Mathai 5:37 - Matu Chin New Testament 2006

³⁷ Soeng, soeng nawh ti bueng mah te thui uh, te voel tah Seitan tengkah awl poen ni.

Matu Bible

³⁷ Te dongah nangmih ol te ue atah ue, pawh atah pawh la om saeh. Tedae he rhoek kah a pueh tah a thae hno lamkah aka thoeng hno ni.

Mathai 5:37 Iomraidhean Croise

Mathai 13:19

A-u khaw Vaan ram kawng awlthang a yaak de aka yaakming nawh te tah lawngpui ah aka tla caangti oen lo u. Ahimi thinkaw ah a heh u caangti te Seitan lawng law tih a rot pe.

Mathai 13:38

Lo tah he dilai ni; caangti theen tah Vaan ram aka paang thlaang hue ni; varaamcaang tah Seitan kah thlaang hue ni;

Mathai 15:19

Thlaang ngawnna, samphaihna, hutaa tawngpa thawlhna, atheen nawh thaihu saina, huuenna, hoemna, thlaang thaang the sakna, poekna atloe boeih he tah lungbui khui kalawng ni a law.

Mathai 5:36

Na luu phoei oen khaw tapvoep boel, metihtiah na luu dawngkah samthaam pakhat pateng abawk oen amuuem la na sai thai u nawh.

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Johan 17:15

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Ephesa 4:25

Tedawngah hoemthui thlaang awm tlaih boel seh! Thlaang boeih lawng aka oeng paya laikoei tengah awltak tang te thui seh; metihtiah mami boeih tah Khrih pum dawngah thik at la aka thuum boeih ni.

Ephesa 6:16

Oengna te phring angla pawm yoeyah uh; metihtiah te phawlip oen Seitan kah kahna haialh pla boeih te na thih u thai ai.

Kolosa 3:9

Nangmi lawng thlaangruem hingna oen thlaangruem moeiboe te na dul u tih thlaang thaai hingna oen na khuk u poen dawngah pakhat oen khat te thailat u patoeng boel.

Kolosa 4:6

Nangmi kah awlthui boeih te yaak ngaih koei oen thinkaw thluembuek koeila awm selang thlaang boeih kah awl doetna te metila ka thung pe ai tite na ming u ham awm.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

James 5:12

Maya manau thli, atloe boeih lak ah awlkamna na sai u vengah awl taap u boel. Nangmi lawngah vaan phoei oen khawseh, dilai phoei oen khawseh, atloe tloe phoei oen khawseh awl taap u boel. “Oeih” tila thui na ngaih atah, “Oeih” ti bueng te mah thui mai hawn; “Moenih” tila thui na ngaih atah “Moenih,” ti bueng mah thui mai hawn. Te tila na thui u atah Pathen kah awlcekna dawng kalawng na loeih ai.

1Johan 2:13

Papa thli aw, acuekca kalawng aka awm ahih te na ming u dawngah nangmi tengah he ca he kavan thut. Cadawng caloe thli nangmi lawng Raaibawi te na taa u poen dawngah nangmi tengah he ca he kavan thut.

1Johan 3:12

Mami he Kain angla awm ham nawh ni; ahih tah Raaibawi kah thlaang la awm tih a manau kheet Abel te a ngawn. N'tu ah Abel te Kain lawng a ngawn? Metihtiah ahih lawng thaihu te athawlhla a sai, tede a manau lawngtah thaihu te adoengla a sai dawngah ni.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.