Mathai 6:4 - Matu Chin New Testament 2006

⁴ Namah bueng lawng ming ham sai u lang, te tila ahuepla na sai boeih aka hukung na Pa lawng kutdo m'peek u badai.

Matu Bible

⁴ Te dongah na doedannah te a huep la om mai saeh. Te daengah ni a huep a hael kah aka hmu na Pa loh nangmih te n'thuung eh.

Mathai 6:4 Iomraidhean Croise

Mathai 10:42

Atak tang kavan thui u; A-u lawngkhaw ka hubang thli yingkah huhsitkoek pakhat te kai kah hubang la a awm dawngah tuiding boengloeng khui at mai khaw a tuul atah kutdo a dang ngaai ai” a tina.

Mathai 6:18

Te tila buh na yeh u te a-u lawngkhaw ming nawh vetih mik huh nawh na Pa bueng lawng a ming ai. Ahuepla saina boeih hukung na Pa lawng kutdo m'peek u badai.

Mathai 6:3

Tede thlaang lawng angoe angaih te nangmi lawng na peek u vengah na paya theenkoek lawng pateng te kawng te ming boel seh.

Mathai 6:6

Tede nangmi lawng na thangthui u vengah im khuila kuun uh, thawh khai u lang mik oen huh nawh na Pa tengah thangthui uh. Ahuepla na sai boeih hukung na Pa lawng kutdo m'peek u badai.

Luka 14:14

ahimi lawngtah nang te n'thung koep thai nawh vetih nang lawng yotheenna na dawng ai. Thlaangdoeng thli duekna kalawng a thawhna khawhin ah Pathen lawng nang te n'thung badai.” a tina.

Luka 8:17

Thuh-elh la aka awm boeih te pho biit vetih muekdah la aka awm boeih te tueng pheng vetih huh thai la awm ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

Hebrew 4:13

Pathen haiah thuh phah thai thaihu khat khaw awm nawh; Pathen thaihu sai boeih lawng amah mik huh ah daih u vetih tueng pheng ai. Mami lawng m'mah kah sai boeih te a tengah n'thui ai.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.