Mathai 5:3 - Matu Chin New Testament 2006

³ “Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

Matu Bible

³ Mueihla khodaeng rhoek tah a yoethen uh, vaan ram te amih kah la om.

Mathai 5:3 Iomraidhean Croise

Mathai 11:25

Tevengah Jesuh lawng, “Apa, dilai oen vaan kah Bawipa! Thlaangcuih oen aka thoemthai hue tengah na thuh te aka thoemthai nawh hue tengah na tueng sak dawngah kan uem tangkiik.

Mathai 11:6

Kai kawng dawngah uepvoetna aka khueh nawh tah yotheen kam-awmna aka dawng thlaang la awm!”

Mathai 13:16

“Nangmi tah na yotheen phoeih. Na mik lawng a huh tih na haa lawng a yaak u.

Mathai 19:14

Jesuh lawng, “Camaw hue te kanghalh u boel, ka tengla law u seh! metihtiah Vaan ram tah he ang thlaang thli kah ni,” a tina.

Mathai 24:46

Ahih lawngah bii atheenla a bi lii te a bawi lawng a law vengah a huh atah metihtlukla te tuihyoeihthlaang tah a awmngaih ai?

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 3:2

“Vaan ram ayoeii poen dawngah na thawlhna yut u loeih,” tila a thui.

Mathai 8:11

Nangmi tengah kavan thui u, khawlaw khawtlaak ben kalawng thlaang yahawh law u vetih, Abraham, Isak, Jakob mi oen Vaan ram kah poei buh veelna ah ngawl u haih ai.

Marku 10:14

Tete Jesuh lawng a ming vengah a thinsa tih a hubang hue nala, “Camaw hue te ka tengla law u seh, ahimi te kanghalh u boel, metihtiah Pathen Ram tah he ang thlaang hue kah ni.

Luka 11:28

Tede Jesuh lawngah, “Pathen awl te a yaak tih aka vai tah metihtlukla a awmngaih tare ai!” a tina.

Luka 18:14

Nangmi tengah kavan thui u, mangmu cawikung lawng Pathen haiah doengna te a huh tih im la meel. Farasi thlaang lawng atah doengna te hu nawh. A-u khaw amah oen amah a pawmsang u atah adangla tla vetih a-u khaw amah oen amah te adangla aka awm tah a pawmsang u ai.

Luka 22:29

a Pa lawng ka tengah ukna aana m'peek van angla nangmi khaw kan pe van ai.

Luka 22:30

Nangmi lawngtah ka Ram khuiah kamah kah caboi dawng na caak na awkk u vetih Israel phun paha thlaihih te uk hamla bawi ngawlhcoen dawngah na ngawl u ai.

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Johan 20:29

Jesuh lawng ahih nala te, “Nang lawng nan huh dawngah nan tangna aw? Kai he huh muehla aka oeng thlaang thli tah yotheenna a dawng u!” a tina.

James 1:10

Khrihca kuirang thlaang pakhat te Pathen lawng a dangla a thlaak thuk atah awmngaih seh. Metihtiah kuirang thli tah ramhum kah raipai angla tlumtloei ai.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

Olphong 19:9

Tecoengah vanthlaang lawng ka tengah, “He he thut lah; Tuuca yului poei kah a ceel thlaang hue tah yotheen aka dawng thlaang ni,” n'tina.

Olphong 22:14

Amami kah himbai te aciimla aka suk tah yotheen a dawng u, ahimi tah hingna thingthaih te a caak thai vetih khawpui thawhka khuiah kuun thai u ai.

Olphong 3:17

Nang lawngah, “Kai tah ka bawi ka len tih ka voetna awm nawh; ka ngoe boeih te ka khueh’, na ti. Tede nang tah metihtlukla na khawdeng tih reen kap la na awm te na ming nawh! Nang tah na khawdeng, atliing ayaal la na awm tih na mik pum de lah koen.