Mathai 3:11 - Matu Chin New Testament 2006

¹¹ Thawlhna na yut poen tite tuengna ham kai lawngtah tui oen Baptisma kan peek u. Tede kai hu ah aka law thlaang lawngtah Ciim Muithla oen hai oen ah Baptisma m'peek u ai. Ahih tah kai lak ah lenduet tih kai tah ahih kah khawmuek pawm ham pateng ka koeih nawh.

Matu Bible

¹¹ Yutnah ham ni kai loh nangmih tui dongah kan nuem. Tedae Kai hnuk ah aka pawk te tah kai lakah tlung. A khokhom dul ham pataeng ka koih pawh. Anih loh nangmih te Mueihla Cim neh hmai neh n'nuem ni.

Mathai 3:11 Iomraidhean Croise

Mathai 3:6

Ahimi lawng a thawlhna boeih te a phawng u tih, Jordan tuiva ah ahimi te Johan lawng Baptisma a peek.

Marku 1:4

Tedawngah Johan tah ramhum huhang ah va law, baptisma a peek tih phung a thui. Thlaangping thli te, “Na thawlhna yut u langtah baptisma dang uh. Te dengah ni Pathen lawng na thawlhna sawah khawdawp avan ngai u ai.” a tina.

Luka 1:17

Ahih tah Bawipa kah puencawn la awm vetih tawngha Elijah angla a tha awm vetih a tha ra ai. Ahih lawng ana pa oen ca-anau thli te koep a roep u sak ai; Ahih lawngah awl aka ngaai nawh thlaang thli te thlaangdoeng thli kah poekna lawngpui la te a mawt koep ai; Ahih lawngtah Bawipa kah thlaang thli te Bawipa amah ham oepsoeh la arueng aphong sak ai,” tila a thui pe.

Luka 3:16

Tedawngah Johan lawng ahimi nala te, “Kai lawngtah tui oen ah baptisma kan peek u, tede thlaang pakhat kai lak ah aka lenduet te law ai. Kai tah ahih kah khawmuek rui Pateng thlam pe hamla ka mueinai nawh. Ahih lawngtah nangmi te Ciim Muithla oen hai oen ah baptisma m'peek ai.

Luka 3:3

Tedawngah Johan tah Jordan tuiva tengvaai kah ram tawm boeih ah cet tih, “Na thawlhna yut u langtah baptisma dang u lah, te ah ni na thawlhna te Pathen lawng khawdawp avan ngaai ai,” tila a thui.

Johan 1:15

Johan lawngah ahih kawng te a thui vengah, “Ahih tah kai coengah aka law ni, tede ahih tah kai lak ah aka lenduet ni, metihtiah kai ka awm thlan ah ahih tah awm poen tila akawng ka thui te tah ahih he poen ni” tila paang tih a thui.

Johan 1:30

Kai coengah thlaang pakhat va law, tede ahih tah kai lak ah bawilen ngaai, metihtiah kai he n'cuun thlan ah ahih tah awm poen.’ tila akawng ka thui te tah a hih poen ni.

Caeltueih 1:5

Johan lawngtah tui oen baptisma te a peek, tede khawhin meyoeh khaw a awm aih thlan ah Ciim Muithla oen baptisma te na dang u poen ai.” tila a thui pe.

Caeltueih 19:4

Pawl lawngah, “Johan kah baptisma tah thawlhna aka yut thlaang thli ham ni, ahih lawng Israel thlaang thli tengah, ‘Ka hu ah aka law te na tangna u ham awm’ tila a thui te tah, Jesuh te ni.” a tina.

Caeltueih 8:36

Ahih rawi tah poe cet thuk hih, tui a awmna te a pha hih veng atah te kah bawi lawng, “He ah tui awm he. Baptisma dang ham n'tu lawng kai he n'kang khak ai?” tila a thui.

Caeltueih 8:38

Te kah bawi lawngah maranglengg te a pai sak, Filip oen te kah bawi te tui dawngla bok cet thuk hih tih Filip lawng ahih te baptisma a peek.

1Korin 12:13

Tetih van angla mami boeih he tah Judah oen Gental thlaang khaw, sal oen thlaangcuem khaw, Muithla pakhat lawng pum pakhat dawngah baptisma m'peek tih awkk koeila Muithla pakhat te ni mami m'peek u.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Titus 3:5

mami he ahih lawng n'thlawn poen. Te tah mami kah thaihu theen saina dawngah nawh tih a lungna oen ni mami he ahih lawng n'thlawn. Ciim Muithla rang oen athaaila cuunna oen athaaila hingna pekung lawng n'silh dawngah ni.

1Peter 5:5

Te tih van la te nangmi roengthaai kumno hue lawng ahaamca thli kah awl te na ngaai u ham awm. Nangmi boeih lawngah boe-ngaaina himbai te bai u langtah pakhat oen khat bawmcem u lah; metihtiah caciim lawngah, “Pathen lawng aka oekthloen u te tah amah khak tih boe-ngaai thlaang teng atah mik-hai a thlampaan sak,” tila a thui.