Mathai 6:2 - Matu Chin New Testament 2006

² Tedawngah thlaang kah angoe angaih thaihu te na do na dan vengah thlaangthaipalat hue lawng sinakok oen lawngpui cumruum ah oekthloen ruila a sai u angla nangmi lawng na sai boeih te tueng sak u boel. Ahimi lawng thlaang kah koeh ngaih ah a sai ni. Atak tang kavan thui u, ahimi lawng a ngaih te asoepla a dang poen.

Matu Bible

² Te dongah doedannah na khueh vaengah, hlang loh a thangpom ham hlangthai palat rhoek tunim neh imhlai laklo ah a saii bangla na hmaiah ueng boeh. Nangmih taengah rhep kan thui, a thapang vik a bawt uh coeng.

Mathai 6:2 Iomraidhean Croise

Mathai 15:7

Nangmi thlaangthaipalat hue! Isaiah lawng nangmi kawng a thui oepsoeh te soeng tang tang!

Mathai 16:3

‘Mincang ah khaw pang tih khaw a mai atah khaw tlan ai na ti u.’ Nangmi lawng vaan na dan u rang oen khaw theen ai, khaw tlan ai, tila na thui u thai, tede tahe kah atue noekna he tah na ming u thai nawh!

Mathai 22:18

Ahimi kah kamthlahna athe khawkhan te Jesuh lawng a ming dawngah ahimi te, “Thlaangthaipalat hue, n'tu dawngah kai he kamah awl dawngah tuuk ham na ngaih u?

Mathai 23:5

Thlaang kah huh theenna ham bueng thaihu soeprep a sai u. A luu oen a baan dawngah a yeen u Caciim bu ke bueh u lah! metihtlukla a bo tih a himbai hmoi metila a san.

Mathai 23:6

Poei saina oen sinakok atah atheenkoek huen ah ngawlh a ngaih u tih ngawlhna te a kam oepsoeh u.

Mathai 24:51

A bawi lawng ahih te ram la a voeih vetih thlaangthaipalat thli lawng a dang koei te a dang sak van ai. Te huen ah rap vetih a naw a rueng ai.

Mathai 5:18

He he poek khuep uh. Vaan oen Dilai aboet thlantoe phungawl dawngah ayiitkoek awllung pakhat mai te khaw ha-ata manawh. Te phungawl dawngah aka awm boeih te soep ai.

Mathai 6:16

“Buh na yeh u vengah thlaang-thaipalat hue angla haithelatt la awm u boel. Ahimi lawng buh a yeh u te thlaang lawng ming seh a ti u dawngah haithelatt la awm u. Atak tang kavan thui u, ahimi lawng kutdo te asoepla a dang poen.

Mathai 6:3

Tede thlaang lawng angoe angaih te nangmi lawng na peek u vengah na paya theenkoek lawng pateng te kawng te ming boel seh.

Mathai 6:5

“Na thangthui u vengah thlaangthai-palat hue angla thangthui u boel! Ahimi lawng thlaang boeih kah huhna koei sinakok oen lawngpui cumruum ah pai tih thangthui ham a ngaih u tangkiik. Atak tang kavan thui u, a sai phu dang ham koei te asoepla a dang u poen.

Mathai 7:5

Nang thlaangthaipalat Namah mik kah thingboeng te lamhala lo de langtah tecoengah na maya manau mik kah muenmawi adiik te aciimcala na huh vetih na lawh pe thai ai.

Marku 12:39

sinakok bok-im ah athloekla ahooep atlaang ngawlhna oen poei saina ah huen theen ngawlhna te a tuek u.

Marku 7:6

Jesuh lawng ahimi nala te, “Nangmi kawng he Isaiah lawng a thui oepsoeh te soeng tangtang! Nangmi thlaang-thaipalat kawng he he tila a thut: Pathen lawngah, he kah thlaang thli lawng a awl hong oen kai n'hinyah u, tede ahimi kah thinkaw lungbui tah kai oen ah thla tangkiik.

Luka 11:41

Tede nangmi kah boengloeng oen beel dawngah aka awm te khawdeng thlaang thli te pe u lah, tetih atah soeprep boeih te nangmi ham ciim ai.

Luka 11:43

Nangmi Farasi thlaang thli ham khawmap tangkiik! Nangmi lawng sinakok bok-im ah athloekla ahooep atlaang ngawlhcoen dawngah ngawlh ham oen ah thaihu yoeihna huen ah thlaang kah hinyahna oen voemtoeina te na ngaih u.

Luka 12:33

Nangmi lawng na khueh na toen te yooei u langtah tangka te khawdeng thlaang thli pe uh. Aka pawn thai nawh tangkabawm te namami ham khueh u langtah vaan ah namami ham kaawn te tung asep uh, te huen atah thlaanghuuen lawngkhaw huuen thai nawh tih kuum-akett lawngkhaw a caak thai nawh dawngah metuek khaw boeih manawh.

Luka 12:56

Thlaangthaipalat hue! Nangmi lawng vaan oen dilai he na dan u tih khawtue tah na thui thai u; tetih atah, n'tu ah tahe vengkah atue he tah na ming u thai nawh?” a tina.

