Mathai 4:23 - Matu Chin New Testament 2006

²³ Jesuh tah Galili peng tawm ah cet tih Sinakok bok-im ah a cang puei, Vaan ram kawng Awlthang Theen a thui, thlaangtlo oen natna soeprep aka tlo thli te a hoeih sak.

Matu Bible

²³ Jesuh loh Galilee kho tom ah cet tih, amih kah tunim ah a thuituen, ram kah olthangthen khaw a hoe, tlohtat boeih neh pilnam khuikah tlohnat boeih te a hoeih sak.

Mathai 4:23 Iomraidhean Croise

Mathai 11:5

Mikpum lawng a mik tueng poen, Khawkheem lawng cet thai poen, haibe aka na lawng hoeih poen, haapang lawng awl a yaak, thlaangduek thli lawng tho tih khawdeng harah thli tengah Awlthang Theen phawng la awm poen.

Mathai 12:9

Jesuh tah te huen kalawng cet tih sinakok bok-im la kuun.

Mathai 13:19

A-u khaw Vaan ram kawng awlthang a yaak de aka yaakming nawh te tah lawngpui ah aka tla caangti oen lo u. Ahimi thinkaw ah a heh u caangti te Seitan lawng law tih a rot pe.

Mathai 13:54

Amah awmna Nazaret la meel koep. Sinakok ah a cang puei tih ahih kah awl aka ya thlaang boeih a kawpoek rai u. “He ang cuihna he me kah a huh kai? He ang kawpoekraina he metila a sai thai kai?” tila te doet u patoeng.

Mathai 14:14

Jesuh te lowng dawng kalawng lan la rum tih thlaangping te a huh vengah ahimi te caalla a reen tih thlaangtlo boeih te a hoeih sak.

Mathai 24:14

Tecoengah thlaangphun boeih kah sausi la a awmna ham Vaan Ram kawng Awlthang Theen he dilai pum kah thlaangphun boeih tengah a phawng u vetih tecoengah aboetna te a pha ti.

Mathai 3:2

“Vaan ram ayoeii poen dawngah na thawlhna yut u loeih,” tila a thui.

Mathai 9:35

Jesuh lawng khawpui oen vangca boeih la cet tih a hiil. Sinakok bok-im ah a cang puei. Vaan ram kawng Awlthang Theen a phawng, tlawhnatna soeprep oen ah aka tlo thlaang boeih te a hoeih sak.

Marku 1:14

Johan te thong a tlaak coengah Jesuh tah Galili ram la cet tih Pathen tengkah Awlthang Theen te a phawng.

Marku 1:21

Jesuh oen a hubang hue Kapernaum khawpui la law u tih Sabbath hin ah Jesuh te Sinakok la cet tih cang puei ham a tong.

Marku 1:39

Tedawngah Jesuh tah Galili peng tawm ah cet, sinakok bok-im boeih ah te phung a thui tih raaithe thli khaw a hek.

Marku 3:10

Thlaangtlo yahawh hlang te a hoeih sak dawngah thlaangtlo boeih lawng Jesuh te tek hamla tulh u the.

Marku 6:2

Sabbath khawhin ah sinakok bok-im ah te cang puei ham a tong. Te ah te thlaang yahawh hlang awm tih ahih kah awlthui aka ya boeih tah a kawpoek rai u tangkiik. “He ang thli boeih he ame kah a dang kai? Ahih lawng a dang cuihna he me ang cuihna kai? metila kawpoek-raina he a sai kai?

Marku 6:6

Thlaangping lawngah Oengna a khueh u nawh dawngah Jesuh tah a kawpoek rai sut. Tecoeng atah Jesuh lawng te kah vangca vangnau te a hiil tih thlaang thli te a cang puei.

Luka 10:9

te khawpui khuikah thlaangtlo thli te hoeih sak uh, te kah aka awm thlaang thli nala te, ‘Pathen Ram tah nangmi tengah avan pha poen’ tila thui pe uh.

Luka 13:10

Sabbath khawhin hin at vengah Jesuh lawng sinakok bok-im ah a cang puei.

Luka 16:16

Mosi kah Phungawl oen tawngha thli kah cathut te tah Baptisma pekung Johan dung toe ah ni a cak; tecoeng kalawng tah Pathen Ram kawng Awlthang Theen te a phawng u tih thlaang boeih lawng toklekla kuun u.

