Mathai 28:6 - Matu Chin New Testament 2006

⁶ Ahih tah he ah awm tlaih nawh; a thui angla tho poen. Law langtah a ralhna huen te bueh lah.

Matu Bible

⁶ He rhoek ah a om moenih, a thui bangla thoo coeng. Halo lamtah a yalh nah hmuen te so rhoi lah,” a ti nah.

Mathai 28:6 Iomraidhean Croise

Mathai 12:40

Jonah tah nga bung khuiah yiin daai hin thum a awm angla Thlaanghing Capa khaw yiin daai hin thum dilai khuiah awm van ai.

Mathai 16:21

Teveng tue kalawng ah Jesuh lawng a hubang hue tengah, “Jerusalem la ka cet vetih Judah ahaamca thli oen khawsoeih ahaamca thli oen ah phungawl cangpueikung thli lawng patang n'khang sak ai, kai he ng'ngawn u ai, tede athum hin ah thawh sak koep la ka awm vetih ka hing ai,” tila acairaula a thui pe.

Mathai 17:23

Ahih te a ngawn u ai, tede athum hin ah tho koep ai,” tila a thui. A hubang hue tah a kaw the u tangkiik.

Mathai 17:9

Tlaangsawm kalawng a rum thuk u vengah, ahimi te, “He kah na huh u huhthlaam he Thlaanghing Capa duekna kalawng a thawh thlantoe thui u boel,” tila awl a uen.

Mathai 20:19

thlaangphun tloe kut dawngah a peek u ai. Thlaangphun tloe hue lawng ahih te nuihbu kamring la a khueh u ai, athe akhana u ai, a bawh u coengah a ngawn u ai. Tede athum hin ah tho koep ai,” a tina.

Mathai 27:63

“Bawipa hoem thui thlaang ahih lawng te a hing vengah, ‘Kai tah duekna kalawng ka tho koep ai’ tila a thui te ka ming u.

Marku 16:6

Ahih lawngah, “Let u boel, nangmi lawngah thinglam dawng a ngawn u Nazaret khaw kah Jesuh na tlap u te ka ming. Ahih tah he ah awm tlaih nawh, tho poen! Ahih a khuehna huen he bueh lah.

Marku 8:31

Tecoengah Jesuh lawng a hubang hue te cang puei ham a tong: “Thlaang-hing Capa lawng patang a khang vetih ahaamca thli, khawsoeih ahaamca thli oen Phungawl cangpueikung thli lawngah a hoett u ai. Ahih te a ngawn u ai, tede hin thum coengah tho koep ai a tina.

Luka 24:12

Tede Piter tah tho thlat tih poe heeng; ahih lawng buekuep thuk tih thlann khui te a bueh vengah rawkk yaawlna himbai tah a huh de atloe n'tu khaw hu nawh. Tecoeng atah he tila aka awm thaihu dawngah te a kawpoek rai tih im la koep meel.

Luka 24:23

Ahimi te va meel koep u tih ahih tah tho poen tila aka thui vanthlaang te khaw ka huh u tila a thui u.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 10:17

Kai lawngtah hingna te ka dang koep hamla a awm dawngah hingna te peek ham ka ngaih tih a Pa lawng n'lungna.

Johan 2:19

Jesuh lawng, “He kah Tempal bok-im he phe uh, hin thum khuiah ka sak koep ai.” a tina.

Caeltueih 2:24

Tede, Pathen lawngah ahih te duekna thara khui kalawng a loeih sak tih a thawh sak poen, metihtiah ahih te duekna lawngah thongtla angla tu khaklal thai nawh.