Mathai 6:33 - Matu Chin New Testament 2006

³³ Tedawngah thaihu tloe boeih lak ah Pathen Ram oen Pathen lawng sai sak ham a ngaih te lamhacuekla tlap u lang tecoengah na ngoe thaihu tloe boeih te Pathen lawng avan tawm badai.

Matu Bible

³³ Tedae Pathen kah ram neh a duengnah te lamhma la toem uh lah. Te daengah ni he rhoek boeih he nangmih taengah han thap eh.

Mathai 6:33 Iomraidhean Croise

Mathai 19:28

Jesuh lawng ahimi tengah, “Atak tang kavan thui u; San thai a pha tih Thlaanghing Capa lawng Bawi ngawlhcoen dawngah Ruep-awmna oen a ngawlh vengah nangmi ka hubang thlaihih hue nang khaw Israel thlaangphun thlaihih te uk ham bawi-ngawlhcoen dawngah na ngawl u van ai.

Mathai 19:29

Tecoengah a-u khaw kai kawng dawngah a im oen a lo, a maya manau, ngannu nganca, a manu ana pa oen a ca te aka ceh taak thlaang tah te yueng te a pueh yakhat la a dang u vetih dungyan hingna te a dang baal ai.

Mathai 3:2

“Vaan ram ayoeii poen dawngah na thawlhna yut u loeih,” tila a thui.

Mathai 4:17

Teveng tue kalawng ah Jesuh lawng, “Vaan ram tah ayoeica poen dawngah, na thawlhna yut u loeih,” tila phungthuina a tong cuek.

Mathai 5:6

“Pathen kawngaih te amami ngaihna bo koek la sai ham aka khueh tah yotheen kam-awmna aka dawng thlaang la awm; Pathen lawng ahimi kah kawngaihna te a soep pe sak ai!

Luka 1:6

Ahih rawi tah Pathen mik huh ah thlaangdoeng la bok awm hih tih Bawipa kah phungawl oen awlpeek boeih te asoepcala a vai hih.

Luka 12:31

Amah kah a Ram te awlpuila poek u lah, te atah he thaihu boeih he nangmi m'peek ai.” a tina.

Johan 5:4

(Pathen kah vanthlaang pakhat lawng metuek tue vengah nuem tah tuilii ah te law tih tui te a phuul sak. Tui te a phuul coengah Lamhacuekla tuilii khuiah aka sungpung thlaangtlo tah me ang tlawhnat khaw a hoeih pe dawngah ahimi lawng tui aka phuul te a ring u.)

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Caeltueih 20:25

Kai lawngah nangmi boeih te khok kan hiil tih Pathen ram kawng te kavan thui u. Tede tahe kalawng tah a-u khat lawngkhaw kai he koep nan hu u tlaih manawh tite ka ming.

Caeltueih 28:31

Ahih lawng thincakna oen yalpawla Pathen Ram kawng te a thui tih Bawipa Jesuh Khrih kawng te a cang puei.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 10:3

Pathen lawng thlaang he me ang along a-im oen amah oen ah a roep u sak ti he ahimi lawng ming u nawh, amami kah lawngpui te sai ham a yawm u dai, tedawngah Pathen lawng amah oen thlaanghing roepna a sai lawngpui te paang u nawh.

Rom 14:17

Metihtiah Pathen kah Ram tah caak awkk dawng awm nawh tih Ciim Muithla kah peek doengna, ngaimawngna oen awmngaihna dawngah ni a awm.

Rom 8:31

Tetih atah he kawngah he n'tu nuem mami lawng n'thui thai ai? Pathen lawng mami he m'pai puei atah a-u lawng mami he n'raalna ai?

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 3:22

Pawl, Apollos oen Piter khaw, he dilai khaw, duekna oen hingna khaw, tahe san he khaw, hai ben kah aka law koei san khaw seh he thli boeih he nangmi kah koe-ava ni,

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

2Thessalonika 1:5

He ang thli boeih lawngah Pathen kah awlcekna tah doeng tila a tueng sak tih nangmi tah Pathen Ram oen ah aphu ating-atawkk thlaang la na coengg u ai. Te ham ni nangmi lawng patangraina na khang u.

1Timothy 4:8

Pumsa oen cangna he aphu tah awm thoem van, tede muithla ben cangna lawngtah soeprep ah aphu awm, metihtiah, tahe veng hingna ham khaw, hailam ben hingna ham khaw pahih bok hamla awl a kam.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 1:11

He tila te mami kah Bawipa oen Thlawnkung Jesuh Khrih kah dungyan ram ah nangmi kuun thaina te m'peek u ai.