Mathai 4:24 - Matu Chin New Testament 2006

²⁴ Ahih kawng awlthang te Siria ram pum ah thaang khok tih aka tlo thli, tlawhnatna oen patang raina soeprep aka khang, raaithe lawng a kuun thil thlaang thli, raaihum tlawhna aka tlo, aka khawn thli boeih te avan law puei u tih Jesuh lawng a hoeih sak boeih.

Matu Bible

²⁴ Te vaengah a olthang te Syria tom la cet tih, tlohtat a soeprhaep neh tloh aka khueh boeih, nganboh aka yook, rhaithae aka kaem rhoek, rhaihum neh aka khawn rhoek te a taengla a khuen uh tih amih te a hoeih sak.

Mathai 4:24 Iomraidhean Croise

Mathai 12:22

Tecoengah thlaang khatsut lawng raaithe a khueh dawngah a mik pum tih awl aka mueh thlaang pakhat te Jesuh tengla avan law puei u. Jesuh lawng te thlaang te a hoeih sak dawngah awl khaw a thui thai tih a mik khaw tueng koep.

Mathai 14:1

Teveng tue ah Galili peng ukkung Herod lawng Jesuh kawng te a yaak.

Mathai 15:22

Te peng kah aka awm Kanaan nu pakhat a tengla law tih, “Devid Capa!” Kai he n'reen lah, ka canu tah raaithe lawng a tuuk tih nauh tangkiik,” tila angaihhlangla paang.

Mathai 17:15

“Bawipa, ka capa he van reen lah! Ahih tah raaihum tlawhna a khueh tih patang a khang tangkiik. Hai dawngah khaw, tui dawngah khaw tlim taitu.

Mathai 17:18

Jesuh lawng raaithe te awl a peek tih camaw kaw khui kalawng raaithe te co, kawlkalh ah ahih tah hoeih pahoei.

Mathai 4:23

Jesuh tah Galili peng tawm ah cet tih Sinakok bok-im ah a cang puei, Vaan ram kawng Awlthang Theen a thui, thlaangtlo oen natna soeprep aka tlo thli te a hoeih sak.

Mathai 8:28

Jesuh tah tuilii khatben rall kah Gadara ram la a law vengah thlaang a upna lungkaw khui kalawng raaithe oen aka be thlaang pahih Jesuh tengla va law. Te rawi tah a kaw khuiah raaithe awm tih a tluung thakbat dawngah te kah lawngpui benla a-u lawngkhaw ceh ham a rih.

Mathai 8:33

Awkdoen hue lawng aloela heeng u tih khawpui khuila kuun u, raaithe aka be thlaang pahih kawng oen a huh thli boeih te a thui u.

Mathai 8:6

“Bawipa, ka tuihyoeihthlaang tah tlo tih im ah ral sut, a tlawh nauh tangkiik tih tat khaw tat thai nawh” a tina.

Mathai 9:26

He awlthang he a teng avaai kah ram pum boeih ah thaang khok.

Mathai 9:35

Jesuh lawng khawpui oen vangca boeih la cet tih a hiil. Sinakok bok-im ah a cang puei. Vaan ram kawng Awlthang Theen a phawng, tlawhnatna soeprep oen ah aka tlo thlaang boeih te a hoeih sak.

Marku 1:28

Tedawngah Jesuh kawng awlthang te kawlkalh maiah Galili peng khaaw tawm ah thaang khonghak.

Marku 1:32

Khaw a tlaak coeng thlem khup atah thlaangping lawngah thlaangtlo boeih oen raaithe aka khueh thli te Jesuh tengla avan law puei u.

Marku 2:3

Tevengah thlaang palii lawng aka khawn thlaang pakhat te Jesuh tengla avan kawh u.

Marku 2:4

Tede thlaang yahawh aih tih Jesuh tengla te pha puei u thai nawh. Tedawngah Jesuh a awmna tuueng kah imphu te a phe u, thlaangtlo te a himbai dawngah a ralh sak tih a thlaak thuk u.

Marku 2:9

He kah aka khawn thlaang he, ‘Na thawlhna khawdawp ngaai la awm poen,’ tina aw aka yoei bet, tihnawhtah ‘Tho loeih, na himbai te lo langtah cet loeih,’ tina aw aka yoei bet?

Luka 2:2

He kah lamhacuek thlaangmi soepna a sai vengah Kuirinias tah Siria ram ukkung bawi la awm.

Luka 4:14

Tecoengah Jesuh tah Galili la meel tih Ciim Muithla kah huham tharana tah ahih sawah awm. Ahih kawng awlthang te te kah pengpang boeih ah thaang khonghak.

Luka 4:38

Jesuh tah sinakok kalawng suntla tih Simon im la te cet. Simon kah a mase hutaa te tlo malcal tih ahih kawng te Jesuh tengah a thui pe u.

Luka 5:15

Tede Jesuh kawng te tah thaang tare tih rangpui thlaangping lawng ahih kah awl thui te yaak hamla law u tih ahimi kah tlawhnatna te a hoeih pe sak.

Luka 5:24

Tedawngah Thlaanghing Capa lawng dilai dawng thawlh khawdawp ngaai thaina aana a khueh tite nangmi kan ming sak u ai.” a tina. Tedawngah aka khawn thlaang te, “Tho loeih, namah kah himbaiphaih he lo langtah namah im la cet loeih, kan tina he!” a tina.

Luka 7:17

He awlthang Jesuh kawng he Judah ram pum oen a teng-avai ram boeih ah thang khonghak.

Johan 10:21

Tede atloe hue lawngtah, “Raaithe aka khueh thlaang lawngah he tila awl thui manawh! Metila raaithe lawng mikpum thlaang te mik a tueng sak ai?” ti u.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 15:23

Ahih rawi kut ah te a dangkah angla ca a pat pe u: “Nangmi kah maya manau la aka awm kaimi celtuih thli oen ahaamca thli lawng Antiok, Siria oen Cilicia ah aka awm Gental phun maya manau thli te kan toei u.

Caeltueih 15:41

Ahih tah Siria oen Cilicia ben kalawng poe cet tih khrihcabu thli te tha a thlue sak.

Caeltueih 28:9

He tila a awm te a yaak u veng atah tuisanglak kah thlaangtlo te law u tih boeih hoeih u.

Caeltueih 8:7

Raaithe lawng a kuun thlaang thli kah a kaw khui kalawng raaithe thli te vupaang ruila co u tih, aka khawn thlaang thli oen khowkheem thlaang thli broela hoeih u.