Luka 20:1

Hin at ah Jesuh lawng Tempal bok-im khuiah thlaang thli te a cang puei tih Awlthang Theen te a phawng, khawsoeih ahaamca thli oen Phungawl cangpueikung thli, bokna ben kah ahaamca thli thik at la haih law u tih,

Luka 4:14

Tecoengah Jesuh tah Galili la meel tih Ciim Muithla kah huham tharana tah ahih sawah awm. Ahih kawng awlthang te te kah pengpang boeih ah thaang khonghak.

Luka 5:17

Hin at ah Jesuh lawng a cang puei u lii vengah te Galili oen Judah ram kah khawpui boeih oen Jerusalem kalawng aka law Farasi thlaang khatsut oen phungawl cangpueikung thli te ngawl u. Thlaangtlo hoeih sakna hamla Bawipa kah huham tharana tah Jesuh tengah awm.

Luka 6:17

Jesuh tah celtuih thli oen tlaang kalawng rum thuk u tih dilai avan at na ah a hubang thlaang broe oen ah te pai u. Te kah thlaangping yahawh hlang te tah Judia peng pum oen Jerusalem kalawng ah, tuivakeeng kah khawpui Taiar oen Sidon kah aka law thlaang thli ni;

Luka 6:6

Atloe Sabbath khawhin ah Jesuh tah Sinakok bok-im la te cet tih a cang puei. Te ah te a bantang kut aka kheem thlaang pakhat awm.

Luka 7:21

Tevengah te Jesuh lawng thlaang-thli kah a tlawhna, natna oen raaithe lawng a kuun thil thlaang thli te a hoeih sak tih mikpum thlaang broe te khaw mik a tueng sak koep.

Luka 7:22

Jesuh lawng Johan kah thlaangtuih laipai rawi nala te, “Cet koep hih langtah na huh boeih oen na yaak boeih he Johan tengah thui pe hih: mikpum thli a mik tueng poen, khowkheem khowbai thli cet thai poen, lungkiit haibe natna aka tlo thli anatna ciing boeih poen, haapang lailot thli lawng awl a yaak poen, thlaangduek tho koep poen, Awlthang Theen he khawdeng lungma thlaang thli tengah a thui u poen.

Luka 8:1

Tecoeng adiw raih atah Jesuh lawng vangpui oen vangca boeih te a hiil tih Pathen Ram kawng Awlthang Theen te a phawng. A hubang hue paha thlaihih khaw ahih oen cet haih u tih,

Luka 9:11

Te kawng te rangpui lawng a yaak vengah a hu ah bung a vai u. Jesuh lawng ahimi te a uem tangkiik tih Pathen Ram kawng te a thui pe, sadingna aka ngoe thlaang thli te sa a ding sak.

Luka 9:60

Jesuh lawng, “Thlaangduek lawng amami thlaangduek te vui u noen seh. Nang tah cet langtah Pathen Ram kawng te thui lah.” a tina.

Johan 18:20

Jesuh lawng, “Kai lawng thlaang tawm tengah langyala ka thui poepa poen; cangpueina boeih te thlaang boeih a tunna sinakok bok-im oen Tempal bok-im ah ni ka sai, kai lawng ahuepla khat khaw ka sai nawh.

Johan 6:59

Jesuh lawng he awl he Kapernaum khaw Sinakok bok-im ah a cang puei.

Johan 7:1

He coengah Jesuh tah Galili peng la te kamyin la cet; Judia peng khuiah aka awm aana khuehkung Judah thlaang thli lawng ahih te ngawn ham a ngaih u dawngah tela te yin ceh ham ngaih nawh.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 18:4

Ahih lawngah Sabbath khawhin roekk ah sinakok bok-im ah te awl a thui poepa, Judah thlaang oen Krik thlaang thli lawng a yaakming tih a tangna thai hamla te a yawm.

Caeltueih 20:25

Kai lawngah nangmi boeih te khok kan hiil tih Pathen ram kawng te kavan thui u. Tede tahe kalawng tah a-u khat lawngkhaw kai he koep nan hu u tlaih manawh tite ka ming.

Caeltueih 28:31

Ahih lawng thincakna oen yalpawla Pathen Ram kawng te a thui tih Bawipa Jesuh Khrih kawng te a cang puei.

Rom 10:15

A thuikung laipai te tuih la a awm nawh atah metila awlthang te a phawng ai? Caciim lawng, “Awlthang Theen van khuenkung laipai thli kah a khow tah theen tangkiik hlang mah aw!” tila a thui angla awm tangtang.