Mathai 5:30 - Matu Chin New Testament 2006

³⁰ Na bantang kut lawng n'thawlh sak atah, tloek poet lang voei hawn! na pum boeih hell la a tlaak lak atah na kut na khow pakhat khat a taal te nang hamla theen ngaai.

Matu Bible

³⁰ Na bantang kut loh nang n'khah atah te te tloek lamtah namah lamloh voei. Na pumrho dongkah pakhat a poci te nang hamla then ngai. Te daengah ni na pum boeih tah hell la a caeh pawt eh.

Mathai 5:30 Iomraidhean Croise

Mathai 11:6

Kai kawng dawngah uepvoetna aka khueh nawh tah yotheen kam-awmna aka dawng thlaang la awm!”

Mathai 13:21

Tede, ahimi kah thinkaw lungbui ah Vaan ram kawng a thlengyung a thlaak nawh dawngah asan hlang hing nawh. Tedawngah Vaan ram kawng dawngah thekha raina oen heemtekna soeprep a law vengah ahimi lawng kawlkalh ah a hoett pahoei.

Mathai 16:23

Jesuh lawng Piter te a mang thil ket tih, “Seitan! Ka teng kalawng cet lah, na poekna he Pathen teng kah law nawh tih thlaanghing ben kalawng a law dawngah, ka cehna lawngpui kanghalhkung la na awm,” a tina.

Mathai 17:27

Tede he thlaang hue he a thinsa sak ham ka ngaih nawh. Tedawngah tuilii la cet lang nga vaih lah. Lamhacuek la na tuuk nga kah a kaa khuiah nang oen kai ham Tempal mangmu peek khoek tangka na dang ai. Te tangka te lo langtah mahih kah mangmu la ahimi te pe hawn, a tina.

Mathai 18:8

“Na kut tihnawhtah na khow lawng na oengna te avan phelh sak atah tloek langtah voei vik hawn! Kut soep khow soep oen dungyan hai khuila na tlaak lak ah kut oen khow muehla hingna khuiah na kuun te theen ngaai.

Mathai 22:13

Tecoengah sengpahrang lawng a tuihyoeihthlaang thli te, ‘Ahih he a kut, a khow te piin pe u lang adau ben yiinna khuila voei uh. Te huen ah rap vetih a naw a tah ai,’ ti” tila a thui pe u.

Mathai 25:20

Tangka thong ngaa aka dang te va kuun tih apueh thong ngaa a peek. ‘Bawipa tangka thong ngaa nan peek. Bueh lah! Apueh thong ngaa ka dang tih kan peek,’ a tina.

Mathai 26:31

Tecoengah Jesuh lawng ahimi te, “Caciim lawngah, ‘Pathen lawng tuudoen te a ngawn vetih tuu boeih tah pathengg payaangla awm ai’ tila a thui angla, ‘N'tu yiin roe ah nangmi lawng kai he nan heng taak u vetih nan ceh taak u ai.’

Mathai 5:22

Tede tahe ah kavan thui u, “A-u khaw a maya manau tengah a thin a sa atah awlcekna ah a pha ai. A-u khaw a maya manau te tula na thuum nawh a tina atah awlcekna yung a pha ai, a-u khaw a maya manau te thlaangngau paathuu a tina atah rih awmna hell hai khuiah a thlaak ai.

Mathai 5:29

Tedawngah na bantang mik lawng n'thawlh sak atah koeih lang voei hawn! na pum boeih hell la atlaak lak atah na mik na taal te nang hamla theen ngaai.

Marku 9:43

Tedawngah na kut lawng na oengna te a phelh sak atah tloek poet hawn! Na kut pahih oen aka duek tlaih nawh hell hai khuiah na tlaak lak atah na kut pakhat bueng oen hingna khuiah na kuun te theen ngai.

Luka 12:5

Nangmi lawng a-u rih ham a awm tite kavan tueng sak ai; Pum he a ngawn coengah hell khuiah thlaak thaina aana aka khueh Pathen te rih uh. Nangmi lawng ahih te ni na rih u ham a awm, kai lawng kavan thui he tangna u lah!

Luka 17:2

He camaw tim kah pakhat mai khaw thawlh sak lak atah caang neetna lungto bohlang a rawn a awi tih tuitunlii khuiah tla kawinih ahih ham theen bet ai.

Rom 9:33

Caciim lawngah, “Bueh lah! Zaion ah lungto pakhat ka khueh, te lungto lawng thlaang thli te a ploeng sak vetih, te lunghiim lawngah ahimi te a tlim sak ai. Tede a-u khaw ahih te a tangna atah yaraula awm tlaih manawh,” tila a thui.

1Korin 8:13

Tedawngah caak awkk lawng maya manau thli te a thawlh sak atah maya manau thli thawlhna dawngah a tlim u nawh ham luciik sa te metuek ah khaw ka ca koep tlaih manawh.

Galati 5:11

Tede maya manau thli, kai lawngah yahhuivuen reet he angoe khaklal tila ka thui hun atah n'tu hamla thekha heemtekna patang he ka khang khiing kai? Tete asoeng tangtang atah Khrih kah thinglam kawng ka thuina lawng he raina m'pe manawh.

1Peter 2:8

Caciim atloe pakhat lawngah, “He lunghiim tah thlaang a ploengna lunghiim la awm ai, he lunghiim lawng ahimi te a tlim sak ai.” tila a thui. Ahimi lawngah awl te a tangna u nawh dawngah ploeng u; he tah ahimi hamla Pathen kah kawngaih roe ni.