Mathai 3:2 - Matu Chin New Testament 2006

² “Vaan ram ayoeii poen dawngah na thawlhna yut u loeih,” tila a thui.

Matu Bible

² Vaan ram a yoei coeng dongah yut uh laeh," tila a thui tih Judea khosoek ah a hoe.

Mathai 3:2 Iomraidhean Croise

Mathai 10:7

Cet u lang, “Vaan ram tah yoeiica poen” tila phawng uh.

Mathai 11:20

Jesuh lawng kawpoekraina yahawh hlang a saina khawpui thli kah thlaang hue lawng thawlhna a yut u nawh dawngah te khawpui thli te a toel atham.

Mathai 12:41

Nineveh khawpui kah thlaang thli lawng Jonah kah phungthui awl a yaak u dawngah a thawlhna yut u, Awlcekna Hin ah ahimi lawng pai vetih nangmi te thawlh n'peel u ai. Atak tang kavan thui u, Jonah lak ah aka lenduet he ah awm.

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 13:24

Jesuh lawng ahimi tengah atloe thuidoetna pakhat a thui pe: “Vaan ram tah amah lo ah caangti theen aka heh thlaang pakhat oen lo u.

Mathai 13:31

Jesuh lawng atloe thuidoetna pakhat ahimi tengah a thui pe: “Vaan ram tah he tila awm. Thlaang pakhat lawng antammu a lawh tih a lo khuiah a heh.

Mathai 13:33

Jesuh lawng ahimi tengah atloe thuidoetna pakhat a thui pe baal: “Vaan ram tah he tila awm. Hutaa pakhat lawng tawlru a lawh tih taa-eek hawl at dawng a phull atah a raawi sak boeih oen lo u” tila Jesuh lawng a tina.

Mathai 13:47

“Tecoengah Vaan ram tah he oen lo u. Tui aka hawi khatsut hue lawng tuilii khuiah lok te a heeng u tih nga phun soeprep te a tuuk u.

Mathai 13:52

Tedawngah Jesuh lawng, “Phung-awl cangpueikung timkah thlaang pakhat, Vaan ram ah hubang pakhat la aka awm tah kaawn a khuehna im khui-kah thaihu aruem oen athaai aka sat oen lo u,” a tina.

Mathai 18:23

Metihtiah vaan ram tah he tila awm. Voei khat ah sengpahrang lawng a tuihyoeihthlaang kah biibina te soepsa ham a ngaih.

Mathai 20:1

Jesuh lawng, “Vaan ram tah he tila awm. Dumkhuehkung pakhat lawng misur dum ah bii bi sak ham thlaang aka tlap hamla mincanghi ah cet.

Mathai 22:2

“Vaan ram tah he tila awm. Voeikhat ah Sengpahrang pakhat lawng a capa kah yului poei sai ham kamthlah.

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Mathai 25:1

“Vaan ram tah yulokung cadawng do hamla haiim a khuen tih aka cet hulaa paha oen lo u.

Mathai 25:14

Jesuh lawng “Vaan ram tah he tila awm. Thlaang pakhat lawng athlahlang la yin ceh ham kamthlah tih a ceh thlan vengah a tuihyoeihthlaang thli te a khue tih a thaihu boeih te a kuem sak u.

Mathai 4:17

Teveng tue kalawng ah Jesuh lawng, “Vaan ram tah ayoeica poen dawngah, na thawlhna yut u loeih,” tila phungthuina a tong cuek.

Mathai 4:23

Jesuh tah Galili peng tawm ah cet tih Sinakok bok-im ah a cang puei, Vaan ram kawng Awlthang Theen a thui, thlaangtlo oen natna soeprep aka tlo thli te a hoeih sak.

Mathai 5:10

“Pathen kawngaihna a sai dawngah heemtekna aka ming thli tah yotheen kam-awmna aka dawng thlaang la awm; Vaan ram tah ahimi kah ni!

Mathai 5:3

“Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

Mathai 6:10

Na ram va pai hawn seh! Vaan ah na kawngaih a sai u angla dilai dawngah na kawngaih sai u van hawn seh,

Mathai 6:33

Tedawngah thaihu tloe boeih lak ah Pathen Ram oen Pathen lawng sai sak ham a ngaih te lamhacuekla tlap u lang tecoengah na ngoe thaihu tloe boeih te Pathen lawng avan tawm badai.

Marku 1:15

“Atue atang tah avan pha khuek poen! Pathen ukna tah yoeii poen! Na thawlhna yut u langtah Awlthang Theen he tangna uh!” tila a thui.

Marku 1:4

Tedawngah Johan tah ramhum huhang ah va law, baptisma a peek tih phung a thui. Thlaangping thli te, “Na thawlhna yut u langtah baptisma dang uh. Te dengah ni Pathen lawng na thawlhna sawah khawdawp avan ngai u ai.” a tina.

Marku 6:12

Tedawngah ahimi lawng cet u tih thlaang boeih lawng a thawlhna kalawng a meel koepna ham phung a thui pe u.

Luka 1:16

Ahih lawng Israel thlaangphun yahawh hlang te amami kah Bawipa Pathen tengla a mel puei koep ai.

