Mathai 5:12 - Matu Chin New Testament 2006

¹² “Awmngaih u langtah na kaw hoe sak uh, nangmi ham vaan ah kutdo abohlang awm, he tila ni nangmi na awm thlan vengkah tawngha thli khaw aheem atek u roe poen.

Matu Bible

¹² “Omngaih uh lamtah hlampan uh. Vaan ah nangmih kah thapang muep om. Nangmih hlankah tonghma rhoek khaw a hnaemtaek uh rhoe.

Mathai 5:12 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Mathai 6:16

“Buh na yeh u vengah thlaang-thaipalat hue angla haithelatt la awm u boel. Ahimi lawng buh a yeh u te thlaang lawng ming seh a ti u dawngah haithelatt la awm u. Atak tang kavan thui u, ahimi lawng kutdo te asoepla a dang poen.

Luka 13:34

“Jerusalem, Jerusalem! Nang lawng tawngha thli te na ngawn, Pathen lawng na tengah avan tuih laipai thli te khaw lungto oen na de u! Aainu lawng a ca thli te a phe oen a khuk adah angla na thlaang thli te ka pooem hamla voei yahawh hlang ka ngaih de nang lawng ah na thana.

Luka 6:23

“Te tila n'sai u atah na kaw hoe sak lang awmngaih oen laam u lah, metihtiah vaan ah nangmi ham kutdo alentloe te avan khueh poen. Metihtiah tetih van la te ahimi kah patuer thli lawng tawngha thli te a sai u roe poen.

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Caeltueih 16:25

Yiinthuem tang yunyan atah Pawl oen Silas lawng thangthui hih tih Pathen koehna laa a sak hih, atloe thongtla thli lawng ahih rawi kah laa sak awl te a hutung u.

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

Rom 5:3

Raina n'tawng vengah khaw tha n'thlue sak u, metihtiah raina lawngah uehthaina m'peek tila m'ming u tih,

1Korin 3:8

Amu-ati tuekung oen tuisuepkung tah alakloena awm nawh; A bina taring ah Pathen lawng kutdo rip a peek ai.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Philipi 1:29

Tedawngah amah te oeng doek ham bueng nawh tih ahih hamla patang khang ham khaw Khrih kah bii te nangmi m'peek u poen.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Kolosa 3:24

A thlaang thli ham a khueh pe kutdo te Bawipa lawng nangmi m'peek ai tite hilh u boel. Bii na bi pe Manghai Bawi tangtang tah Khrih ni.

1Thessalonika 2:15

Judah thlaang thli tah Bawipa Jesuh oen tawngha thli te a ngawn u tih mami heemtekkung la khaw awm u. Ahimi lawng metihtlukla kaw a the sak! Thlaang boeih kah raal la awm u.

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.

Hebrew 11:26

Messiah ham khawdeng patang khang he tah Iyipt ram kah kaawn-ava, khawh-rang boeih lak ah aphu awm ngaai tila a poek. Metihtiah ahih lawngah hailam ben kah kutdo te a mikloeh na.

Hebrew 11:33

Oengna oen ah ram tawm te a teek u tih a taa u. Ahimi lawng asoeng thaihu te a sai u tih Pathen kah awlkam te a dang u. Sathueng thli kah a kaa te a khuem rap u tih,

Hebrew 11:6

A-u lawngkhaw oengna oen nawh atah Pathen kaw te tawng thai nawh; metihtiah a-u khaw Pathen tengla aka law lawng Pathen tah awm tih amah aka tlap boeih te kutdo a peek tite a oeng ham awm.

James 1:2

Ka maya manau thli, nangmi tengah raina soeprep a law vengah te yotheenna ni tila poek mai hawn;

James 5:10

Maya manau thli, Bawipa miing oen awl kavan thui, nangmi lawng tawngha thli te hilh u boel, Ahimi lawng kawdaw thinsan oen patang a khang u te nangmi lawng oett u lah.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.