Mathai 5:44 - Matu Chin New Testament 2006

⁴⁴ Tede kavan thui u, Na raal thli te lungna lang nangmi aka thekhana thlaang thli ham thangthui pe uh.

Matu Bible

⁴⁴ Tedae kai loh nangmih taengah kan thui, na rhal rhoek te lungnah lamtah, nangmih aka hnaemtaek rhoek ham thangthui pa uh.

Mathai 5:44 Iomraidhean Croise

Luka 23:34

Jesuh lawng, “A Pa, Ahimi sawah khawdawp ngaai hawn! Ahimi lawng a sai he a ming u nawh dawngah ni.” a tina. Ahimi lawng talcung a yueh u tih ahih kah hi-acuu thli te a rek ara u.

Johan 13:34

Tahe ah awlpeek thaai kan peek u: pakhat oen khat te lung u lah. Kai lawng nangmi kan lungna u van angla nangmi khat oen khat na lung u ham awm.

Caeltueih 16:28

Tede Pawl te paang khalau tih, ‘Namah oen namah nganbawh pe u boel! Kaimi boeih he ah ka awm u!” a tina.

Caeltueih 7:60

Ahih lawngah khuklu oen cuengkueng tih, “Bawipa! He thli lawngah thawlhna a sai he van thung pe boel!” tila te angaihhlangla paang. He awl a thui coeng atah duek poen.

Rom 12:14

Nangmi heemtekkung thli ham Pathen tengah kam-awm yotheenna bih pe uh; Oe, yotheen kam-awmna bih pe uh; tapvoep u boel.

1Thessalonika 5:15

A-u lawngkhaw athe te athe van oen thung u boel, khat oen khat sawah khawseh, thlaang boeih sawah khaw seh theenna te sai hamla poek yoeyah uh.

1Peter 2:23

Awlthe awlkha oen asal aphaam u vengah te ahih lawng awlthe awlkha oen thung nawh; patang a khang vengah thlaang te hih-ahuut nawh, tede adoengla awl cekkung Pathen te ni a uepna.

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.