Mathai 6:13 - Matu Chin New Testament 2006

¹³ Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Matu Bible

¹³ Cuekhalhnah khuila kaimih ng'khuen boel lamtah, a thae khui lamkah loh kaimih n'hlawt lah.

Mathai 6:13 Iomraidhean Croise

Mathai 26:41

Suek-halhna na taa thaina ham hak u lang thangthui uh. Thinkaw lawngtah a ngaih de pumsa tah a tha yoek sut” a tina.

Mathai 28:20

Kai lawng awl kan peek boeih te a vaina u ham cang puei uh. Dilai tue aboettoe nangmi oen haih ka awm poe ai,” a tina.

Mathai 5:37

Soeng, soeng nawh ti bueng mah te thui uh, te voel tah Seitan tengkah awl poen ni.

Mathai 6:10

Na ram va pai hawn seh! Vaan ah na kawngaih a sai u angla dilai dawngah na kawngaih sai u van hawn seh,

Johan 17:15

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

1Korin 10:13

Nangmi sawah aka law noekna te thlaang boeih tengah aka thoeng noekdakna van mai ni. Tede Pathen tah awlkam cak tih nangmi lawng na taa thai nawh toe atah noekna te van thoeng sak aih manawh; nangmi tengah noekdakna avan pha vengah ueh thaina ham tharana te m'peek vetih loeihna hamla lawngpui avan roek ai.

1Korin 14:16

Nang lawng muithla bueng oen Pathen teng awmngaih awl na thui vengah nangmi kah pumna ah aka thuum van thlaang thoet mailai lawngah nangmi kah awmngaih ciil thui thangthuina ah te metila “Amen” tila a thui thai ai? Nangmi kah awl thui te ahih lawng a ming moenih ta.

2Korin 1:20

Metihtiah ahih tah Pathen awlkam boeih dawngah “Oeih” tina ni. Tedawngah Jesuh Khrih rang oen Pathen kah ruep-awmna ham mami lawng, “Amen”, tila n'thui u.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

1Thessalonika 1:10

Vaan kalawng aka law ham a Capa na lamtoen u te khaw ahimi boeih lawng a thui u. A Capa Jesuh tah duekna kalawng a thawh sak tih aka law ham koei Pathen thinsana kalawng mami loeihsakkung ni.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

Hebrew 11:36

Khatsut hue te nuihbu kamring la a sai u tih cungpoelh oen a bawh u, khatsut hue te thiirui oen a khih u tih thong ah a thlaak u.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

2Peter 2:9

Tedawngah Bawipa lawngtah amah aka ming thlaang thli te ahimi kah patang khangna kalawng loeih sak ham khaw, thlaangthe thli te Awlcekna Khawhin ah metila dan tat ham ti khaw a ming,

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

Olphong 1:18

Kai tah aka hing ni! Kai tah ka duek, tede tahe ah kai tah dungyan toe yoeyahla ka hing poen. Kai lawng duekna oen thlaangduek khaaw celkhui sawah ukna aana ka khueh.

Olphong 19:1

Tecoengah vaan ah thlaangping kah vupaang awl angla ka yaak tih, “Pathen tah koeh u lah! Thlawnna, ruep-awmna oen tharana tah mami kah Pathen amah koe ni.

Olphong 19:4

Ahaamca kulpalii hue oen ramsa hing palii hue lawng buekuep u tih bawingawlhcoen dawng aka ngawl Pathen te a bok u. Ahimi lawng, “Amen! Pathen tah koeh u lah!” ti u.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 21:4

Ahimi kah mikphi boeih te Pathen lawng a huih pe poen ai. Te huen atah duekna roe awm tlaih nawh vetih kawthe lungnat yaakna, rungrahna oen tlawhnatna khaw awm tlaih manawh. Thaihu ruem boeih tah khum kang poen,” ti.

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.

Olphong 3:14

“Laudisia khaaw Khrihcabu kah vanthlaang tengah he tila thut lah: “Pathen lawng a suen thaihu boeih kah akungcuek la aka awm tih uep-awm oen ah ataktang sausi la aka awm Amen teng kah awl uenna tah he tila awm.

Olphong 5:13

Tecoengah vaan ah aka awm boeih oen dilai dawngah khaw, dilai dangkah aka awm boeih, tuitunlii ah aka awm boeih oen Khawhipuempa kah aka hing boeih lawng: “Bawingawlhcoen dawngah aka ngawl tuuca tengah thaangtheenna oen hinyahna, ruep-awmna oen tharana tah yoeyahla dungyan toe awm hawn seh,” tila laa a sak te ka yaak.