Mathai 9:22 - Matu Chin New Testament 2006

²² Jesuh lawng a hu benla mang tih hutaa te a huh vengah, “Ka canu na ngaai mawng sak; na oengna lawng n'hoeih sak poen,” a tina. Teveng tue roe ah hutaa te hoeih pahoei.

Matu Bible

²² Jesuh te mael tih huta te a hmuh vaengah, “Ka canu na ngaimong sak, na tangnah loh nang n'khang coeng.” a ti nah. Te vaeng tue lamloh huta tah daem.

Mathai 9:22 Iomraidhean Croise

Mathai 15:28

Tedawngah Jesuh lawng, “Nang tah oengcakna aka khueh hutaa ni! na ngaihna angla coengg hawn seh,” a tina. Teveng tue roe ah a canu te hoeih pahoei.

Mathai 17:18

Jesuh lawng raaithe te awl a peek tih camaw kaw khui kalawng raaithe te co, kawlkalh ah ahih tah hoeih pahoei.

Mathai 8:13

Tecoengah Jesuh lawng raalbawi te, “im la meel loeih,” na oengna angla coengg hawn seh” a tina. Raalbawi kah tuihyoeihthlaang tah teveng tue roe ah hoeih pahoei.

Mathai 9:2

Te huen ah aka khawn thlaangtlo pakhat te ihphah dawngah avan kawh u tih Jesuh tengla avan khuen u. Jesuh lawng ahimi kah oengna te a huh vengah, aka khawn thlaang te, “Ka capa, na ngai mawng sak! na thawlhna boeih khawdawpngaai la awm poen” a tina.

Mathai 9:29

Tecoengah Jesuh lawng ahih rawi kah mik te a tek pe tih, “Na oeng hih angla coengg hawn seh,” a tina.

Marku 10:52

Jesuh lawng, “Cet loeih, na oengna lawng avan tueng sak poen,” a tina. Kawlkalh maiah ah a mik tueng koep tih te lawngpui ah te Jesuh hu ah baang pahoei.

Marku 5:34

Jesuh lawng, “Ka canu, na oengna lawng n'hoeih sak poen. Ngaimawng la cet loeih, na tlawhna hoeih loeih seh.” a tina.

Luka 17:19

Jesuh lawng ahih nala te, “Tho lang cet loeih; na oengna lawng n'hoeih sak poen,” a tina.

Luka 18:42

Jesuh lawng, “Na mik tueng koep seh! Na oengna lawng na mik avan tueng sak poen.” a tina.

Luka 7:50

Tecoengah Jesuh lawng hutaa nala te, “Na oengna lawng n'thlawn poen: ngaimawng ngaitoe la cet loeih” a tina.

Luka 8:48

Jesuh lawng ahih te, “Ka canu, na oengna lawng n'hoeih sak poen. Ngaimawng la cet loeih” a tina.

Johan 4:53

Tevengah ana pa lawngah, “Na Capa te theen badai” tila Jesuh lawng a tina atue ni tite a ming. Tedawngah amah oen a imkhuikaw boeih lawng a tangna u.

Caeltueih 14:9

Ahih tah te ah te ngawl tih Pawl kah awl thui te a hutung. Pawl lawngah, ahih lawngtah a tangna dawngah hoeih thai ai tite a huh, tedawngah rangpatangla a bueh heet tih,

Caeltueih 16:18

Te tila te khawhin sanhlang ahih tah paang khiing, Pawl te thinsabat la a khueh aih dawngah a hu la maang dak tih raaithe nala te, “Jesuh Khrih miing oen ah ahih kaw khui kalawng co loeih kan tina he!” a tina. Tevengca roe ah ahih kaw khui kalawng raaithe te co pahoei.

Hebrew 4:2

Metihtiah ahimi lawng a yaak u angla, mami lawng Awlthang Then te n'yaak u poen. Tede, Ahimi lawng a yaak u awlthang te oengna oen a do u nawh dawngah ahimi ham hoeikhangna awm nawh.