Mathai 6:7 - Matu Chin New Testament 2006

⁷ “Na thangthui u vengah Pathen aka ming nawh hue angla awl mailai yahawh thui u boel, ahimi lawngtah asanhlang thangthui dengah Pathen lawng a yaak ai” tila a poek u.

Matu Bible

⁷ Thangthui vaengah namtom rhoek bangla tlawk boeh. A caitawtnah te a hnatun ni tila a poek uh.

Mathai 6:7 Iomraidhean Croise

Mathai 18:17

Tecoengah ahimi kah awl te a ngaai nawh atah, awlkaa boeih te khrihcabu tengah thui uh. Aboetna ah khrihcabu awl te a ngaai nawh toeng toeng atah ahih te lukih thlaang tihnawhtah mangmu cawikung hue angla poek uh.

Mathai 26:39

Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

Mathai 26:42

Jesuh tah cet koep tih “A Pa, he kah patang khangna boengloeng he awkk ohla khoe thai koeila a awm nawh atah, na kawngaih angla awm hawn seh,” tila thangthui.

Mathai 26:44

Jesuh lawng ahimi te a ceh taak tih apathumna ah a thangthui nooek angla thangthui koep.

Mathai 6:32

He ang thaihu he Pathen aka bok nawh hue kah thoehtham thaihu ni, he ang thaihu na ngoe boeih te vaan kah nangmi na Pa lawng a ming boeih.

Caeltueih 19:34

Tede ahimi lawng ahih te Judah thlaang ni tila a noek u vengah: “Efesa khaaw kah Artimis tah bawilen duet ni!” tila te khawnoek pahih khui puet ah ruek ruek paang u.