Mathai 5:7 - Matu Chin New Testament 2006

⁷ “Thlaang reenna kaw aka poek tah yotheen kam-awmna aka dawng thlaang la awm; Pathen lawng ahimi te a reen van ai!

Matu Bible

⁷ Hlang aka rhen rhoek tah a yoethen uh, amih te a rhen uh ni.

Mathai 5:7 Iomraidhean Croise

Marku 11:25

Nangmi lawng na pai tih na thangthui u vengah thlaangtloe sawah na kaw a lawna nawh na khueh te khawdawp ngaai pe uh, te atah vaan ah aka awm nangmi na Pa lawng na sai thawlh te khawdawp avan ngaai van ai.

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Rom 11:30

Nangmi Gental thli lawng anoekbuet atah Pathen awl te na ngaai u nawh, tede tahe ah Judah thlaang thli lawng a awl a ngaai pe u nawh dawngah nangmi lawng Pathen reenna te na dang u.

1Korin 7:25

Tahe ah thlaanghoeng la aka awm thli kawng ca thut oen nan doet u te kavan thui ai. Bawipa tengkah awlpeek tah ka khueh nawh, tede Bawipa kah reenna rang oen uep-awm thlaang pakhat la ka awm van angla ka poekna he kan peek u.

2Korin 4:1

Pathen lawng reenna oen he kah bii he bi hamla kaimi m'peek dawngah kaimi tah ka kaw boet nawh.

Ephesa 4:32

Te ang thli lak atah pakhat oen khat reenna oen komyomna kawpoek te khueh u langtah Pathen lawng Khrih rang oen ah nangmi sawah khawdawp a ngaai van angla te khat oen khat sawah khawdawp ngaai uh.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

1Timothy 1:13

N'cui vengah ahih te kai lawng athela ka thui, ka heem ka tek tih thekha la ka sai, kai lawng oengna ka khueh nawh dawngah n'tu ka sai ti khaw ka ming nawh, tede Pathen lawngtah kai he n'reen.

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

Hebrew 4:16

Tedawngah, lungvatna a awmna huen Pathen kah bawingawlh coen tengla cawh u sih. Te huen atah n'ngoe vengah mami bawm ham lungna oen lungvatna te n'dang ai.

Hebrew 6:10

Pathen he atuueng aleeng nawh Pathen aih nawh ni. Nangmi lawng bii na bi u te khaw, amah na lungna u te tueng sak ham Khrihca na puei na paw bawmna na peek u tih tahe toe ah na do na dan u te khaw Pathen lawng hilh manawh.

James 2:13

Metihtiah reenna aka khueh nawh thlaang te Pathen lawng awl a cek vengah reen van manawh; tede awlcekna te tah reenna lawng a taa.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.