Mathai 26:58 - Matu Chin New Testament 2006

⁵⁸ Piter lawngah a thla bet ngai kalawng Khawsoeih Bawi kah a talawng vawng-up khui toela Jesuh te a hu yut tih a vai. Metila nuem a sai u lah ve tite ming ham a ngaih dawngah ahih lawng talawng vawng-up khuila kuun tih raaltoeng thli oen haih ngawl.

Matu Bible

⁵⁸ Peter loh khosoihham kah vongup duela hawt a vai. Te phoeiah hnuktloih te ming hamla a khuila kun tih tueihyoeih rhoek taengah ngol.

Mathai 26:58 Iomraidhean Croise

Mathai 26:3

Tecoengah khawsoeih ahaamca hue oen Judah ahaamca hue lawng Khawsoeih Bawi Kaiafas kah impui ah tun u tih,

Mathai 5:25

“Thlaang pakhat khat lawng taya n'cawi tih awlcekna yung la n'ceh puei atah yung na pha thlan atue a awm vengah ahih oen roepna sai. Te huen na pha atah nang te awlcekbawi tengah m'peek vetih awlcekbawi lawng palik tengah patoeng m'peek vetih thong ah n'thlaak ai.

Luka 22:54

Ahimi lawng Jesuh te a tuuk u tih Khawsoeih Bawi im la te a ceh puei u; Piter lawngah athla ngaai kalawng soei soei a vai.

Johan 18:25

Piter tah te ah te pai khiing tih hai a aawm. Tedawngah thlaangtloe hue lawng ahih nala te, “Nang khaw te thlaang kah a hubang pakhat van nawh aw?” a tina. Tede Piter lawng basa tih, “Kai he ahih kah hubang nawh ni,” a tina.

Johan 19:6

Khawsoeih ahaamca thli oen tempal bok-im aka toet raalkap thli lawng a huh u vengah paang u tih, “Thinglam dawngah ngawn! Thinglam dawngah ngawn!” tila a thui u. Pilat lawng ahimi nala te, “Nangmi lawng khuen u langtah thinglam dawng ngawn uh. Kai lawngtah ahih he duek sak ham akawng alam ka hu nawh.” a tina.

Johan 7:32

Jesuh kawng te thlaangping lawng-ah te tila tuemtuem a thui u te Farasi thlaang thli lawng a yaak u, tedawngah ahimi oen khawsoeih ahaamca thli lawng ahih te tuuk sak hamla raalkap a tuih u.

Johan 7:45

Raalkap hue te a meel u koep veng atah khawsoeih ahaamca thli oen Farasi hue lawng ahimi nala te, “Ahih te n'tu ah navan khuen u nawh.” tila a doet.

Caeltueih 5:22

Tede a thlaangtuih thli lawng thongim a pha u vengah thongim khuiah celtuih thli te hu u tlaih nawh, tedawngah awlcekna khonsil thlaang thli tengla te meel u tih a thui pe u,

Caeltueih 5:26

Tevengah tempal bok-im aka toet bawi lawng amah kah thlaang thli te a ceh puei tih celtuih hue te avan khuen koep u. Tede amami te thlaangping lawngah lungto oen n'de hau ai tite a rih u tih a mangkhakla tah sai u nawh.