Luka 11:20

Tetih nawh ni, kai lawngah Pathen kah huham tharana oen raaithe ka hek tih, te lawngah te Pathen Ram nangmi teng avan pha poen tite a tueng sak.

Luka 13:3

Thawlh koek aih nawh! Atak tang kavan thui u, nangmi khaw na thawlhna te na yut u nawh atah nangmi boeih khaw ahimi angla na duek u van ai.

Luka 13:5

The koek aih nawh! Atak tang kavan thui u, nangmi khaw na thawlhna te na yut u nawh atah nangmi boeih khaw ahimi angla na duek u van ai.” a tina.

Luka 15:10

Atak tang kavan thui u, tetih van angla thlaangthawlh pakhat lawng a thawlhna a yut dawngah Pathen kah vanthlaang thli tah awmngaih u.” a tina.

Luka 15:7

Atak tang kavan thui u, tetih van angla thawlhna yut ham aka ngaih nawh thlaangdoeng sawmkua pakua lak ah thlaangthawlh pakhat lawng thawlhna a yut dawngah vaan ah awmngaihna yahawh ngaai awm ai.” a tina.

Luka 16:30

Kuirang thlaang lawngah, ‘A pa Abraham, tete khoek nawh! Thlaang pakhat khat he duekna kalawng tho tih cet kawinih ahimi lawngah a thawlhna te yut ai,’ a tina.

Luka 21:31

Tetih van angla he kah thaihu thli a thoeng te nangmi lawng na huh u vengah Pathen Ram tah law poen ai tila ming uh.

Luka 24:47

amah miing oen thawlh yutna kawng thawlh khawdawp ngaaina kawng awlthang te Jerusalem kalawng a tong vetih thlaangphun boeih tengah a phawng ai.

Luka 6:20

Jesuh lawng a hubang thli te a bueh tih, “Nangmi khawdeng thlaang thli tah yotheen kam-awmna na dawng u; Pathen Ram tah nangmi ham ni!

Luka 9:2

Tecoengah Pathen ram kawng thui ham oen ah thlaangtlo hoeih sak hamla ahimi te a tuih.

Caeltueih 11:18

He awl he ahimi lawng a yaak u vengah cawttbauh awl te a toeng u, Pathen te a thangpawm u tih, “Pathen lawng, Gental thlaangphun thli khaw thawlh yut u tih hing van hamla atue theen a peek van poen!” ti u.

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Caeltueih 2:38

Piter lawng ahimi nala te, “Nangmi boeih lawngah na thawlhna yut u langtah na thawlhna boeih khawdawp ngaaina hamla Jesuh Khrih miing oen ah baptisma hu u lah; te atah Pathen kah kutdo Ciim Muithla te na dang u ai.

Caeltueih 20:21

Pathen haiah na thawlhna yut tih mami kah Bawipa Jesuh te na tangna u ham Judah thlaang oen Gental thlaang khaw avan at la ngaithuenna rep kan peek u poen.

Caeltueih 26:20

Lamhacuek la Damaskas oen Jerusalem ah, tecoengah Judia ram pum oen Gental thlaang boeih tengah ahimi lawng thawlhna te yut u tih Pathen benla a mang u hamla, ahimi lawng a thawlh yutna te tueng sakna thaihu sai hamla ka phawng pe.

Caeltueih 3:19

Tedawngah nangmi kah thawlhna te khawdawp a ngaaina ham thawlhna yut u langtah Pathen tengla meel u lah.

2Korin 7:10

Pathen lawng ahawna kawthena lawngtah thlawnna ah aka ceh puei thinkaw thawna a thoeng sak tih te ang kawthena dawngah yutlawina ngoe nawh! Tede thlaanghing kah kawthena mai atah duekna te a thoeng sak.

Kolosa 1:13

Amah lawng mami he yiinna thara huham khui kalawng n'thlawn tih a lungna a Capa ram khuiah ngaimawngla te n'kuun poen;

2Timothy 2:25

amah aka ngaih nawh thlaang thli te lunghoeih lungpaih la toelthaam ham awm. Tetih atah ahimi te Pathen lawngah thawlh yutna atue theen a peek vetih awltak te a ming u ai.

Hebrew 6:1

Tedawngah haila cawh u sih, lamhacuek kah khrihca kawng cangna te ceh taak u poen silang tah aka soep cangna ben la te cawh u sih. Aphu aka awm nawh bii ceh taak tangte te khaw, Pathen oengna te khaw, akung kalawng tong koep tlaih boel sih;

2Peter 3:9

Thlaang khatsut lawng a poek angla Bawipa he amah awlkamna soep sak ham a tat a hiing aih moenih, Nangmi te amah lawng n'reen u dawngah ni. Metihtiah ahih lawngtah khatca khaw phe ham ngaih nawh tih thlaang boeih lawng a thawlhna yut u seh ti he a ngaih.

Olphong 2:21

A thawlhna yut ham atue ka peek, tede ahih lawngah hutaa tawngpa thawlhna kalawng thawlh yut ham ngaih nawh.

Olphong 2:5

Metihtlukla adangla na tlaak thuk te poek lah! Na thawlhna te yut u lang acuekca kah na sai angla te sai lah. Nangmi lawng na thawlhna te na yut u nawh atah Nangmi tengla ka law vetih nangmi kah haivangna te huen tloe la kavan pawng poen ai.