisicumrii lawng amami kah huham tharana along a-im te a thawveel boeih ai.

Luka 21:11

Khaaw yat ram yat ah rih-awm likluei hinghuen ai; khawthe khawkha oen tlawhtahaw awm ai; vaan kalawng miknoekna oen rih-awm thaihu thoeng ai.

Luka 21:25

“Te atah khawmik, thla oen aisi thli dawngah, noekna alakloe te thoeng ai. Dilai sawkah ram boeih lawng tuitunlii kah tuisambaak awl oen tuilet thawh awl te a rih u vetih ngaihang khawbing la awm ai.

Johan 3:29

Vaa aka sa tuemnu hulaa te tah yulokung cadawng kah thlaang ni; tede yulokung kah paya tah a tengah pai tih awl a hutung, yulokung kah awl te a yaak vengah awmngaih. Kai kah awmngaih soepna khaw te tila ni a awm.

Caeltueih 2:19

Vaan khawhi sawah kawpoek rai miknoek ka sai vetih dilai adang ben ah khaw kawpoek rai thaihu ka sai ai. Te tah thisen, hai-alh, aka thah muepkuep haikhu oen ah ka tueng sak ai;

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

2Korin 11:2

Pathen a thatlai van angla kai khaw ka thatlai van; Nangmi he Khrih amah bueng oen ah te yuvaa la awm ham kan kang sut hulaa cuem oen na lo u.

Galati 3:27

Nangmi tah Khrih oen pumkhatla awmna dawngah baptisma na dang u poen tih tahe atah Khrih amah hingna oen na khuk na dah u poen.

Galati 4:26

Tede vaan benkah Jerusalem khawpui tah ahoerpoengla awm tih ahih tah mami kah nuhaam la awm.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Ephesa 5:32

He caciim dawngah aka tueng ataktang awlhuep aka dung te awm tih te tah Khrih oen khrihcabu he thuinuetna ni tila ka yaakming.

Olphong 1:20

Ka bantang kut dawngah na huh aisi pasarih oen sui haivangna pasarih kah thuingaihna awlhuep tah he tila awm: aisi pasarih hue he tah Khrihcabu thli pasarih kah vanthlaang tih haivangna pasarih tah Khrihcabu pasarih ni.

Olphong 11:19

Tevengah vaan ah aka awm Pathen tempal bok-im te awng u tih Tempal bok-im khuikah Awlkam Kong te tueng. Tecoengah khaw thlappha tih rekk tla, khaw humm, likluei hinghuen tih reelnu thoei.

Olphong 12:3

Vaan ah atloe kawpoekrai noekna pakhat va tueng. Ruultluung bohlang alingduuk pakhat, luu pasarih oen ki paha thlaihih a khueh tih a luu dawngah bawilumuek pakhat rip a muek.

Olphong 15:1

Tecoengah vaan ah atloe kawpoek rai noekna bohlang tlawhtahaw pasarih te vanthlaang pasarih lawng avan khuen te ka huh. Te kah tlawhtahaw tah hukhuengna poen tih Pathen kah thinsana aboetkoek a tuengna poen ni.

Olphong 21:14

Khawpui kah vawngkulh te tah lungto paha thlaihih dawngah lungdang a suem tih Tuuca kah celtuih paha thlaihih kah miing te a thut.

Olphong 21:23

Te khawpui dawngah khawse oen thlavaang khaw ngoe tlaih nawh, metihtiah Pathen kah ruep-awmna te aang poen tih tuuca te haivang la awm poen.