Mathai 5:10 - Matu Chin New Testament 2006

¹⁰ “Pathen kawngaihna a sai dawngah heemtekna aka ming thli tah yotheen kam-awmna aka dawng thlaang la awm; Vaan ram tah ahimi kah ni!

Matu Bible

¹⁰ Duengnah kongah a hnaemtaek rhoek tah a yoethen uh, vaan ram te amih kah ni.

Mathai 5:10 Iomraidhean Croise

Mathai 10:23

Khaaw pakhat ah nangmi te n'heemtek tih ng'ngawn u atah khaw tloe la heeng uh. Atak tang kavan thui u! Thlaanghing Capa a law thlan ah Israel ram boeih ah bii na coeng u manawh.

Mathai 19:14

Jesuh lawng, “Camaw hue te kanghalh u boel, ka tengla law u seh! metihtiah Vaan ram tah he ang thlaang thli kah ni,” a tina.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 5:3

“Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

Marku 10:14

Tete Jesuh lawng a ming vengah a thinsa tih a hubang hue nala, “Camaw hue te ka tengla law u seh, ahimi te kanghalh u boel, metihtiah Pathen Ram tah he ang thlaang hue kah ni.

Marku 10:30

tahe san roeroe ah a yahawh ngaaila a dang ai. Im khaw, maya manau khaw, ngannu khaw, a manu khaw, ca anau oen lo khaw a pueh yakhat la a dang ai, tecoegah heemtekna khaw a dang van ai. tecoengah aka law ham koei san ah dungyan hingna te a dang ai.

Luka 21:12

He kah thaihu boeih he a thoeng thlan ah nangmi te n'tuuk u vetih n'heemtek u ai; nangmi te sinakok ah awlcek ham n'ceh puei u vetih thongim ah n'thlaak ai; kai kawngah sengpahrang thli oen ukkung bawi thli haiah n'khuen ai.

Luka 22:29

a Pa lawng ka tengah ukna aana m'peek van angla nangmi khaw kan pe van ai.

Luka 6:20

Jesuh lawng a hubang thli te a bueh tih, “Nangmi khawdeng thlaang thli tah yotheen kam-awmna na dawng u; Pathen Ram tah nangmi ham ni!

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Caeltueih 5:40

Ahimi lawng celtuih thli te a khuila a khue koep u tih cungpoelh oen a tam u, Jesuh miing oen awl thui tlaih nawh ham awl a peek u tih tecoengah ahimi te a thlah u.

Caeltueih 8:1

Ahih a ngawn u te Sawl lawngkhaw a kaw tlaak puei van. Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Philipi 1:28

Nangmi lawng na raal te rih u boel; na thin cak sak uh, te lawngah te ahimi a sung sak vetih nangmi lawng na taa u te a ming sak ai, metihtiah nangmi taana te pekung tah Pathen ni.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

2Timothy 3:11

heem-atek la ka awmna oen patang ka khangna boeih te na ming poen. Antiok, Ikoniam oen Listra khaaw ah mueirihtamyiin, khawdeng patang heemtekna ka sawah aka thoeng te nang lawngah boeih na ming. Tede Bawipa lawng te ang thli boeih dawng kalawng n'loeih sak.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 5:11

Ahimi lawngah patang a khang u thai dawngah yotheenna aka dang thlaang ni ka ti u. Jobah kah kawdaw thinsanna te na yaak u poen tih aboet ben ah Pathen lawng ahih a peek te khaw na ming u. Metihtiah Bawipa tah reenna oen thlaang kah hailam ben poekna oen ah betoet.

1Johan 3:12

Mami he Kain angla awm ham nawh ni; ahih tah Raaibawi kah thlaang la awm tih a manau kheet Abel te a ngawn. N'tu ah Abel te Kain lawng a ngawn? Metihtiah ahih lawng thaihu te athawlhla a sai, tede a manau lawngtah thaihu te adoengla a sai dawngah ni.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.