Mathai 7:15 - Matu Chin New Testament 2006

¹⁵ “Tawngha rawlrap hue te ngaithuen uh; Ahimi lawngah nangmi tengla te ahan huhna atah tuu angla law u vetih a thinkaw khui atah metaang tluung angla awm u ai.

Matu Bible

¹⁵ Laithae tonghma rhoek te ngaithuen uh. Amih loh nangmih taengah tu pho neh ha pai uh. Tedae a khuiah kutveet aka khueh uithang la om uh.

Mathai 7:15 Iomraidhean Croise

Mathai 10:17

Ngaithuen uh, nangmi te tuuk hamla thlaang va law ai, awlcekna yung la n'khuen u vetih sinakok bok-im ah khaw m'bawh u ai.

Mathai 16:11

Nangmi tengah kavan thui he buh kawng nawh ni ti he n'tu ah na yaakming u nawh? Farasi oen Sadusi hue kah tawlru te ngaithuen uh,” a tina.

Mathai 16:6

Jesuh lawng ahimi tengah, “Dalra u boel; Farasi oen Sadusi hue kah tawlru te anepla ngaithuen uh,” a tina.

Mathai 24:11

Tecoengah tawngha rawlrap thli yahawh hlang pho vetih thlaang thli te a thai alatna u ai.

Mathai 7:14

Tede hingna thawhka tah ceek tih a cehna lawngpui khaw rai tangkiik tih thlaang ayawlca bueng lawng a huh.

Luka 12:15

Tecoengah ahimi boeih nala te, “Apueh ngaihna soeprep dawngah kuemsuem u lang tloeng u lah; metihtiah thlaang kah hingna tak tak he bawirengna, khueh toen thaihu dawngah pangtung nawh.” a tina.

Luka 6:26

Thlaang lawng nangmi te n'koeh u vengah te khawmap tangkiik mah aw; ahimi kah patuer thli lawng te tila ni tawngha rawlrap thli te a koeh u van.

Johan 10:12

Tuudoen la aka awm nawh, thlaangvat tuudoen lawngtah amah kah tuu khaw khueh nawh, metaang a law te a huh vengah tuu thli te a ceh taak tih a heeng taak; tedawngah metaang lawng tuu te a ngeh tih a thek ayak boeih.

Caeltueih 13:40

Tedawngah tawngha thli lawng a thui te nangmi sawah a thoeng nawh ham ngaithuen uh:

Caeltueih 13:6

Ahimi tah te kah tuisanglak kalawng cet poe u tih Paphos khaaw te a pha u, te ah te caam aka thoem Bar-Jesuh aka miingna thlaang te a huh u, ahih tah amah oen amah te tawngha ni tila aka thui soeh Judah thlaang pakhat van ni.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

Ephesa 5:6

Nangmi te awlpoei awlpit oen a-u lawngkhaw n'thailatna boel seh; he ang kawngah he amah awl te aka ngaai nawh tah Pathen thinsana te a yawkk ai.

Philipi 3:2

Athe thaihu aka sai thli, pumsa yahhuivuen reetna aka thui mangkhak thlaang thli ui hue te ngaithuen uh.

Kolosa 2:8

Tecoengah Khrih tengkah ohla thlaang kah cangpueina patoeng oen khawhipuempa ukkung Muithla teng kalawng ah aka law, aphu aka awm nawh thlaanghing kah cuihna oen a-u lawngkhaw nangmi te sal la n'sai u nawh ham ngaithuen uh.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

2Timothy 4:3

Thlaang rangpui lawngah asoeng oengnakungpui cangpueina te hutung ngaih nawh la a awmna atue atang te apha ai, tede amami kah ngaihna te a vai vetih amami kah yaak ngaih bueng te aka thui hamla cangpueikung yahawh hlang te amami ham a cawi ai.

2Peter 3:17

Tede ka paya thli, nangmi lawngtah he kawng he na ming u poen. Tedawngah phung awl tula aka sak nawh thli kah thawlhpalhna lawng nangmi te m'mawt thawlh nawh ham oen ah namami kah aka cak paihuen dawng kalawng na thoeih na nawng u nawh ham ngaithuen uh.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 16:13

Tecoengah aciim nawh muithla ukong oen aka lo u pathum te ka huh. Te thli tah ruultluung kaa khui kalawng, satluung kaa khui kalawng, tawngha rawlrap kaa khui kalawng ah va thoeng.

Olphong 17:6

Te hutaa lawng Pathen thlaang thli kah thisen oen Jesuh ah thincakla a awm dawngah ngawn la aka awm hue kah thisen a ruui u te ka huh. Te hutaa te ka huh vengah kawpoek la rai tangkiik.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.