Mathai 3:6 - Matu Chin New Testament 2006

⁶ Ahimi lawng a thawlhna boeih te a phawng u tih, Jordan tuiva ah ahimi te Johan lawng Baptisma a peek.

Matu Bible

⁶ Amih kah tholhnah te a phong uh dongah Johan loh Jordan tuiva ah a nuem uh.

Mathai 3:6 Iomraidhean Croise

Mathai 3:11

Thawlhna na yut poen tite tuengna ham kai lawngtah tui oen Baptisma kan peek u. Tede kai hu ah aka law thlaang lawngtah Ciim Muithla oen hai oen ah Baptisma m'peek u ai. Ahih tah kai lak ah lenduet tih kai tah ahih kah khawmuek pawm ham pateng ka koeih nawh.

Marku 1:5

Judia peng oen Jerusalem kah thlaang thli lawng Johan kah phungthui te hutung hamla cet u. A thawlhna a phawng u tih Jordan tuiva ah ahimi te Johan lawng baptisma a peek u.

Luka 1:16

Ahih lawng Israel thlaangphun yahawh hlang te amami kah Bawipa Pathen tengla a mel puei koep ai.

Luka 3:16

Tedawngah Johan lawng ahimi nala te, “Kai lawngtah tui oen ah baptisma kan peek u, tede thlaang pakhat kai lak ah aka lenduet te law ai. Kai tah ahih kah khawmuek rui Pateng thlam pe hamla ka mueinai nawh. Ahih lawngtah nangmi te Ciim Muithla oen hai oen ah baptisma m'peek ai.

Caeltueih 1:5

Johan lawngtah tui oen baptisma te a peek, tede khawhin meyoeh khaw a awm aih thlan ah Ciim Muithla oen baptisma te na dang u poen ai.” tila a thui pe.

Caeltueih 11:16

Tevengah Bawipa lawng, ‘Johan lawngtah tui oen ah baptisma te m'peek u, tede nangmi tah Ciim Muithla oen baptisma m'peek ai.’ tila a thui te lot ka poek.

Caeltueih 19:18

Oengca thli khuikah thlaang broe lawngah law tih ahimi lawng a sai thli te rangpui haiah a phawng u.

Caeltueih 22:16

Tahe ah n'tu na ring khiing? Tho langtah baptisma te dang loeih, amah tengah thangthuina rang oen na thawlhna boeih te sil loeih’ tila avan thui.

1Korin 10:2

Ahimi lawngah Mosi kah hubang la muui oen ah tuitunlii khuiah baptisma a dang u.

Kolosa 2:12

Metihtiah nangmi lawng Baptisma na dang u vengah te Khrih oen haih up la na awm u poen tih duekna kalawng Khrih thawhsakkung Pathen kah huham tharana te nangmi lawng na oengna rang oen ah Khrih oen na tho haih u van poen.

Hebrew 6:2

baptisma kawng cangna oen kuttloengna kawng, thlaang-duek thawhkoepna kawng oen dungyan awlcekna kawng thli te akung kalawng tong koep tlaih boel sih.

Hebrew 9:10

Te ang thli te caak awkk oen ciimcaihna poei bueng oen ni a sai mai. He ang thli tah asaw ahan kah phung-alam boeih ni, Pathen lawng phung-alam athaai a sai thlantoe ah a hawna mai ni.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

1Johan 1:9

Tede mami lawng thawlhna boeih te Pathen tengah m'phawng u atah ahih tah a awlkam cak tih thaihu doeng a sai dawngah mami thawlhna boeih te khawdawp a ngaai vetih mami kah sai thawlh boeih te avan ciim sak ai.