Olphong 1:9 - Matu Chin New Testament 2006

⁹ Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Matu Bible

⁹ Kai Johan, nangmih kah manuca neh phacip phabaem neh a ram ah aka bawn tih Jesuh ah uehnah loh Patmo la a khue tuisanglak ah Pathen kah olka neh Jesuh kah laipai ham ka pha.

Olphong 1:9 Iomraidhean Croise

Mathai 20:23

Jesuh lawng, “Nanghih lawng ka boengloeng dawngkah na awkk thai tang tang ai. Tede ka bantang ben ah ahih ngawl seh, ka banvoei ben ah ahih ngawl seh tila kai lawng ka tuek thai nawh tih te huen tah a Pa lawng a nuuen tangte thlaang hue ham ni,” a tina.

Marku 10:39

Ahih rawi lawng, “Ka sai thai hih ai,” a tina. Jesuh lawng te rawi boeinau te, “Kai lawng ka awkk ham boengloeng khaw na awkk thai hih vetih ka dang ham koei baptisma te khaw na dang thai hih tangtang ai.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Caeltueih 1:15

Khawhin meyoeh yun nuem a awm coeng atah oengca thli huhtunna awm tih thlaangmi te a pum boeih la ya pakul yun awm, Piter lawng pai tih awl a thui.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

Rom 8:25

Tede mik huh nawh te n'ngaiuep u atah mami lawng kawdaw oen n'ring u.

2Korin 1:7

Tedawngah nangmi sawah ka ngaiuep-na te tah cak; kaimi kah patang khangna te nangmi lawng na khang u van tih kaimi lawng ka dang u bawmna te khaw na dang u van.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 4:14

Tede raina ka tawng vengah nan bawm u he nangmi kah theenna ni.

2Thessalonika 3:5

Nangmi lawng Pathen kah lungna te khawseh, Khrih kah peek uehthaina te khawseh yaakming tare ham ah Bawipa lawng nangmi te m'mawt hawn seh.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

Hebrew 10:36

Pathen kah kawngaih te na sai thaina ham oen ah amah awlkam thaihu te na dangna u ham thinsan kawdaw oen awm uh.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

Olphong 1:1

He cabu he tah Jesuh Khrih lawng a phawng thaihu kawng thutna ni. He awlphawng tah aka thoeng yue ham koei te a tuihyoeihthlaang thli tengah tueng sak ham Pathen lawng a peek. Khrih lawngah he thaihu thli he a tuihyoeihthlaang Johan te ming sak hamla vanthlaang te a tuih tih,

Olphong 1:2

Johan lawng a huh thaihu boeih te a thui. Pathen tengkah awlthang oen Jesuh Khrih lawng a phawng awltak tah he ni.

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 1:6

ana Pa oen Pathen kah bii te bi thai ham mami he sengpahrang la khawseh Khawsoeih la khaw seh aka saikung Jesuh Khrih tengah ruep-awmna oen huham tharana tah dungyan toe awm yoeyah hawn seh! Amen.

Olphong 11:7

Te rawi lawng Pathen kah awlthang te a phawng hih coeng atah aka boet nawh ungrawmdung khui kalawng satluung te thoeng hang vetih te rawi te a teek ai. Te rawi te a taa vetih a ngawn ai.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 12:17

Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Olphong 13:10

A-u khaw sal la khuen ham aka awm te tah a khuen ngaikhoek ai; a-u khaw samsen oen ngawn hamla aka awm te tah a ngawn ngaikhoek ai. He vengah Pathen kah thlaang thli lawng ueh thaina khueh tih uep-awm la awm ham angoe.

Olphong 14:12

Pathen kah awlpeek aka vai thli oen Jesuh tengah uep-awm la aka awm Pathen thlaang thli lawngah tahe vengah ueh thaina khueh angoe.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.

Olphong 6:9

Tecoengah Tuuca lawng apa-ngaana tacik deng te a awng. Pathen awl a phawng u tih uep-awm sausi la a awm dawngah a ngawn u thlaang thli kah Muithla thli te bokna-thaang huiah ka huh.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.