Mathai 6:5 - Matu Chin New Testament 2006

⁵ “Na thangthui u vengah thlaangthai-palat hue angla thangthui u boel! Ahimi lawng thlaang boeih kah huhna koei sinakok oen lawngpui cumruum ah pai tih thangthui ham a ngaih u tangkiik. Atak tang kavan thui u, a sai phu dang ham koei te asoepla a dang u poen.

Matu Bible

⁵ Na thangthui uh vaengah hlangthai palat la om uh boeh. Hlang kah a hmuh ah thangthui ham tunim neh toltung kah a kil ah a pai te a lungnah uh. Nangmih taengah rhep kan thui, a thapang te vik a bawt uh coeng.

Mathai 6:5 Iomraidhean Croise

Mathai 21:22

Na oeng u tangtang atah thangthuina rang oen na bih u boeih te na dang u ai,” a tina.

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Mathai 23:5

Thlaang kah huh theenna ham bueng thaihu soeprep a sai u. A luu oen a baan dawngah a yeen u Caciim bu ke bueh u lah! metihtlukla a bo tih a himbai hmoi metila a san.

Mathai 23:6

Poei saina oen sinakok atah atheenkoek huen ah ngawlh a ngaih u tih ngawlhna te a kam oepsoeh u.

Mathai 6:1

“Thaihu theen na sai u boeih te thlaang yahawh lawng hu seh tila rangpui haiah sai nawh ham ngaithuen uh. He ang thli he rangpui haiah na sai u atah vaan ah aka awm na Pa tengkah kutdo n'tu khaw na dang u manawh.

Mathai 6:16

“Buh na yeh u vengah thlaang-thaipalat hue angla haithelatt la awm u boel. Ahimi lawng buh a yeh u te thlaang lawng ming seh a ti u dawngah haithelatt la awm u. Atak tang kavan thui u, ahimi lawng kutdo te asoepla a dang poen.

Mathai 6:2

Tedawngah thlaang kah angoe angaih thaihu te na do na dan vengah thlaangthaipalat hue lawng sinakok oen lawngpui cumruum ah oekthloen ruila a sai u angla nangmi lawng na sai boeih te tueng sak u boel. Ahimi lawng thlaang kah koeh ngaih ah a sai ni. Atak tang kavan thui u, ahimi lawng a ngaih te asoepla a dang poen.

Mathai 9:38

Caang aka aat thlaang yahawh avan tuihna ham lotoenkung tengah thangthui uh,” a tina.

Marku 11:25

Nangmi lawng na pai tih na thangthui u vengah thlaangtloe sawah na kaw a lawna nawh na khueh te khawdawp ngaai pe uh, te atah vaan ah aka awm nangmi na Pa lawng na sai thawlh te khawdawp avan ngaai van ai.

Marku 12:38

Jesuh lawng te tila a cang puei vengah te, “Phungawl cangpueikung hue he ngaithuen uh, ahimi lawng himbai dunghlang oen yingyawi a ngaih u tih dawr yun ah khaw thlaang lawng hinyahna oen n'voem n'toei lah sui tila a ngaih u,

Luka 11:43

Nangmi Farasi thlaang thli ham khawmap tangkiik! Nangmi lawng sinakok bok-im ah athloekla ahooep atlaang ngawlhcoen dawngah ngawlh ham oen ah thaihu yoeihna huen ah thlaang kah hinyahna oen voemtoeina te na ngaih u.

Luka 18:1

Tecoengah Jesuh lawng a hubang hue te thathe muehla thangthui poepa ham awm tite cangpueina hamla thuidoetna pakhat ahimi tengah a thui pe.

Luka 18:13

Tede mangmu cawikung tah athlala pai tih vaan benla Pateng maang ha nawh, a raang te a tum tih, ‘Aw Pathen, kai thlaangthawlh he n'reen lah,’ tila thangthui.

Luka 20:47

huhai tumtee kah thaihu oen a im te a rot pe u tih thlaang kah yaak ngaih la asanhlangla thangthui u! Ahimi lawngah athekoek dantatna te a dang u ai!” a tina.

Luka 6:24

“Tede tahe ah nangmi kuirang thlaanglen thli ham tah khawmap tangkiik mai mah aw; nangmi tah hingkhui awmtheenna na boenn u poen!

Johan 16:24

Tahe toe ah he nangmi lawng n'tu khaw ka miing oen na bih u thlan hun; nangmi kah awmngaihna te asoepna ham bih u lah na dang ni.

Ephesa 6:18

He ang boeih he thangthuina oen sai u lang Pathen kah bawmcemna te bih uh. Muithla kah mawtna angla me ang atue atang vengah khaw thangthui uh. Tedawngah ahuertuela awm uh, thathepakla awm u boel; Pathen thlaang boeih ham thangthui yoeyah uh.

1Thessalonika 5:17

boet ohla thangthui uh,

James 4:6

Tede Pathen kah peek lungvatna tah a tha ra tare ngaai. Caciim lawngah, “Pathen lawngtah aka oekthloen u thlaang thli te a oel tih boe-ngaai thlaang thli te a reen,” tila a thui angla ni a awm.