Mathai 6:10 - Matu Chin New Testament 2006

¹⁰ Na ram va pai hawn seh! Vaan ah na kawngaih a sai u angla dilai dawngah na kawngaih sai u van hawn seh,

Matu Bible

¹⁰ Na ram tah ha pai saeh. Na kongaih tah vaan kah bangla diklai ah khaw soep saeh.

Mathai 6:10 Iomraidhean Croise

Mathai 12:50

A-u khaw vaan ah aka awm a Pa kawngaih aka sai tah ka maya, ka manau, ka ngannu oen a nu ni,” a tina.

Mathai 16:28

Atak tang kavan thui u, Thlaanghing Capa lawng Sengpahrang angla a law te na huh u thlantoe aka duek nawh ham koei thlaang khatsut tah he ah na awm u,” a tina.

Mathai 26:42

Jesuh tah cet koep tih “A Pa, he kah patang khangna boengloeng he awkk ohla khoe thai koeila a awm nawh atah, na kawngaih angla awm hawn seh,” tila thangthui.

Mathai 3:2

“Vaan ram ayoeii poen dawngah na thawlhna yut u loeih,” tila a thui.

Mathai 4:17

Teveng tue kalawng ah Jesuh lawng, “Vaan ram tah ayoeica poen dawngah, na thawlhna yut u loeih,” tila phungthuina a tong cuek.

Mathai 7:21

“Bawipa, Bawipa tila ka tengah aka ti thlaang boeih lawng Vaan ram khuiah kuun boeih manawh, tede Vaan ah aka awm a Pa kawngaih aka sai thli bueng lawngah kuun ai.

Marku 11:10

Pahaam Devid kah ukna aka law lii te yotheenna awm hawn seh! Asangkoek vaan ah ke Pathen tah thangtheenna awm hawn seh! Hosanna!” tila pang u.

Marku 3:35

A-u khaw Pathen lawng sai sak ham a ngaih te aka sai boeih tah ka manau, ka ngannu oen a nu ni.” tila a thui pe.

Luka 19:11

Thlaangping hue lawng awl a hutung u lii vengah he kah thuidoetna pakhat he a thui pe. Jerusalem te a pha tawm u poen tih ahimi lawngtah Pathen Ram he tueng pahoei poen ai tila a poek u.

Luka 19:38

“Bawipa miing oen aka law sengpahrang tah Pathen lawng yotheen kam-awmna pe hawn seh! Vaan ah roepna awm selang Pathen tengah ruep-awmna awm hawn seh!” tila paang u.

Luka 22:42

“A Pa, na kawngaih atah he kah patang khangna boengloeng he ka teng kalawng khoe hawn. Tede kai kah kawngaihna boel selang na kaw-ngaih angla sai hawn.” tila thangthui.

Johan 4:34

Jesuh lawng ahimi nala te, “Kai kah buh tah kai aka tuihkung kah kawngaih te vai ham oen ah sai ham bii m'peek te coeng pe ham ni.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Johan 7:17

A-u khaw Pathen kawngaih te sai ham aka ngaih lawngtah kan cang puei u he Pathen tengah aka law aw, tihnawhtah kamah kah saithaina aana oen ka thui aw ti he a ming ai.

Caeltueih 13:22

Pathen lawng ahih te a khoe pe coeng atah Devid te ahimi kah sengpahrang la a khueh pe. Pathen lawng ahih kawng a thui te tah: ‘Jesi capa Devid tah ka kaw aka tawng thlaang, kai lawng sai sak ham ka ngaih boeih te aka sai ham thlaang te ka huh poen” tila a thui.

Caeltueih 21:14

Kaimi lawng ahih te ka thlawh u thai tlaih nawh, ka toeng u tih, “Bawipa kawngaih hawn seh.” ka tina u.

Caeltueih 22:14

Ahih lawng, ‘Mami patuer hue kah Pathen lawng amah kawngaih te ming hamla amah kah aka doeng tuihyoeihthlaang te huh sak ham oen ah amah awl roe oen a thui awl te yaak hamla nang he n'tuek poen.

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

Ephesa 6:6

Ahimi lawng nangmi te bii a bi ti seh tila na ngaih u dawngah ahimi kah mik huh bueng ah te bii sai u boel, tede Khrih kah sal la na awm u van angla Pathen kawngaih la na thinkaw lungbui boeih oen sai uh.

Kolosa 1:13

Amah lawng mami he yiinna thara huham khui kalawng n'thlawn tih a lungna a Capa ram khuiah ngaimawngla te n'kuun poen;

Kolosa 1:9

Tedawngah nangmi kawng ka yaak cuek veng kalawng nangmi ham ka thangthui poepa u. Amah Muithla lawng m'peek cuihna boeih oen yaakmingna, amah kawngaih mingna oen nangmi na betoetna u ham Pathen tengah ka bih u.

1Thessalonika 4:3

Pathen lawng nangmi te ciim sak ham oen ah hutaa tawngpa thawlhna cipp muelmang sak ham a ngaih.

1Thessalonika 5:18

soeprep boeih ah awmngaih ciil thui uh, Khrih Jesuh oen pumkhatla na hingna dawngah he tila hing hamla Pathen lawng a ngaih.

Hebrew 1:14

Tetih atah, vanthlaang thli he a-u te ang kai? Ahimi tah Pathen kah bii aka bi muithla la awm tih thlawnna aka dang ham koei thli te bawm hamla Pathen kah a tuih thlaang thli ni.

Hebrew 10:36

Pathen kah kawngaih te na sai thaina ham oen ah amah awlkam thaihu te na dangna u ham thinsan kawdaw oen awm uh.

Hebrew 10:7

Tedawngah kai lawng, Phungawl cabu dawngah kamah kawng-alam a thut angla te, “Aw Pathen, na kawngaih te sai hamla he ah ka awm; ka tina,” tila a thui.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

1Peter 2:15

Metihtiah amah ngaih la awl sah sah aka cal thlaangngau paathuu hue te nangmi kah thaihu theen saina lawng a awl phah sak seh tila Pathen lawng a ngaih ni.

1Peter 4:2

Tedawngah tahe kalawng tah dilai dawngah hingna na khueh khui roekk tah thlaanghing kah kawngaihna ohla Pathen kah kawngaihna lawng nangmi te n' uk u seh.

Olphong 11:15

Tecoengah pasarihna vanthlaang lawng pengsara a tum tih angaihhlangla aka humm vaan kah awl lawng, “Dilai ukna huham tharana tah mami kah Bawipa oen amah kah Messiah tengah tahe ah awm poen tih dungyan toela a uk poen ai!” tila a thui.

Olphong 12:10

Tecoengah vaan ah angaihhlang paang awl te ka yaak tih, “Pathen kah thlawnna tah tahe ah law poen! Pathen lawng sengpahrang angla amah huham tharana te a tueng sak poen! Tahe tah Messiah lawng amah aana te a tueng sak poen! Metihtiah Pathen haiah pai tih yiin, daai ah mami kah maya manau thli thawlh aka peelkung te vaan adaubenla a voeih poen.

Olphong 19:6

Tecoengah thlaangping kah paang awl angla liksaituitlaak awl angla, khawhumm rekk tlaak awl angla ka yaak. “Bawipa tah koeh u lah! Mami kah Bawipa, Thara Pathen tah Sengpahrang la a awm dawngah koeh u lah!

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.