Olphong 11:18 - Matu Chin New Testament 2006

¹⁸ Tahe kah atue he tah na thinsa a lawna atue tih thlaangduek thli awlcekna atue la a awm dawngah, Pathen a ka bok nawh thli tah a thinsa tangkiik. Tahe kah atue he tah na tuihyoeih tawngha thli oen na thlaang thli boeih, nang aka hinyah ayiit abo boeih kutdo peekna atue ni. Dilai aka phekung thli phena ham atue tah avan pha poen!” tila a thui.

Matu Bible

¹⁸ Te vaengah namtom loh kosi a hong uh. Tedae na kosi neh aka duek rhoek kah laitloek tue tah ha pawk coeng. Na sal rhoek, tonghma rhoek, hlangcim rhoek neh na ming aka rhih rhoek tah, a yit a len khaw te thapang paek ham om,” a ti uh.

Olphong 11:18 Iomraidhean Croise

Mathai 5:12

“Awmngaih u langtah na kaw hoe sak uh, nangmi ham vaan ah kutdo abohlang awm, he tila ni nangmi na awm thlan vengkah tawngha thli khaw aheem atek u roe poen.

Luka 1:50

Amah te aka hinyah thlaang boeih tengah cadil nauha khat coeng khat toe reenna te a tueng sak.

Hebrew 9:27

Thlaang boeih he vai at tah duek ai, tecoengah Pathen lawng awl a cek ai.

Olphong 10:7

Pathen lawng amah kah tuihyoeih tawngha hue tengah a thuisut angla Vanthlaang pasarih lawng pengsara a tum vengah a kamthlahna awlhuep te soep badai” tila a thui.

Olphong 11:2

Tede tempal bok-im adauben kah talawng te hooep de, tah boel, metihtiah te huen te thlaangphun tloe thli a peek tih, ahimi lawng Aciim Khawpui te thla sawmlii thla hih khui a khow oen a caawt u ai.

Olphong 13:10

A-u khaw sal la khuen ham aka awm te tah a khuen ngaikhoek ai; a-u khaw samsen oen ngawn hamla aka awm te tah a ngawn ngaikhoek ai. He vengah Pathen kah thlaang thli lawng ueh thaina khueh tih uep-awm la awm ham angoe.

Olphong 13:16

Te satluung lawngah thlaangyiit oen thlaangbo khaw, kuirang thlaanglen oen khawdeng harah khaw, saltamnaa oen thlaangcuem khaw, thlaang boeih te a tal ah, tihnawhtah a bantang kut ah noekna te amangkhakla a khueh sak.

Olphong 14:10

Pathen kah thinsana misuryuu, a thinsana boengloeng khuiah tharana abepirla a thloen misuryuu te a awkk ai! Aka aw boeih te tah aciim vanthlaang thli oen tuuca haiah kat haialh dawngah a heem atek ai.

Olphong 15:1

Tecoengah vaan ah atloe kawpoek rai noekna bohlang tlawhtahaw pasarih te vanthlaang pasarih lawng avan khuen te ka huh. Te kah tlawhtahaw tah hukhuengna poen tih Pathen kah thinsana aboetkoek a tuengna poen ni.

Olphong 15:7

Tecoengah ramsahing palii khuikah pakhat lawngah dungyan aka hing Pathen kah thinsana oen aka be suibeeldung pasarih te vanthlaang pasarih te a peek.

Olphong 18:6

Ahih lawng nangmi thekhana angla ahih te thekhana u van; A saina boeih dawngah arepla thung pe uh. Nangmi lawng na awkk ham te athiipla a sai van angla ahih lawng a awkk ham boengloeng te khuibok ah athiipla sai pe u van.

Olphong 19:15

A kaa dawng kalawng samsen aka hatt pakhat va thoeng, te oen ah ram boeihboeih te a taa ai. Ahih lawngah thii cungpoelh oen ahimi te a uk vetih Bawilen Pathen thinsana misur neetna khuiah misur te a neet ai.

Olphong 19:18

Law u langtah sengpahrang thli, raalbawi thli oen raalkap thli kah thiasa te ca u lah, marang thli oen marang aka cit thli kah thiasa oen ah thlaang boeih kah thiasa, saltamnaa oen thlaangcuem thli kah thiasa, thlaang yiit thlaang bo boeih kah thiasa te ca u lah!” tila angaihhlangla paang.

Olphong 19:5

Tecoengah te kah bawingawlhcoen dawng kalawng awl pakhat va law tih, “Amah kah tuihyoeihthlaang thli oen a thlaang boeih ayiit abo, amah aka hinyah thlaang boeih, mami kah Pathen te koeh u lah!” ti.

Olphong 20:12

Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 22:12

Jesuh lawng, “Hutung lah! Kai tah ka law yue poen ai! Thlaang boeih te a saina taring ah peek rip hamla Kai lawng kutdo kavan khuen ai.