Olphong 11:19 - Matu Chin New Testament 2006

¹⁹ Tevengah vaan ah aka awm Pathen tempal bok-im te awng u tih Tempal bok-im khuikah Awlkam Kong te tueng. Tecoengah khaw thlappha tih rekk tla, khaw humm, likluei hinghuen tih reelnu thoei.

Matu Bible

¹⁹ Te phoeiah vaan kah Pathen bawkim a ong. Te vaengah Bawkim khuiah paipi thingkawng te ka hmuh. Te vaengah khophaa neh ol neh, rhaek khaw, lingluei khaw rhaelnu khaw ha thoeng.

Olphong 11:19 Iomraidhean Croise

Olphong 11:13

Teveng tue roe ah te likluei angaihhlangla hinghuen tih khawpui thloep ha ah thloep at tah rawk boeih tih thlaang thongsarih duek. Aka awm hun thlaang thli lawng lakueng u tih vaan ah aka awm Pathen kah alenna te a thangpawm u.

Olphong 11:15

Tecoengah pasarihna vanthlaang lawng pengsara a tum tih angaihhlangla aka humm vaan kah awl lawng, “Dilai ukna huham tharana tah mami kah Bawipa oen amah kah Messiah tengah tahe ah awm poen tih dungyan toela a uk poen ai!” tila a thui.

Olphong 12:1

Tecoengah vaan dawngah kawpoekrai noekna bohlang pakhat va tueng. Hutaa pakhat lawng khawmik te himbai la a bai, thla te a khow oen a caawt tih aisi paha thlaihih aka awm bawilumuek te a muek.

Olphong 16:1

Tecoengah tempal bok-im khuikah awl lawngah vanthlaang pasarih nala te, “Cet langtah Pathen kah thinsana beeldung pasarih te dilai dawngah hok thuk!” a tina te ka yaak.

Olphong 16:18

Tecoeng atah khaw thlappha tih, khaw humm, rekk tla tih likluei angaihhlangla hinghuen. Thlaanghing sai cuek veng kalawng he ang likluei he hinghuen nooek nawh; he ngoen tah likluei boeih lak ah aka tlo koek ni!

Olphong 16:21

Vaan dawng kalawng cawi yakhat tluk aka rih reel bohlang lawngah thlaanghing sawah te tla. Rih-awm tangkiik tlawhtahaw reelnu a tlaak dawngah Pathen te thlaanghing lawngah a tap avoep u.

Olphong 19:11

Tecoengah vaan aka awng u te ka huh tih, te ah te marang bawk pakhat awm. Te marang bawk aka cit te tah Uep-awm oen Awltak a miingna; doengna oen awl a cek tih ceemraal khaw a tloek.

Olphong 4:1

He coengah atloe huhthlaam ka huh tih vaan ah thawhka aka awng u pakhat te ka huh. Acuek vengkah ka yaak tih awl akavan thui pengsara awl tuen angla aka riing awl lawngah, “He la he law hang lah, he coengah aka thoeng ham koei te kan huh sak ai.” tila a thui.

Olphong 4:5

Bawi-ngawlhcoen dawng kalawng khaw thlappha tih khawhumm awl oen rekk tlaak awl va thoeng. Bawingawlhcoen haiah haithoei pasarih aka vang te awm tih te haithoei tah Pathen Muithla pasa-rih ni.

Olphong 7:15

Tedawngah ahimi lawng Pathen kah bawingawlhcoen haiah pai u tih yiin oen daai tempal bok-im ah bii te a bi pe u. Bawingawlhcoen dawng aka ngawl lawngah ahimi te a awm puei vetih a thlip adah poen ai.

Olphong 8:5

Tecoengah vanthlaang lawngah riimtuui beeldung te a lawh tih bokna-thaang dawngkah haialh te akhuila a sang coengah dilai la a voeih. Khaw humm tih rekk tla, khaw thlappha tih likluei hinghuen.

Olphong 8:7

Lamhacuek vanthlaang lawng pengsara te a tum vengah thisen oen aka thoekk u hai oen reel te dilai la tla. Dilai thloep thum ah thloep at, thingkung thloep thum ah thloep at oen ramtliim khaw ung boeih.