Luka 13:15

Bawipa lawng ahih nala te, “Nangmi thlaangthaipalat hue! Nangmi lawng Sabbath khawhin ah na vaitaw khaw, lacano khaw seh, a kiingna rui te na thlam pe u tih tui awkk sak ham na mawt u de lah koen.

Luka 20:46

“Phungawl cangpueikung thli tengah he ngaithuen u lah, ahimi lawngah himbaidung bai oen yingyawi ham a ngaih u, thaihu yoeihna huen ah thlaang kah voemtoeina oen hinyahna te a ngaih u; sinakok ah ngawlhna athloekla a hooep u te a tuek u tih poei saina ah ngawlhna atheen koek te a tuek u;

Luka 6:24

“Tede tahe ah nangmi kuirang thlaanglen thli ham tah khawmap tangkiik mai mah aw; nangmi tah hingkhui awmtheenna na boenn u poen!

Luka 6:42

Namah mik khuiah aka awm thingboeng Pateng khaw na huh thai nawh maiah na maya manau nala te, ‘Na mik dawngkah muenmawi te kavan lo ai ne?’ na tina. Nangmi thlaangthaipalat hue! Lamhacuek la namah mik dawngkah thingboeng te lo, tecoengah na maya manau mik khuikah muenmawi te lawh pe ham atheenla na huh thai ai.” a tina.

Johan 13:29

Judah tah tangka kuemkung la awm tih Jesuh lawngah ahih te poei veng ham ah amami kah angoe, tihnawhtah khawdeng thlaang thli te thaihu pakhat khat peek ham te lai hamla a thui pe cawini tila a hubang khatsut lawngtah a poek u.

Johan 5:41

Kai lawngah thlaang kah koeh awl te ka tlap nawh,

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Johan 7:18

Amah kah saithaina aka thui thlaang tah amah ham ruep-awmna dang ham aka yawm thlaang ni. Tede ahih te aka tuihkung kah ruep-awmna aka tlap thlaang tah boe a ngaai tih ahih dawngah thawlhpalhna khat khaw awm nawh.

Caeltueih 10:2

Ahih tah bokna ben ah a tlungmu thlaang pakhat la awm tih amah oen a imkhuikaw boeih lawng Pathen a bok u. Ahih lawngkhaw Judah thlaang khawdeng thli te a bawm acem poepa tih Pathen tengah thangthui yoeyah.

Caeltueih 10:31

ahih lawng: ‘Kornilias! Pathen lawng na thangthuina te a yaak tih reenna oen bawmcemna na sai te a ming poen.

Caeltueih 10:4

Ahih lawng vanthlaang te rih doe ah a dan heet tih “N'tu nuem, Bawipa?” a tina. Vanthlaang lawngah, “Nang kah thangthuina oen reenna oen ah bawmcemna na sai lawngah te Pathen kah thinkaw a puem poen tih na thangthuina te thung hamla awm oepsoeh poen.

Caeltueih 11:29

A hubang thli lawngah amami kah sai thai khoek ah Judia ram ah aka awm oengca thli te bawmcemna peek hamla awl a thui u.

Caeltueih 24:17

Kum san hlang Jerusalem kalawng athlana la awm coengah ka thlaangphun thli hamla tangka thak ham, luciik nawn hamla te la te ka cet.

Caeltueih 9:36

Joppa khaaw ah Tabita aka miingna oengca pakhat awm. (Ahih te Krik awl la Dorkas a miingna tih thuingaihna tah, “Sayuk” ti ngaihna ni.) Ahih lawng thaihu theen saina oen khawdeng bawmna ah atue atang boeih te a hawna.

Rom 12:8

Thlaang te thapeek koei atah tha peek ham awm; khuehtoen thaihu te thlaangtloe rekra koei atah moeihoeihna oen rekra ham awm. Saithaina aana te n'dang atah bii yawm ham awm; thlaangtloe tengah thintlawhna tueng sak ham koei atah reenna oen tueng sak ham awm.

1Korin 13:3

Kai lawngah ka khueh thaihu boeih he khawdeng harah te ka rek ka ra boeih mai tih ka pum he luciik la thawthueng ham ka pe mai cakhaw lungna ka khueh nawh atah kai dawngah atheenna roe awm nawh.

Galati 2:10

Ahimi boeih lawng kai tengah reenna avan bih u tah khawdeng thlaang thli te hilh nawh ham ni. Te thaihu te ni sai hamla kai khaw thinkaw a thluembuek van.

Ephesa 4:28

Aka huen lawngah huen-caanna te toeng loeih selang tah amah kah hingna ham adoengla bungkhutna te a dangna ham oen ah khawdeng thlaang te bawmcem thaina ham bii bi seh.

1Thessalonika 2:6

Kaimi lawng nangmi tengkah khaw, thlaangtloe tengkah khawseh koehna te dang ham ka yawm u nawh.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

Philemon 1:7

Ka lungna ka manau, nang kah lungna lawng awmngaihna yahawh hlang m'peek tih ka tha avan thlue sak. Pathen kah thlaang boeih te nang lawng a kaw na hoe sak poen.

Hebrew 13:16

Nangmi lawng pakhat oen khat bawmcemna oen atheen sai hamla te hilh u boel, metihtiah he ang he tah Pathen te kaw aka hoe sak thawthuengna ni.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.