Mathai 28:9 - Matu Chin New Testament 2006

⁹ Tevengah Jesuh te ahih rawi tengah law parak tih “Nanghih sawah ngaimawngna awm hawn seh.” a tina. Ahih rawi lawng a tengla cet, a khow ah a phoeih tih a bok.

Matu Bible

⁹ Te vaengah Jesuh loh amih te pakcak a doe tih, “Omngaih uh lah,” a ti nah. Amih long khaw a paan uh tih a kho te a kop uh tih a bawk uh.

Mathai 28:9 Iomraidhean Croise

Mathai 14:33

Tecoengah lowng khuiah a hubang hue lawng Jesuh te a bok u. Ahimi lawng, “Nang tah Pathen Capa tang tang ni!” a tina u.

Mathai 23:7

Thlaang yahawh a awmna dawr ah thlaang kah hinyahna oen koehna te a ngaih u tih ‘Saya’ tila khue ham a ngaih u.

Mathai 28:10

Jesuh lawng ahih rawi nala te “Rih boel, cet langtah ka maya manau thli te Galili la ceh ham thui pe hih, te ah te ahimi lawng kai he n'huh u ai” a tina.

Mathai 28:17

Ahimi lawng Jesuh te a huh u vengah a bok u, tede ahimi timkah khatsut lawngtah tangna u nawh.

Mathai 28:8

Hutaa rawi lawng a rih hih de awmngaihna oen phuel kalawng ah aloela cet tih a hubang hue tengah thui pe ham heeng.

Luka 1:28

Vanthlaang lawng a tengla law tih, “Na tengah ngaimawngna awm seh! Bawipa tah na tengah awm tih yotheen kam-awmna yahawh hlang la m'peek!” a tina.

Luka 24:52

Ahimi lawng ahih te a bok u tih awmngaih tangkiik la Jerusalem la te koep meel u,

Luka 7:38

Jesuh kah a hu ben a khowkung ah te pai, rap tih a mikphitui te Jesuh khow dawngah a cip sak. Tecoengah a khow te a sam oen a thuut pe, a mok tih riimtuui oen a khow te a suep pe.

Johan 12:3

Tevengah Meri lawng naadu riimtuui phutlo boengloeng khui at te avan khuen, Jesuh khow te a suep tih a sam oen a thuut pe. Te kah riimtuui baw lawngah im khui te a hu thulh.

Johan 20:19

Thawh koep hin thlemben atah a hubang hue te thik at la tun u. Ahimi lawng aana khuehkung Judah thlaang thli te a rih u tih thawh a khaih tih khak a kalh u. Tevengah Jesuh te law tih ahimi tim ah te a pai pe. “Nangmi sawah ngaimawngna awm seh.” a tina.

Johan 20:28

Tawmas lawng, “Ka Bawipa oen ka Pathen” a tina.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.