Olphong 1:11 - Matu Chin New Testament 2006

¹¹ Te awl lawng, “Na huh thli he ca oen thut lang na thut cabu te he kah khawpui pasarih Efesa, Samarna, Perkamum, Tiatira, Sardis, Filadelfia oen Laudisia ah aka awm Khrihcabu hue tengah pat peh,” tila a thui.

Matu Bible

¹¹ Te vaengah, “Na hmuh te cayol ah daek lamtah Ephesa, Smyna, Pergamum, Thyatira, Sardis, Philadelphia, neh Laodicea kah hlangboel parhih te pat,” a ti.

Olphong 1:11 Iomraidhean Croise

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

Caeltueih 18:24

Tevengah te Alekzandria khaaw kah Apollos aka miingna Judah thlaang pakhat te Efesa khaaw la va law. Ahih tah awlthui a thoem tangkiik tih Caciim dawngkah awl te acek aneh la a ming.

Caeltueih 20:17

Pawl lawngah Militas kalawng Efesa la thlaang a tuih tih khrihcabu ahaamca thli te ahih oen huh u hamla law u lah seh, tila awl a tah.

1Korin 15:32

Kai lawngah thlaanghing pumsa ngaihna ben oen ah he Efesa khaaw ah “Satluung thli” oen ka khoelh u mai kawinih n'tu ka dang ai? Tede thlaangduek thli he hingna ah a thawh pai atah, “Thangvuen ah n'duek u poen ai, ca u silang tah aw u sih,” tila a thui angla te awm u van sih aw!

1Korin 16:8

Efesa khaaw ah he pentikos khawhin toe ah ka awm ai.

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

Kolosa 2:1

Nangmi ham khaw Laudisia khaaw kah thlaang thli ham khaw, kai he pumpakla aka ming nawh thlaang boeih ham khaw patang palai ruila metila bii ka bi he nangmi lawng na ming u ham ka ngaih.

1Timothy 1:3

Macidonia ram la ka ceh vengkah awl kan uen angla te Efesa khaaw ah na awm hamla ka ngaih. Thlaang khatsut lawng Efesa khaaw ah asoeng nawh oengna a cang puei u tih ahimi te na toeng sak ham awm.

Olphong 1:17

Ahih te ka huh vengah thlaangduek angla a khowkung ah ka tlim. A bantang kut te ka sawah a tloeng tih, “Rih boel! Kai tah lamhacuek oen hukhuengkoek la ka awm:

Olphong 1:19

Tedawngah nang lawng na huh thaihu boeih tahe ah aka awmlii thaihu thli oen hai ben ah aka thoeng ham koei thaihu thli pahih bok la thut lah.

Olphong 1:2

Johan lawng a huh thaihu boeih te a thui. Pathen tengkah awlthang oen Jesuh Khrih lawng a phawng awltak tah he ni.

Olphong 1:20

Ka bantang kut dawngah na huh aisi pasarih oen sui haivangna pasarih kah thuingaihna awlhuep tah he tila awm: aisi pasarih hue he tah Khrihcabu thli pasarih kah vanthlaang tih haivangna pasarih tah Khrihcabu pasarih ni.

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 1:8

“Kai tah lamhacuek, oen hukhuengkoek ni tila aka awm lii, aka awm coeng poen tih aka awm poe ham koei Thara koek Bawipa Pathen lawng a thui.

Olphong 10:4

Khawhumm pasarih kah awlthui te thut hamla ka kamthlah vengah vaan kah awl lawngah “khawhumm pasarih kah awl te awlhuep la khueh, thut boel de!” a ti te ka yaak.

Olphong 14:13

Tecoengah vaan kah awl pakhat ka yaak tih, “He he thut lah! tahe kalawng atong vetih Bawipa kah bii te a bi dawngah aka duek tah yotheen aka dawng thlaang ni” tila a thui. Muithla lawngkhaw, “Oeih, soeng tang tang! Bii rai bina kalawng duem u poen ai. Metihtiah a biibi phu tah ahimi oen awm haih poen ai,” tila a thui.

Olphong 19:9

Tecoengah vanthlaang lawng ka tengah, “He he thut lah; Tuuca yului poei kah a ceel thlaang hue tah yotheen aka dawng thlaang ni,” n'tina.

Olphong 2:1

“Efesa khaaw, Khrihcabu tengah he tila thut lah: A bantang kut ah aisi pasarih aka pawm tih sui haivangna pasarih tim ah aka yingyawi kah awl te tah he tila ni.

Olphong 2:12

Perkamum khaaw Khrihcabu kah vanthlaang tengah he tila thut lah: “He awl tah voei vang aka hatt samsen khuehkung kah awl ni.

Olphong 2:18

Tiatira khaaw Khrihcabu kah van-thlaang tengah he tila thut lah! “Pathen Capa, a mik rawi hai angla alh tih a khow rawi tah ruhum thuut heet angla thlup aka pha kah awl uen tah he tila awm.

Olphong 2:24

“Tede Tiatira khaaw kah thlaang-tloe hue lawngtah athe cangpueina te na vai u nawh tih thlaangtloe hue lawngah Seitan kah awlhuep dung a ti u te khaw na cang u nawh. Nangmi te atloe thalrih khatca khaw phueih sak ham ka ngaih nawh.

Olphong 2:8

“Smarna khaaw Khrihcabu kah vanthlaang tengah he tila thut lah: “Lamhacuek oen hukhueng koek la aka awm; duek tih aka tho koep kah awl uen tah he tila awm.

Olphong 21:5

Tecoengah bawingawlhcoen dawng aka ngawl lawngah te, “Tahe tah thaihu cungkuem soeprep te athaaila ka sai pan boeih poen, he kah awl he thut lah, metihtiah he awl boeih he tah soeng tangtang tih uepna koei awl ni,” tila a thui.

Olphong 22:10

Tecoengah ahih lawng, “He ang thli boeih he a thoengna ham atue ayoeica poen dawngah he cabu khuikah tawngha awl he ahuepla khueh boel.

Olphong 22:16

“Kai Jesuh lawng Khrihcabu khuiah aka awm nangmi tengah he thaihu boeih he aka hoe la kamah kah vanthlaang te kavan tuih poen. Kai tah Devid cadil tih aka aang tumpa ni.” tila a thui.

Olphong 3:1

Sardis khaaw Khrihcabu kah van-thlaang tengah he tila thut lah: “Pathen kah Muithla pasarih oen aisi pasarih khuehkung kah awl tah he tila awm. Nang lawng na sai te ka ming; nang tah aka hing angla na thaang theen, tede nang tah na duek tite ka ming!

Olphong 3:14

“Laudisia khaaw Khrihcabu kah vanthlaang tengah he tila thut lah: “Pathen lawng a suen thaihu boeih kah akungcuek la aka awm tih uep-awm oen ah ataktang sausi la aka awm Amen teng kah awl uenna tah he tila awm.

Olphong 3:4

Tede Sardis khaaw ah aka awm thlaang ayawl lawngtah na himbai te aciimcala na khueh u hun. Himbai bawk bai oen kai oen ah n'yingyawi haih u ai.

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.